တင်းရွှမ်ကကိုယ်လက်သန့်စင်ပြီးတဲ့အခါမှာတော့ ထမင်းစားခန်းဆီလျှောက်သွားလိုက်တယ်။ထိုနေရာမှာ အဝတ်တွေတောင်လဲလှယ်ပြီးသားဖြစ်နေတဲ့ ပေါ်ချန်းယိကသတင်းစာတစ်စောင်ကိုဖတ်နေခဲ့တယ်။
စားပွဲပေါ်မှာတော့ ခရုခွေပုံစံပေါင်မုန့်မီးကင်နဲ့ ကြက်ဥကြော်အပါအဝင် လိမ္မော်ယို၊ချောကလက်ယိုနဲ့ထောပတ်အပြင် ကော်ဖီပူထည့်ထားတဲ့ခရားတစ်ခုကရှိနေခဲ့တယ်။
[ခရုခွေပုံစံပေါင်မုန့်မီးကင်]
ပေါ်ချန်းယိကသူ့ကိုစောင့်နေခဲ့တယ်...
သူ့ပုံစံကြည့်ရတာမသိရင် ကျောင်းသားတစ်ယောက်ကိုကျောင်းပို့ဖို့စောင့်နေတဲ့မိဘတစ်ယောက်လိုပဲ...
တင်းရွှမ်ကသူ့ကိုယ်သူအောက်ပြန်ငုံ့ကြည့်တော့: သူ့ရဲ့အတွင်းဝတ်ဘောင်းဘီတိုလေးကိုရှာမတွေ့တဲ့အတွက်ပေါ်ချန်းယိရဲ့ညဝတ်အကျီကိုပဲကောက်စွတ်လာခဲ့ရတယ်။
ဒီပုံစံနဲ့ကျောင်းသွားဖို့လမ်းမမြင်ခဲ့ဘူး...
"ကျွန်တော့်အဝတ်အစားတွေ ဘယ်...ဘယ်နေရာရောက်သွားလဲ။ကျွန်တော့်ဂျင်းဘောင်းဘီနဲ့ရှပ်အကျီ"
ပေါ်ချန်းယိကမျက်ခွံအနည်းငယ်ပင့်လိုက်ပြီး သူ့ရဲ့အကြည့်ကိုသတင်းစာကနေ တင်းရွှမ်ဆီရွေ့လိုက်လေတယ် - "မင်း ဘယ်နေရာတွေမှာထားခဲ့လဲ"
ဘယ်နေရာတွေမှာထားခဲ့လဲ?
တင်းရွှမ်ကသူ့မှတ်ဉာဏ်တွေမနည်းပြန်ခေါ်လိုက်ရလေတယ်~
မနေ့ကပေါ်ချန်းယိကိုသူခုန်အုပ်လိုက်ပြီးတော့ သူ့ရှပ်အကျီကဒုတိယထပ်ရဲ့လသာဆောင်မှာလွှင့်ပစ်ခဲ့ပုံရတယ်...
YOU ARE READING
မင်းနဲ့ကိုယ်ရဲ့အကွာအဝေး
RomanceAuthor - Gong Zi You Total Chapter (s) - 90 Chapters+ 3 Extras I don't own this story. I just make translation.