Wala Mailhing Katininuud

Kapitulo 10

IMBIS na mo sunggab si Don kung asa ang lalaki, napahunong siya sa iyahang nakit'an. Ang kamot nga padulong na unta sa perlas ni Robin kalit lang nihunong kay naay nikupot ato.

Nitan'aw si Don kung kinsa to og nakita niya si Robin nga ang naw'ng naglagot og pamaayo.

"YAWA RA!" Siyagit ni Robin og dali niyang gibalibag ang lalaki sa ubos human iyaha dayung gisukmag bali-bali ang naw'ng ani. Nabantayan niya nga duslakon na unta siya sa mga bataan sa lalaki mao dali niyang gikuha ang espada sa lalaki og iyahang gihiwa ang mga lalaki nga padulong niya, upat ka lalaki ang niduol niya og upat pud ka lalaki ang nilugwak ang bituka. Napisikan si Robin sa mga dugo ato.

"Bleurgh" yamyam niya, dali dayun siyang nibarog og nidagan dayun human nisiyagit siya nila ug, "Dagan mo!"

Nakabuhi dayun si Robin og nidagan siya'g pamaayo padulong nilang Don. Sukad nidagan siya nikaratil pud og dagan sila Danilo, Dennisito, og Rivo padulong sa pampang aron didto moambak padulong sakay sa Esmeralda kay dili sila pwede mo sa'om sa dagat.

Si Eman nag dagan pud og wala siya kabantay nga naa diay siya'y gibitbit nga bata, mao to ang bata nga gibihag ni Don. Wala ra pud nag kisi-kisi ang bata, wala'y siya'y reklamo... gipabahala nalang niya kung asa siya maabot sa iyahang kinabuhi.

"Ahhhh!" siyagit ni Robin. "Yawa ra dyud! Wala pa'y lalaki nga nakahikap nako og di ko ganahan siya ang first!" huna niya samtang nagdagan og pamaayo, siya ang kiniiwitan nila nga nagdagan.

Nitan'aw siya sa iyahang likod og nakita niya nga gigukod pud siya sa mga lalaki. Mao dayung ni hupo siya og gamit ang duha niya ka kamot nikuha siya'g balas dayun gisabyag niya sa mga nigukod niya aron mapuling.

Nitan'aw gihapon siya sa iyahang likod og nakita niya nga naa gihapo'y ni gukod niya. Gikapoy man siya pero dagan lang dyud. Og karon pasaka na siya sa pangpang kaso na tapilok siya'g natumba.

Nihunong og dagan si Don og nibalik siya sa agi aron tabangan si Robin.

"Nganong ni balik paman ka!" kasaba ni Robin niya.

"Saba!" ingon ni Don og dali niyang gipabarog si Robin.

Nahibulong si Don nga nganong wala na siya'y nakit'an nga nag gukod nila. Mao diay to gilabayan sa uban niyang tripulante ang mga lalaki gamit ang...

"Mansanas?" Nakurat siya. "Ayaw na mo'g labay! Wala na tay makaon ana!"

Pero wala naminaw ang iyahang mga katripulante og nagpadayun ra sila'g labay.

Pila ka segundo naa na sila sa tumoy sa pangpang. Sa ubos ato makita nimo ang Esmeralda nga gahuwat nila.

"Una ko mo ambak, ayaw og kabalaka saw'on taka. Basta ang importante dili ka matagak sa tubig. Kasabot ka!?" ingon niya kang Robin nga nitan'aw sa ngitngit nga dagat. "Robin!" tawag niya.

Nibalik sa ulirat si Robin og ni tando. Og mao nato'y hudyat para mo ambak si Don. Nakita ni Robin kung giunsa pag-ambak ni Don, wala na hapla si Don sa salog kay pag-ambak niya didto siya dapit kung asa to ang naay mura'g lawa-lawa nga gigama sa pisi nga parte sa barko.

"What if adto ko mo ambak?" huna niya pero nibalibad dayun siya. "Ayaw! Ana man si Don nga saw'on ko niya," ingon niya sa iyahang kaugalingon.

"Robin dali! Padulong na ang mga kaaway nimo!" kusog nga pag-ingon ni Don kang Robin.

Dali dayung nilingi si Robin sa iyahang luyo og wala'y pagduhaduha niambak na siya samtang nag piyong.

"SAW'A KO!" siyagit niya'g pamaayo.

Gitan'aw ni Don og pamaayo ang distansiya aron masalo niya'g tarong si Robin. Wala pa nilapas ang lima ka segundo na salo na niya si Robin og hapit sila duha matumba pero maayo nalang naka balanse siya.