‎امــرأة الرجـــل الشــــرقي (باللـــهجـة الجـــزائريـــة)

09

           امرأة الرجل الشرقي ❤️9

ليل كامل او لينا تفكر فاللي صرى حتى لقاتها 4تع صبح دخلت ترقد بسك تخمام ماراه رايح يديها لحتى حاجة
لحقت 2تع تعشية لالة مزالها راقدة فيقها تيليفون يصوني ريبوندات بلا ماتشوف شكون

- لينا : الو وي 

- ادم: راني تحت احبطي

- لينا: نحبط وين ...شكون

- ادم: تقعدي بيا لينا مزالك راقدة ولا ماتقوليليش هادا وين نضتي

- لينا : اددم ، ااه وي دك نضت وشراك دير تحت بغيت نقول وين تحت

- ادم : نطلع ليك

- لينا: يا يممه ماتقوليش اللي راني نخمم فيه

- ادم: نورمالمون ايه سواسوا

- لينا: شحال راهي ساعة

- ادم: زوج او نص أ لالة

- لينا: واش جابك وقت هادا ماتخدمش نتا

- ادم: كملت بكري دك تحبطي ولا نطلع

- لينا : بصح علاه
- ادم: نطلع خير

- لينا : داين داين مانعطلش قعدت تمتم ماتخلوش واحد يرقد الاز ڤاع

- ادم: ايه اهدري نسمع واش راكي تمتمي تم

- لينا :  والو والو درك نجي 

- ادم: صاحا

لينا بوڤ
كوبات ناضت غسلت وجها سنانها لبست بدون نسيان شوية خداع مومنين ماشي تخرج قدامو تقول زومبي ماسكارا فاراجو ماكياج روز  شافت في فراشها ماعليش كي نولي نخدم كامل هاد شمبرة ماشي اول مرة هههههه

حبطت لعندو لقاتو يكيف ويهدر فتيليفون كي شافها كوبا وطفى ڤارو قربت لعندو تسالمو فتحلها طونوبيل جنتلمان ركبت هو ثاني واليوم قرر يدور بيها كامل روما

- لينا: قولي برك لاه مخرجني ان شاء الله يكون اهم من نومي !

- ادم: تعرفي روما كامل

- لينا: ايه ماشي بزاف مي نعرف

- ادم: ايه يوم تدوريها كامل

- لينا: صحح

- ادم: هممم مد يدو مسح ماكياج من فمها هادا لاه دايراتو ياك راكي رايحة تاكلي ويروح