مخبز عُرفـــان. #اكتملت

"البارت الآخير"

* الكومنت والفوت قبل تقرون لطفا ❤️❤️*
................

جلس عرفان جنب هديل مو عارف شيسوي وكيف ممكن يهون عليها اللي صار اوحتى يحصللها عذر عشان تختفي كم يوم لحد ما تخف الكدمات وتبدأ تتحسن لكن كل هذا ما اشغله عن علي اللي كان وده يذوقه من نفس الكاس ويعلمه بالضبط انه المفروض يستقوى ع اللي مثله مو اللي اضعف عنه ويلعب بمشاعر الناس

بدآ عرفان يرسل من فون هديل الاعذار وقال لآهلها انها بتكون عند لمار هالفتره كلها وتواصل مع الدكتور اللي هديل قالتله عنه عشان يكتب اجازه كعذر للمدرسه لكن كان عارف ان لازم يقول للبقيه ولا مستحيل هالكذبه تنفع لو ماكان عند الكل علم ؟

( بيت عرفان )

الكل يجون : ....
زاك يجلس : بسم الله شفيك ؟ ليش قفلت الشغل قبل الوقت ؟
لمار : اسكوزمي ليش انا هنا ؟ يعني اجتماعكم مألوف نظرا للاهتمامات المشتركه بس انا ليش ؟
عرفان يعصب : والله يا انسه انتي هنا عشان صاحبتك ماراحت تسوي مشروع ولا بحث ولا اي زفت
لمار تنكر : انت اييي ! هديل راحت تسوي البحث اقولك لا تسوي فيها عارف عننا
عرفان : اه والله ؟ اللي فالغرفه مضروبه من علي مين ؟ خيالي انا
لمار تنصدم : ها ؟
عرفان : هديل راحت لعلي وشردت من المدرسه ولما شرحتله الوضع قالها انك ما تبين تساعديني وتتهربين وانها جابتنا متعمده عشان ما تعطيه الصفقه
لمار : ابن الكلب سواها فيها طيب اصلا هي جابتكم عشان كان ع بالها
عرفان يقاطعها : اعرف قالتلي تبا تغير رايي ابوها ويحسب انها نست الموضوع بس ما مشى الحال
زاك : لحظه بس علي مين وصفقة ايش ؟ انا مش فاهم
ميان تحكي له كل شي : وبس عشان كذا كنا نضايق كل احد يمسك هالمكان عشان علي والواضح انه شخص زباله مثل مانشوف
لمار تتحلطم : والله انا قلتلها واكثر من مره كلمتها وكنت حاسه انه علي ذا مب كفو ولا هم يحزنون والله بس هديل ما تسمع شو اسوي يعني
زاك : والله ليتك ما خليتيها تشرد معه من المدرسه اقل شيء روحي معها او اي شي مو انتوا مليانين ناس واصله وحرس خلها تاخذ حد منهم
ميان تشرحله : ابو هديل مايحب هالشخص ومبلغ الحرس انه يخبرونه لو هديل راحت له او جاها وكلمها
زاك : واضح ان ابو هديل عارف نوعيته
لمار بندم : كلنا عارفين نوعيته بس مين يقدر يقول لهديل لا مستحيل والله وكنت احاول اماشيها عشان يكون عندي علم ع الاقل وين رايحه ووين جايه واقدر اتصرف
عرفان : مو هذا المهم الحين هديل ماتبي احد منكم يعرف بس اقنعتها وهي خايفه من هاللوم والهواش والعصبيه وانه تنتقدونها فبلاش تسون فاهمين كل شيء لان اتوقع انه كلنا عارفين واولنا هديل انها غلطانه
لمار : يعني شو ؟
ميان تخزها : يعني قولي كلمه زينه ولا خلك ساكته لمار ارجوك امسكي لسانك ولو مره وحده بس
زاك : وعلي ؟
عرفان : انا وانت بنتصرف مع علي اما انتوا تموا مع هديل
ميان : ويت ويت شو تتصرفون ؟
لمار : ترا علي مب هين عنده حرس وبلاوي زرق يعني انتوا مقابل حرسه صدقوني بتستون نفس العجينه اللي تعجنوها
عرفان : لا طبعا ما بتكون هذا اعرف بالضبط كيف اجيبه
ميان تمسك يد زاك : انتبه لك لما تسونها بليز
زاك : حاضر
لمار تصرخ : لا ماقدر ماقدر ما استحمل هالمناظر خليني ادخل اشوف الاخت المضروبه هناك احسن