طبعا مثل ما تعرفون اني احترم ابوي واسمع كلامه وطلباته اوامر تتنفذ بالحرف الواحد فمن جنت يالسادس اعدادي بيبيتي والدة امي مرة چبيره اجتي يمنه وباليل تخربطت ابوي كال انت واخوك اخذوا عمتي للمستشفى چان عدنا سياره قديمة وديناها للطوارئ وفحصها الدكتور وكال شدولها مغذي بهاي الاثناء اجت بنيه چنها گمر مريضة ومن تگول آه گلوبنا تطيح بالكاع !!امها گالت خاله تعالوا ساعدوني وكمشوا رجليها. ماصدكنا عفنا بيبيتي ورحنا وياها اجه الدكتور گال بيها مصران اعور ( زائدة دودية ) ودوها للجراحيه جبنا سديه وشلناها ووديناها للردهه ولصالة العمليات . هاي العمليه طولت ساعتين وبعديييييين تذكرنا بيبيتي رجعنا للطواري مالكيناها دورنا دورنا ماكو. اخوي گال ولك يمكن ماتت وذبوها بالثلاجه سألنا بالمستشفى اكو مرة ماتت ؟ محد يعرف فتشنا الثلاجات هم ماكو ورجعنا للبيت لگينا ابوي براس الشارع واخوي گله بويه جنسية عمتي وين گله تعال هاي بجيبي وچان يكمشه ويلف الحزام براسه 😂😂 و. دگ وين اليوجعك !!! طلعت ماخذه تكسي وراجعه!!! تگله فروخك يركضون وره المضمدات وعايفيني 😂😂😂😂 الله يسامحها على هاي العملة .
#بيبيتيش
#عيشتيش