Wala Mailhing Katininuud

Kapitulo 9

"DANILO, kaon una. Basin makuyapan ka," ingon sa usa ka tripulante kang Danilo nga ganiha ra nagbarog sa ubos kay gihuwat niini ang ilahang Kapitan. "Sila Kapitan Don og Bise Eman nana ang atoang gihuwat, sigurado kong wala'y bati nga mahitabo nila," abiba(encourage) sa lalaki kang Danilo.

Ningisi ra si Danilo niya og iyaha dayung gidawat ang makaon nga gidala niini.

"Maayo unta ayos ra mo," huna ni Danilo samtang gitan'aw ang kalibonan nga ngitngit na kaayo.

Pila na ka oras sila gahuwat pero wala gihapon naabot ang ilahang Kapitan og ang Bise. Nag istoryaanay na ang mga tripulante og si Danilo naminaw ra nila.

"Unsa man Danilo? Apason nato sila?" pangutana sa iyahang ka miyembro.

Nitutok si Danilo niya og pipila ka segundo naa siyay gihatag nga mando.

"Kinsa mo kuyog nako mo apas nilang Don!?" Siyagit niya aron makadungog ang tanan miyembro sa Alas Milagroso.

"Dili lang sa ko, gikapoy ko gud," ingon sa usa.

"Kuyog ko!"

"Kamo lang sa, bantay lang mi sa Esmeralda."

Nadunggan ni Danilo ang tubag sa iyahang ka miyembro. "Sa ganahan mo kuyog nako naog namo daan. Sa mga dili palihug ko bantayi ang Esmeralda og huwata mi. Kung naay laing tao nga magpakita ninyo nga dili kami, andama inyohang kaugalingon para makig-away," ingon niya. "Nakuha ninyo!?"

"Oo! Nakuha namo!" ingon sa mga katripulante sa Alas Milagroso nga magpabilin aron bantayan ang Esmeralda.

"DANILO, dili ta pwede mo adto sa kasingkasing sa pulo," ingon sa usa kang Danilo nga nagpatiuna'g lakaw samtang nakakupot og kahoy nga naay kalayo sa babaw.

"Kasabot ko, pero kon bisag asa ta mo tuyok, wala dyud nato sila makit-an. Basin naa sila sa kasingkasing," hatag patin'aw(explain) ni Danilo, pero nikalit lang siya'g hunong sa paglakaw.

Nahibulong pud ang kauban niyang mga ka tripulante og ni hunong pud sila'g apil human dayun ilang gitan'aw ang ilahang palibot.

"Kinsa na!" isog nga pag-ingon ni Danilo. Nilingilingi siya sa iyahang palibot og iyahang giisa maayo ang dala niyang kahoy aron makit'an niya kinsa tong naglihok.

Sa sige niya'g tan'aw sa atubangan wala siya kabantay sa luyo. Nibangga lang niya ang usa niya ka tripulante maong nilingi siya apan didto niya nakit'an ang mga lalaki nga naghabag dala ang mga pana nila.

"Kinsa m-"

Wala nahuman si Danilo sa iyahang i-ingon kay kalit lang naay nihamag niya og gikuha ang kahoy nga iyahang gidala. Natumba siya og wala niya tuyo'a nga naapil og katumba ang iyahang ka tripulante.

Ang hayag nga palibot pag-una... karon ni ngitngit na.

Gabii naman og ang hayag sa buwan nalang unta ang ilahang pag-asa pero dili kaabot ang hayag sa buwan nila kay gadagko ang kahoy nga gaali nila.

"Piti nami ani!" kulbaang huna ni Danilo sa iyahang utok. Nihinayhinay siya'g barog, "Hoy, ayos ramo uban dinha?" pangutana niya pero wala'y nitubag. Pero nakadungog siya nga naay natumba.

"Ayaw ko'g hikapa!" Dungog niya.

Iyaha dayung gilingi kung asa to dapita. Kadungog pud siya nga naay gaistorya pero wala siya kasabot sa sinultian niini.

Taod-taod kalit lang nisaba og nabantayan niya nga naay higot nga naabot sa iyahang tiyan og nakit'an nalang niya ang iyahang kaugalingon nga nakagapos.