مخبز عُرفـــان. #اكتملت

" البارت الثامن "

حفلة المنتجع كانت حديث المدرسه طوال الآسبوع اللي راح، الكل يتكلم عن ايثن عن زاك وعرفان وميان اللي طلعت متبناه ! نهاية المطاف ما بين شامت ومتعاطف واللي ياكل فشار ومستمتع بالوضع ! ..

لكن
غياب ابطال الحدث ما طول كثير .. في يوم الأحد اول الواصلين كانت هديل وتبعتها لمار لكن توجهوا لمكتب المدير ع طول وسط نظرات باقي الطلبه .. واللي زاد الحيره وصول رباعي الحدث ! او رباعي الفضيحه مثل ما كانوا يسموهم فالمدرسه ودخلوا واحد ورا الثاني لمكتب المدير .. غريبه

( داخل المكتب )

المدير : اغلبكم الحين يسأل ليش انتوا هنا قبل ماتنتهي مدة الفصل .. السبب اني لقيت حل متأكد بيرضي الطرفين وفي حال طرف م وافق ف يتحمل تبعات قراره
عرفان : يعني ؟
المدير : انتوا - يقصد عرفان وزاك - جيتوا هنا بعقد وربح معين وانا مستعد انفذه واعطيكم المجال تخدمون المدرسه كلها زياده عليه مرتب من المدرسه
زاك : والمقابل ؟ اكيد ما بتعطينا اياه بلاش
المدير : ينتهي العقد بنهاية السنه الدراسيه يعني بعد شهرين بالضبط
هديل : عفوا ونحن ايش نحصل من هالصفقه المغريه بالضبط
المدير يتنهد : ابي منكم ما تتعرضون لهم بأي هجوم وتشتغلون معهم فالمخبز بما انه بيخدم المدرسه كلها وبالمقابل بعد هالشهرين راح اجيب الشركه اللي تبونها من ميزانية المدرسه بدون ولا دولار من المستثمرين وبدون تدخلهم في القرار
لمار تعصب : تبينا احنا نشتغلك في نخبز ! انت صاحي ولا شارب شيء ولا نسيت احنا مين ومين عياله ؟
هديل تمسك لمار : شو يضمن لي انك بتنفذ هالوعد ! شو يعرفني ان هذا مش كسر عين لنا بس عشان مرمطنا بالحكاكه الارض - تلف عليهم -
عرفان : احنا ما نبي من اي حد مساعده ومش مستعد اخلي ناس حتى ملابسها تحتاج مساعده عشان تلبسها من الخدم تتحكم بمخبزي وتلعب فيه رايح راد
لمار : اتوقع واضح ان مانناسب بعض ولا نقدر نشتغل في هالجو المكهرب بعدين ارجوك هذيل حاليا يغلون نار بسبب الفضيحه اللي صارت
زاك : انتي مفتخره باللي سويتيه يعني ؟ وكأنه بطوله ؟؟؟ ترا في كثير مواقف الشخص يحتاج انسانيته بس ولا كلنا نقدر نحرج الناس ع العلن
المدير : خلاص انت وياها ، انا قلت كلامي وخلصت اذا تبون هالحل كان بها لكن اذا رافضين عرفان وزاك يدفعون الشرط الجزائي وهديل ولمار تنفصلون من مدرسة يوتا كامله ومن المدارس الخاصه كلها !
هديل تعصب : نعم !! انت مين تحسب نفسك والله لا ادق ع ابوي واخليه يعلمك الادب
المدير : دقوا ع اللي تبونه انا خذيت الاذن منهم واهاليكم موافقه وانتوا احرار لو تبون الحكومي روحوا له .. وانتوا موافقين ع العقد الجديد ولالا
عرفان يبتسم : نحن موافقين
لمار : طبعا موافقين تلهثون ورا الفلوس لهث ما يحتاج جواب
عرفان لاصحابه : مشينا ورانا شغل ، المكان هذا ريحته فاييحه