الفصل الاول
المنزل يعلو بصوت الزغريت هكذا أفتتحت فاطمه صباح يومها ، لتستيقظ دارين متسألة
- ايه الزغريت الحلوه دي ، مين ها يتحوز
= مبروك ياقلبي أخوكِ محمد لسه جايبلك نتيجة الثانويه العامه دلوقتي من على النت ونجحتي
علي سفرة الأفطار تحدثت والده دارين بفرح
- شوفت يا عبدالله بنتنا رفعت راسنا ومضيعتش تعبنا النهارده أنا فرحتي قد الدنيا وهفرق شربات على الحاره كلها
=عقبال الفرحه الكبيره قريب إن شاء الله
- لا ده بعد ما أخلص كُليتي الأول
= مافيش كُليه انتِ كتر خيرك لحد كدا كويس
- قصدك ايه يا بابا أكيد مش هتقعدني في البيت وتمنعني عن حلمي ، أنا متعبتش كل دا عشان في الأخر حلمي يضيع علي الأرض.
قررت دارين ان تغادر لخالتها ناهد يومين لتريح نفسها من هذا الضغط ، جلست مع حازم أبن خالتها الذي يعشقها مُنذ الصغر تقص عليه مايحدث معها
- عندي الحل
= ايه هو
- بس ماعرفش هتقبلي ولا لا
= أنا أعمل اي حاجة علشان أوصل لهدفي ياحازم
- طيب أنا هتقدملك وأخطبك
شعر بصدمتها فصحح حديثه سريعاً
- هخطبك وأقول قدامي سنه عشان أجهز شقتي ،وفى السنه دي عايزك تكملي تعليمك بدل قاعدتك في البيت ، وبعد السنه دي تكوني حطيتي أبوكِ قدام الأمر الواقع لأنك خلاص هتبقي في الجامعه وبعد سنه نتحجج بأي حاجه ،،،و ربنا يسهل بقا
في منزل عبدالله ، نقل للمشفي بعد نقاش حاد مع أبنه لأجل الزواج من أبنت صديقه وبعد مرور أيام خرج بعد ما وافق أبنه علي هذا الزواج وطلب حازم دارين للزواج ويطلب مهله عام لتجهيز منزله ليجيب والد دارين
- أنا هنخليه كتب كتاب علي طول وانت الشقه بسرعه قبل السنه
مرت فتره وبدئت الدراسه ، أستعدت دارين لنزول الجامعه ، وبدء محمد ينجذب لدره ، وتعرفت دارين علي صديقه تدعي رنا وأصبح الاثنين مقربين من بعضهم البعض وقصت دارين لصديقتها زوجها المزيف كما فعلت صديقتها مع شقيقها الذي أعجب بـ دارين وأثناء حفل ميلاد رنا تقدم مروان شقيق رنا ليرحب بـ دارين لتبدأ رنا تعارفهم
- دارين صاحبتي ، مروان أخويا، وده أستاذ حازم أبن خالة دارين
ليصحح حازم لها الحديث
- وزوجها
ليكمل مروان حديثه وهو ينظر لدارين
- علي الورق يعني
نظر حازم لمروان ودارين بغضب ثم تاركهم ، وذهب مسرعاً ، أسرعت دارين خلفه
- أستني ،يا حازم
= عايزه ايه ، ازاي تسمحي لنفسك تتكلمي مع حد غريب في حاجه زي دي ،،انتِ مش خايفه علي سمعتك مش خايفه أخوكِ يعرف أو أبوكِ ، أنا حبيتك يا دراين ، ويوم مافكرت أسعدك عشان أقرب منك وتكوني جنبي بس انتِ بتبعدي مش عايزه تديني فرصه
- انت أستغلتني وأستغليت مشكلتي عشان تقرب مني وتفرض نفسك عليا ،،انت مكنتش صريح معايا من الأول ،،انت في قمة الأنانيه
غادر وتركها وذهب لسيارته ليلحق به محمد
- ايه اللي حصل يا حازم
= أسال الست هانم أختك
- حازم لو سمحت متتكلمش معايا كدا
= تفضحينا وكمان محدش يكلمك
- قولتلك أنا مقولتلوش حاجه يا حازم أنا بس حكيت لرنا ،،وهي وعدتني متقولش لحد ، عايز تصدق صدق مش عايز برحتك
وبعد مرور أيام أعتذرت رنا من دارين علي كشف سرها وذهبت لحازم أيضاً لتخبره ان دارين لم تخبر مروان بشئ وتصالحا
- دارين ممكن أسالك سؤال
= اسألي يا رنا
- انتِ بتحبي حازم.
= هو أبن خالتي وزي محمد أخويا
- وبس يا دارين
= وبس يا رنا ! ليه السؤال دا يا رنا
- بصراحه كدا أنا معجبه بحازم
= انتِ مشفتهوش غير مره أو مرتين بس يعني
- المرتين دول كفايه اني أعجب بيه هو شهم وجدع و حلو وكدا
في غرفة محمد أخبره حازم كل شئ واخبره انه يحبها
- قدامي فرصه واحده بس وهي أخر فرصه يانفعت يا منفعتش ، ولو محصلش نصيب ودارين حبيتني هبعد عنها خالص وكمان هقول لأهلينا علي الحقيقه واللي يحصل يحصل بقااا
= فرصة ايه دي
- رنا جاتلي المحل وهي اللي أقترحت عليا أنها تساعدني
#فلاش_باك
- انت لو بتحبها بجد مش هتتنازل عنها
= أنا عملت كل اللي أقدر عليه
- المشكله انك علي طول جبنها وبتساعدها في اي حاجه ،،،يعني كدا هتشوفك زي أخوها
= اللي بيحب حد بيحاول يخليه سعيد بأي طريق
- دا لو الطرف التاني بيحبه ،،،يعني مش حب من طرف واحد
= قصدك ايه
- سيب دارين عليا وأسمع اللي هاقولك عليه
