. اليوم الصبح رحت اتبرع دم لأحد الاصدقاء عنده مريض وأني واگف بالمستشفى شفت ولد زغير يباوع بالوجوه ويدوّر .. گتله شبيك عمووووو ..؟ گال .. أشو أبوي طوّل بصالة العمليات ؟ بصراحة وِجعني گلبي عليه وگتله..إن شاء الله يارب ما يطول .. ليش انت وحدك ؟ گلي ..أبوي بالعمليات وآني گاعد انتظره عنده عملية قلب بصراحة تحركت المشاعر الإنسانية بداخلي واحتاريت شسوي على مود انسي الطفل همه .. فرحت جبتله عصير ولفة گص وحلويات وچبس ليز وشغلات من هاي الغالية ... !!! بعد نص ساعة آجه دكتور لابس قميص العمليات ولزم هذا الولد من أيده وگله .. مو گتلك تبقى بالمكتب وماتطلع ؟!!! أني اهنا ادخلت .. گلت للدكتور .. طمني دكتور فدوه ؟ شلون صارت حالة أبو الولد ؟ گلي ..شتقصد ؟ گتله ..الولد گلي أبوي عنده عملية قلب واكيد انت الدكتور اللي أجريت العملية ؟ الطبيب ظل يضحك وگلي .. هو ما كذب عليك آني فعلاً ابوه وآني مدير المستشفى و فعلاً كان عندي عملية قلب لأحد المرضى والحمدلله تكللت بالنجاح .. أني صابني إغماء وانعل ابو الإنسانية إللي ما خليت شي ما اشتريته للولد آخر شي يطلع أبوه مدير المستشفى ..!!! حتى شكراً ما گلي أخذ ابنه وراح وأني عيني على لفة الگص والعصير بس هم زين اخذت الچبس منه .. لو متأخر أبوه بعد ساعة چان اشتريتله بايسكل...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
