‎امــرأة الرجـــل الشــــرقي (باللـــهجـة الجـــزائريـــة)

05

امرأة الرجل الشرقي ❤️5

- ادم:سحقيتك فواحد حاجة

- الياس:خير برك

- طفلة هاديك شوف كيفاه تخرجها سنن والله هاداك السبيطار يتهدم قالها او هو مغشش

- الياس:بلعقل اصاحبي علاه راحك مغشش مافهمتش

- ادم :بسك ماشي بلاستها ديجا علابالك بلي بنات الجزاير قليل اللي تلقى وحدة ماتحبش تخرج شادة دار بسك 2020 تلقى غير ق**اب اللي يحوسوا غير  على مادة  بون ماشي هادا سوجي غدوا نسمعها خرجت 

ودخل دوش وغلق باب الياس تشوكا فيه بسك جامي
ادم ولى اهتم لطفلة ادم يكره حاجة اسمها جنس الاخر ماعليه خير يلقى حل كيفاه يخرجها بس والله ادم غير يهدم هاداك سبيطار

- الياس: وتشبيه هادا شدو جن اواه يلاق نخرجها بسك علابالي لوكان ماتخرجش ينفذ كلاموا خويا و  ونعرفوا او خرج

خرج ادم بعد ما دا دوش بارد يطفي فيه نار اللي راهي داخل بسبت لينا راح رفد كاس عمر ويسكي وقعد يخمم فيها كي كمل رما روحوا على فراشوا ودخل في سبات عميق

نهار جديد بدا على الابطال تاعنا
ناض ادم دوش لبس حوايجوا كوستيم كحل كيما يحبو صباط كلاسيك فالشباب هز تيليفونه مفتاحه وطلع لشركة تاعوا
عند لينا اللي نوضوها على 8 تاع صباح مسكينة مارقدتش كامل بسبب انوا ماحاساش روحها بأمان حتى ضو خلاتها شاعلة ،ناضت عيانة ماحبتش دوش غسلت شعرها وجها سنانها لبست حوايجها اللي هي ثاني عبارة على اسود كحلت عينيها  اللي تلقى فيهم جيست البرود

لينابوف
اليوم قررت نلبس اكحل وليت نحب اللون هادا بعد ماكنت بديت نكرهوا ومانلبسوش بزااف غسلت شعري وقلت لهم يمدولي ماكياجي ويي كي تحبي ماكياجك ولا حاجتك لازم دوموندي زعما يشكل خطر ، عطاوهلي لبست درت ماكياج كحلت عينيا وليت كي شغل رايحة جنازة تع المسيح  رحت قعدت معاهم حتى نسمع صوت نعرفوا مليح وي ماما بصح واش راهي دير هنا ماعندهاش رونديفو عيطتلي كارول اللي تخدم تم قاتلي هيا راح تخرجي انا تشوكيت كيفاه نخرج مازال زوج سمانات خزرت فيها ورحت نلم في حوايجي وبلا ماننسا مخداتي اللي مانقدرش نرقد بلا بيها لوكان ماشي هيا باقي 24/24 فاطنة

- لينا: واش كاين علاش خرجوني ماشي مازال زوج سمانات

- ماماها (صليحة): ماعلاباليش جيست عيطولي قالوليلي
ارواحي تخرجي بنتك انا جيت نجري

- لينا: جيتي تجري علاه تكذبي جيتي ببيس

صليحة: بلعي ابنت الكلب

لينا :زعما يكون هاداك تاع بارح

- صليحة : شكون هادا ثاني

- لينا:كي نحت رجلي برا هاد سبيطار نحكيلك

- صليحة:صحا

جا الطبيب عاطالهم سنياو واحد ورقة ودوا اللي لازم تبعه فالدار
صليحة : (ماقدرتش ماتشدش فمها) علاه خرجتوها

لينا : علاه بغيتي تخليني هنا سيور

طبيب: بنتك مابيها والو دونك ماكاش علاه تقعد هنا

صليحة : اااه صاحا مالا انا اللي بيا

لينا : ماما هيا نخرجوا

لينا كي خرجت من تم كانت حبت تبكي مع انوا علابالها ماراح تقعد تمام بزااف بصح ماعجبهاش حال تما

صليحة:ايه دوك قوليلي شكون هاداك اللي كونتي تهدري عليه

لينا: اااه وي واحد راجل مي لوكان تشوفيه اماما كور ديكور شافني من طاقة كي كونت نبكي غدوا منداك جا يشوفني مدلي بيس تاعو او هدر معايا قالي كلام خلاني نتوسوس بلي هوا اللي خرجني بسك على حساب هاديك الحطة عندوا شركات ومعارف

صليحة: شوف بنت الكلب ماكاش حشمة كور وديكور تفو او مافاقولكش على بيس

لينا : ايه انا قتلك زعما كيفاه داير لالا خبيتها او كلما يعطوني تيليفون نديرها

صليحة : صافي خلاص فرج عليك ربي نتهنا منك ياااك

لينا:دغا في وجهي ماما ديجا وين فرج ربي وين  سيد عوني برك ااااه لي الجيريان جامي يتبدلوا

صليحة:هههههههههههه بالاك مكتوب ربي

لينا:خزرت فيها تاع منيتك ديجا علابالك سبيطار كامل سمع ضحكتك

صليحة : ايه اومباعد

لينا ويماها ماشي غير علاقة ام وبنتها اللي تتعلق بيهم علاقة صداقة ثاني تتعامل معا يماها كي صاحبتها حتى طبيب تخلع فيهم
•
•
•
•
•
شوف كان شوف كان دير نجمة الله يخليك  تحت ويي زيد شوية وي تم صاحا 💗