مخبز عُرفـــان. #اكتملت

" البارت الرابع "

(عند الكشك)

عرفان وهو يرتب : شفيكم امس انت وايثن اصواتكم واصله للشارع
زاك : ابدا جاي يقول نفس الكلام وانه هو مش غلطان وانه وانه
عرفان يتنهد : خله خلاص يسوي اللي يبي واللي يشوفه زين له ما ناقصين ضغط من صوبه بعد
زاك : ايي معليك قلتله كذا بس انا قلتله انه يخليني بحالي حتى برا المدرسه دامه مستحي فيني داخلها ف انا بعد استحي من كذا ربعه في اي مكان
عرفان يفتح الكشك : على راحتكم لكن شوي شوي على اذون العالم ـ يحاول يهون الموضوع -
زاك : يحول شف من جاي ما بنخلص شكله
هديل تجي : صباح الخير
عرفان : كيف اقدر اخدمك تفضلي ؟
هديل : ممكن اكلمك شوي ؟
عرفان : اذا تبين شيء من الكشك ممكن لكن غير كذا لو سمحتي اعفيني من المشاكل
هديل تتنهد : انا كنت جايه اعتذرعن تصرف امس واللي صار كله لانه نحن كنا غلطانين وبس سوري لكم اثنينكم يعني وهالاعتذار مني ومن البنات
عرفان ما يهتم : ماشي ، اي حاجه ثانيه ؟
هديل : امم ماتسون قهوه ؟
عرفان : لا والله المدير منبه علينا ما نسوي مشروبات بكافيين ابدا لكن فيه عصاير وهوت تشوكلت
هديل تبتسم : ماشي عطني هوت تشوكلت واحد وسينابون
زاك : اي نكهه تبين ؟
هديل تغمز لزاك : ممكن تخليها من يده هو ؟ - تقصد عرفان -
زاك ينصدم : ولو حاضرين - يعطي الكيس لعرفان -
عرفان : اي نكهه ؟
هديل تحتار : انت اختارلي احلى وحده
عرفان يعطيها : ماشي حسابك دولارين
هديل بعبط : عادي اسألكم شيء بس لا تاخذونها بطريقه غلط ترا ماقصد
زاك يقلب وجهه : نعم ؟
هديل لعرفان : شدعوه ليش كله معصب هذا ؟
عرفان يتنهد : اسألي
هديل تناظر المنيو : الاسعار وايد رخيصه كيف تربحون بهالشكل؟ يعني احس الفايده من هالتعب كله قليله
عرفان : نحن مخبز صغير وحولنا مليون الف مخبز معروف في يوتا لو رفعنا اسعارنا ونحن للحين ما معروفين كان خسرنا على طول فالفايده القليله افضل من الخساره
هديل : اوه ؟ حلو والله بس احس عندكم فرصه هنا فالمدرسه لان اقل طالب هنا ما فجيبه اقل من ٢٠٠ دولار ع الاقل يعني يمديكم تزيدون الاسعار
عرفان يحاول يقفل الموضوع : لا كذا مناسب ان شاءالله ولا صار وقت الرفع بنرفع
هديل : ماشي استأذنكم انا عاد
عرفان : حياك الله