مخبز عُرفـــان. #اكتملت

" البارت السابع "

اليوم المنتظر يوم حفلة المنتجع .. اللي الكل كان يجهز فيه بطريقته وين الثلاثي كان مشغول بتجهيز الاكل وهديل ولمار مشغولين بتجهيز انفسهم في احسن الاحوال عشان يتباهون قدام الكل ! والمسكين طبعا ايثن اللي يحاول يثبت انتماءه لطبقه ماتخصه ولا تعنيه !!!

لبس عرفان بدلته السوداء بقميص اسود على عكس طواقم التقديم اللي كانوا يلبسون قمصان بيضا ، خلع القفازات البيض ولأول مره كان عرفان يعطي نفسه اللي تستحقها ويلبس بالضبط مثل ما حلم !

اما زاك اكتفى بالبدله السودا مع قميص ابيض ورفع شعره للخلف وطلع بأحساس اللي هذي الليله راح تكون صعبه ومستحيل تمر بسلام خصوص مع وجود شلة الشر مثل ما يسميها !

لكن ميان اختارت لوك ناعم ، كانت تلبس الآبيض وكأنها تبا تودع المكان بصورة السلام بعد ما ساعدت انها تنشر فيه كل الحقد مع هديل ولمار حتى ولو ماكانت تقصد

.................................

زاوية هديل ...

لمار كالعاده كانت تلبس اللون الاحمر ، لون الشر مثل ماتسميه وهو فعلا يمثلها كل التمثيل لكن ما قدرت تخليه عاري هالمره بسبب كدمات عرفان اللي لعوزت خريطة وجهها بالكامل ، رفعت شعرها وكان لوكها ببساطه يعبر عن روحها الشينه