Wala Mailhing Katininuud

Kapitulo 1

"Bisa'g asa ka nga field ibutang, maayo gihapon ka," pasidungog sa dako-dako sa ilang trabaho sa usa ka babae nga naglingkod sa lamesa.

"Alangan nama'g dili, Boss, mao gud na akong paborito nga trabahoon," tubag niya og dali-dali niyang gidawat ang sobre nga gihatag sa iyang boss, nga way laing sulod kundili ang sweldo para niya. "Salamat ani, Boss." Pagka-ingon niya ato nidiretso siya'g gawas sa pultahan sa opisina.

"Kalami, mo samot na gyud ni'g kadaghan akong kwarta." Nikatawa siya'g maayo nga mura ba'g wala siyay kaugmaon. Pero na hunong kalit ang iyang pagkatawa kay nitingog ang iyahang telepono. Pagtan'aw niya sa kung kinsa'y nanawag iyang naw'ng nikalit lang og ka seryoso.

"Criselda?" tubag niya sa nitawag niya.

Ms. Robin, mag abli na ba ko sa tambalanan?

Nipahupaw siya kadiyot og iyang gihilot iyang agtang. "Oo, ablihi nana." Gitan'aw niya ang iyang rilo og nakita nalang niya nga alas tres na sa hapon. "Mga baynti ka minutos naa nako anha."

Yes Ma'am.

Og iya nang gitapos ang ilang tawag. Nibalik siya'g sulod sa opisina para mananghid siya nga mo una na siya'g uli. Pagkahuman niya'g pangayo'g permiso nidiretso siya sa iyang sakyanan nga Ford Ranger. Naa na siya sa sulod dayun dali-dali siya'g ilis og lab gown.

Nagmaneho siya padulong sa tambalanan, mga sakto nga baynti minutos naabot na siya. Iyahang gibutang ang iyang sakyanan kilid lang sa tambalanan. Naay nigawas sa atubangan sa pultahan og gisugat siya.

"Miss Robin, naa nay lima ka pasiyente nga naghuwat." Nitando ra si Robin sa giingon sa babae nga ang ngalan kay Criselda.

Nisulod na siya og nakita niya ang pipila ka pasiyente kuyog ilang mga pamilya, mapatiguwang, batan'on og bata man. Gitutokan niya tanan og nipahiyum siya.

Nilingkod siya sa iyang lingkoranan og gikuha ang papeles nga gihatag ni Criselda niya.

"Romualdez?" Pagka-ingon niya, nibarog ang duha ka tao, nakita niya ang usa tiguwang dayun ang usa batan'on.

Nilingkod ang duha sa lingkoranan tapad niya og dali-dali niya kini gipangutana.

"Maayong buntag, Misis Romualdez, unsa may gibati nimo 'ron?" pangutana niya sa tiguwang, iya nang giandam iyang ballpen para isuwat sa papel ang gibati niini.

"Na inday, sige ko'g ubo dayun maglisod nako ug barog."

"Wala man kaha kay hilanat?"

"Wala man hinuon, inday."

Gisuwat niya ang mga sulti sa tiguwang, pila pa ka pangutana iyang gipangutana usa nahuman sila.

"Lingkod lang didto, Misis, hapit na to mo abot si doktora." Nitando ang duha og nag pasalamat niya.

Pila ka oras ang milabay, na hurot na niya'g kompronta ang mga pasiyente og gihuwat nalang nila na mo abot ang doktora. Para di sila malaayan, nag storya-storya ang tanan hangtod sa na abot na ang doktora.

"MAAYONG BUNTAG Doktora Dela Cruz," bati ni Robin niini, misunod siya sa doktora paingon sa iyang opisina.

Dali-dali niyang gihatag ang papel og gitan'aw dayun to sa doktora.

"Salamat kay lima ra sila, di' dyud tantong kapoy," ingon sa doktora ug nisandig siya sa lingkoranan.

"Nganong gikapoy man ka, Doc? Diin man diay ka gikan?" pangutana ni Robin samtang iyang gilimpyohan ang lamesa niini.

"Akong usa ka pasiyente sa pikas gawild." Ni tabang ang doktora sa paglimpyo. "Maayo nalang gani dali ra siya napugngan."