Wala Mailhing Katininuud

Kapitulo 5

Tulo na ka buwan ang nilapas sukad atong gihatod si Robin sa Pulo Anduhaw, og usa na pud ka buwan nga sige siya'g adto sa laing mga pulo para lang makit'an niya ang uban pa'ng mapa. Pero sa sige niya og pangita wala dyud siya bisa'g usa nakit'an. Naglisod siya og pamaayo kay wala siya'y na kaila bisa'g usa man lang, iyaha ra dyung kaugalingon ang kuyog niya.

Naa siya'y nakuha nga mga bulawan sa balay nga naa sa ilaw'm sa yuta og mao to iyahang gigamit isip kuwarta niya pero pagtan'aw niya sa iyahang pitaka, gamay nalang ang mga bulawan.

"Wala nakoy kuwarta hapit." Giingkit niya iyahang ngabil og nipahupaw(sigh) siya.

Pero naa siya'y nahunahunaan og mao'y rason nganong nahimo siya'g binilanggo. Usa na siya ka semana nga naa sa atub(prison cell) sa usa ka pirata nga barko.

"Hahahaha, ha... ha. Bogo'a nako oy, maypa'g wala nalang nako gisunod akoang utok." Nikatawa siya kay di siya ka tuo nga siya na'y na bilanggo, imbis nga iyang trabaho siya mo'y tigpriso.

Maong na priso siya kay ang iyahang ideya maghimo siya'g batuta(baton) pero ang metal nga gamiton kay lisod pangitaon. Sa pila ka adlaw nga sige niya'g nilakaw naabot siya sa usa ka lugar kung diin kita siya naay nag-alsa og usa ka materyal nga talagsa ra makit'an, gisundan ni niya og plano niya nga kawaton to total kinawat man sad to gikan.

"Fighting for justice man ta ko, pero ngano naman ni...." og ni katawa nasad siya.

"Hoy babae!" tawag sa usa ka tripulante niya. Nilingi siya anhi og iya kining gitutokan. "Dara imong pagkaon!" Ingon sa tripulante og gilabay ang usa ka pan sa salog nga puwerting hugawa.

"Here we go again," huna niya og gikuha niya ang pan. Wala siya'y laing mabuhat kundili kan'on to kay kung dili siya mo kaon mamatay pud siya. "Bitikon man sad ta ani." Paghuman niya og kaon ni sandig siya sa bongbong.

Mag usa ka semana na sad siya wala nakaligo. Ganahan na siya mo hawa sa barko nga iyang gisakyan pero kabalo man siya nga naa pa sila sa dagat naglakbay og wala siya'y mabuhat kundili maghuwat nga naa na sila sa usa ka pulo og dinha niya buhaton ang iyang ganahan buhaton.

Gitantiya(calculate) na niya daan ang unsa'y saktong buhaton niya.

"Perks of being an agent. Heh," yamyam niya.

Pero pipila ka minutos nahibulong siya nganong ang barko nihunong. Nibarog siyag kalit dayun ni duol sa pultahan sa prisohan nga gihulma gamit ang mga kawayan.

"Naa namis usa ka island?" huna niya samtang nagpaminaw sa mga istorya sa ibabaw.

Samtang naghangad siya para maminaw naa nalay nitulo sa iyahang agtang. Iyaha to gihikap og nabati niya nga usa ni ka likido og nabantayan niya nga madikiton ni. Pagtan'aw niya usa diay to ka...dugo.

"Shit! Unsa'y nahitabo sa taas?" kuryoso niyang pangutana.

Sa dihang na klaro na ang mga tingog sa ibabaw. Nadungog niya ang lagobo sa taas og mga siyagit sa tripulante.

Huna ni Robin nga naay laing grupo sa mga pirata karon og nakig'away sa grupo nga nipriso niya.

Nabantayan niya nga wala ang mga tigbantay sa gawas, og diha na niya gisugdan iyahang plano pero nikalit ra'g kawala.

"Yawa na. Naa pa diay mi sa tunga-tunga sa dagat!" hilak niya. "Arghhh!!" Gidukol niya iyang kaugalingon.

Naplanuhan niya nga inig human sa away sa taas klaro kaayo ang mga butang sa pirata nga nidakop niya kawaton sa usa ka grupo sa pirata, unya ang iyang plano kuhaon niya ang mga metal unya mo tago aron di siya madakpan sa lain nga grupo.