مخبز عُرفـــان. #اكتملت

" البارت العاشر"

كمل عرفان والباقين الشغل ع اساس ان هديل فالكلاس وتسلم بحث ضروري اليوم .. حسب كلام لمار لكن هديل كانت طالعه مع علي اللي واعدته بصفقة المدرسه.

(سيارة علي )

علي : شو سويتي بخصوص الموضوع ؟ للحين ماطردتوا هذيلا اللي عندهم المخبز ؟
هديل : ماقدرنا نخليهم يطلعون
علي يعصب : كيف يعني ما قدرتي ؟ انتي طلعتي الكل اخر حد ماقدرتي تسويلهم شي؟ مش انتي قلتيلي خرب الكشك حقهم رسلتلك ناس تخرب المكان وماقصروا انا شفت الصور والحين تقوليلي ماقدرتي
هديل : اسمع ! هالمره ابوي وقف مع المدير وما قدرت اطردهم والمدير سوا صفقه انه شهرين ونشتغل نحن معهم كعقاب وبنهاية هالسنه بتمسك انت خلاص
علي : غبيه انتي ؟ المدير مسوي كذا عشان تسكتون وتمر الايام ع مزاجه والسنه الجايه يخليهم يكملون ولا يجيب غيرهم وتبدأ الاسطوانه هو مو قادر يطلعهم لان م عنده ميزانيه الحين
هديل : شو تباني اسوي انا مابيدي شيء ابوي معاه اقولك وما لقيت الا هالحل ولا تحاتي نحن نشتغل معهم وعرفان قالي انه بيطلع بعد هالسنه لانه اصلا مايقدر يكمل المدرسه خدعتهم
علي منهار : انا ماعرف انتي غبيه ولا تستغبين ولا ما صرتي تبين تساعديني خلص! كيف المفروض نتزوج ؟ ب ايش بالضبط هالصفقه بتأمن حياتنا الا لو ماتبين هالشيء
هديل تخاف : لا والله انا حاولت بكل الطرق خربت كشكهم وفالمنتجع قلت كل اسرارهم والكل توقع انهم مابيردون بس هم ماعندهم فلوس الشرط الجزائي فكل مره يرجعون غصب مو لانهم يبون اصلا هم كارهينا
علي يضرب ع السياره : افهمي كل هذا عشان تعطونهم فرصه يتمون اكثر مستحيل مخبز ماعنده فلوس وبعدين يقدر يفسخ العقد فالمحكمه بسبب الضرر اللي سويتوه
هديل تنصدم : بس وقتها نحن بنتمشكل وحتى ممكن ننسجن !!
علي : واذا ؟ ابوك بيطلعك فنفس اليوم ما بيمديك تتنفسين اصلا فالتوقيف بعدين كلها ساعات وبتطلعين بكفاله صدقيني مو موضوع كبير
هديل : مو معقول ! تباني انسجن عادي ولا همك ولا حتى سمعتي وسمعة اهلي ! انا سويت كل هذا وكان ممكن حتى انطرد من المدارس الخاصه كلها وانت حضرتك عادي عندك تضحيبي ؟
علي : لا تكبرين المواضيع هديل يمكن اهلك يبون يعاقبونك ع اللي سويتيه لكن مستحيل يخلونك فالتوقيف بدون ما يطلعونك اساسا بيموتون مكانهم
هديل : انت مستوعب ان كل كلمه تطلع منك اوقح من الثانيه ؟ مو انت تبي الصفقه قلتلك بتحصلها ماله داعي تحشر نفسك بكيف وليش الصفقه بتجيك السنه الجايه ف بتجي تسمع ولالا ؟
علي : ماشاءالله اسلوب جديد هذا بعدين اسمعي هالكلام لك سنتين تقولينه وكل مره مانحصل ع الصفقه وابوك يجي من اخر الدنيا بصفقه ثانيه
هديل تعصب : لا تتكلم عن ابوي كذا ! بعدين انا طول هالسنتين ما كنت العب ولا الف وادور كنت كل شهرين اطرد شركه عشان حضرتك وانت هذا كلامك لي ؟
.......... عرفان يدق .............
علي يمسكها : قلتيلي عرفان هذا تشتغلي معه شكله والله العكس حبيتيه ونسيتي موضوعي انا !
هديل : لالا انا اشتغل معهم خبرتك اكيد يدقون عشان ارجع لاني ما قلت الا للمار اني بشرد من المدرسه عندك
علي يبدأ يضرب : هالسوالف واللعب مب علي انا اعرف هالحركات صدقيني وانا فاهم وعارف شو اللي يصير بس تحلمي اني اخليك كذا من دون ما اخذ حقي !
هديل : حق شو انا ماسويت شي ولا احب عرفان ولا بطيخ شو فيك انت !!!!
علي يكمل ضرب : تحسبين ماعرف انك انتي اللي اخترتيهم ! وجبتيهم للمدرسه تكذبي ع مين انتي
هديل : انت فاهم كل شيء غلط انا جبتهم عشان ابوي يشوف اني غيرت رايي وبعدين لما اطلعهم ما يربط الموضوع فيني لاان اساسا انا اللي اخترت انا ماحبه انت ما تفهم