Wala Mailhing Katininuud

Kapitulo 11

DUHA na ka semana ang nilabay sukad atong higayona. Pila nasad sila ka adlaw wala ka kita og yuta. Karon naa gihapon sila sa kadagatan naglakbay. Padulong sila kung asa ang uban pang mapa.

Gipangutana nila ang mapa kung asa ang uban pang mapa apan wala sila kakita sa Bagsik nga barko buot pasabot nakawat pud ilaha. Ang usa ka mapa dili gihapon makit'an, ang usa naa sa usa ka barko nga ilado kaayo ni Don og ang usa naa sa pinakadelikado nga grupo sa pirata.

Ilahang gitan'aw ang usa ka mapa og nakita nila nga naa kini sa ngitngit nga lugar maong wala sila'y sigurado kung asa kini. Dili sad sila kapangutana sa mapa kung asa nga pulo kay ang tubag ani kutob ra kung asa nakabutang ang mapa.

Karon gitiwas nalang una ni Robin ang pagbuhat sa mga hinagiban. Pasinaw nalang ang kuwang og mahatag na dayun ni niya nila. Wala kabantay si Robin nga naay ni duol niya.

"Bay, maayong buntag," bati ni Eman niya. Kung mo bati si Eman niya hagkan ni Eman ang luyo sa kamot ni Robin pero sukad atong gibira ni Robin palayo ang iyahang kamot wala na buhata ni Eman ang paghalok sa kamot ni Robin, bagkos mo pahiyum nalang siya.

Nihunong una si Robin sa iyahang gibuhat, gipahiran una niya ang iyahang singot dayon diha na niya gibati si Eman pabalik, "Maayong buntag pud." Ngisi niya.

"Mangutana unta ko kung ayos raba nimo buhatan pud ug hinagiban si Rivo," ingon ni Eman niya. Pero ningisi ra si Robin.

"Ayaw ug kabalaka. Gihimoan na nako siya. Polishing nalang kuwang!" Lipay'ng ingon ni Robin pero nakalimot siya nga naa siya'y usa ka pulong(word) nga dili bisaya.

"Po-li-sing?" taas kilay'ng pangutana ni Eman niya.

Gipaningot si Robin. "Unsa gani bisaya sa polishing," huna niya, makita nimo sa iyahang naw'ng nga gikulbaan na siya'g pamaayo. "Ahh! Kanang pasinawan baa! Sus!" Peke siyang nikatawa.

Nahibulong man pero ni tando ra si Emann niya.

"Ayaw ug kabalaka hapit na dyud ko human, ako rani i-hatag ninyo." Ingon niya.

Wala nilakaw si Eman og ni lingkod siya samtang gitan'aw niya si Robin nga gipahaitan ang mga hinagiban. Tungod kay tsismosa si Robin og ganahan na dyud siya mangutana. Nangutana man unta siya ni Don unya ang tubag ani kay pangutan'on nalang si Eman.

"Man, " tawag niya, nitan'aw siya kang Eman og nakita niya nga nakurat ni. "N-Ngano ka oy?" tawag pansin niya.

Natulala si Emann kadiyot og gitubag ang pangutana ni Robin. "I-Imo kong gitawag gamit ang akoang pangalan," namuwa si Eman pag-ingon niya sa iyahang gisulti.

Niisa usab ang kilay ni Robin. "Mao man dyud na akoang gamit nimo!"

"Bay, bisa'g kausa wala ko nimo tawga sa akoang pangalan. Ang higayon naabot na karon. Nalipay ko." Nauwaw si Emann.

Wala kabalo sa buhaton si Robin maong giusab nalang niya ang giistoryaan nila og nagsugod na siya'g pangutana.

"Igsuon mo ni Bo?" Diretso niyang pangutana.

Nilingi si Eman niya og ni ngisi. "Ngano mang nakapangutana ka ana?"

"Alangan bi, mag Kuya man si Rivo nimo tapos katong hapit siya mahimong sud'an nagdali dyud ka aron luwason nimo siya," hatag niya'g patin'aw. "Just my hypothesis tho," huna niya.

"Hmm. " Nipahiyum(smile) si Eman og gisugdan na niya'g istorya ang gihuwat nga tubag ni Robin. "Disiotso palang ko atong nagkita mi. Otso ang edad ni Rivo ato sukad atong nakit'an nako siya nagpalaboy-laboy. Ka pulo rami ni Rivo atong giguba sa usa ka pirata ang amoang lugar. Sukad ato pirmi nami mag kuyog, mura na siya'g manghud nako. Para nako siya akoang pamilya og... kamo." Ngisi niya. "Usa naman diay ka dekada ang nilabay sukad ato," ingon niya og gihunahuna ang una nilang pagkita ni Rivo.