هنيالك يافاعل الخير .. أحلى شعور بالحياة يشعر بيه الإنسان هو لما يسوي عمل خير ويسعد بيه إنسان آخر بحاجة للفرحة , حقيقة شعور لا يوصف .. قبل اربع ايام. بالضبط يوم ١٤-٢ اني جربت هذا الشي بمجرد أن حسيت نفسي گدرت أدخل الفرحة والسرور لقلب إنسان .. أكو مريه عجوز جوارينه عمرها بالثمانين سنة تقريبا , هاي خطية ماعدها لا ولد ولا تلد ورجلها ميت من سنين طويلة وگاعده وحدها بالبيت .. اني گلت خطية خل أفرحها لان هي وحيده وماكو واحد يفرحها بهيچ يوم .. رحت عليها وانطيتها هدية ويا مبلغ من المال خطية الحجيه كلش فرحت وگالت : ولا واحد ذكرني بيوم من الأيام وأنت اليوم سويت اللي محد سواه گبل وذكرتني وفرحتني , وخطيه شكرتني وباستني منا ومنا .. اني رجعت للبيت مرتاااااح متونس لان سويت عمل خير وفرحت إنسان .. بس المشكلة مو هنا .. المشكلة الحجيه من البارحة لليوم واگفتلي بالباب وبيدها ورده أحمر , خوماكو شي !! الحجيه بس لا تريدني أكمل جميلي وأدز عليها خطابة !! #عيشتيش #حياتيش 😁😁😁😁
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
