Mine (U+Z) [COMPLETED]

Part 1

*Unicode *

" ငါ ငါနင့်ကိုချစ်တယ် Jennie " ကန်တင်းမှာ အတူနေ့လည်စာစားနေတုန်း သူပြောလိုက်မိတယ်။

'သွားပြီ သူထုတ်ပြောမိလိုက်ပြီ။ သူငယ်ချင်းဆိုတဲ့စည်းကို သူကျော်မိလိုက်ပြီ'

" ဘာတွေပြောနေတာလဲ မိန်းကလေးအချင်းချင်းကို"

Jennie ရဲ့ စကားအောက်မှာ Lisa ရဲ့အိပ်မက်တွေဟာ အပိုင်းပိုင်းကျိုးပျက်လို့

" ငါနင့်ကို အလယ်တန်းလောက်ကတည်းက ချစ်မိသွားခဲ့တာ Jenရ"

"Lisa နော် အတင်းတွေ ရှေ့ဆက်တိုးနေမယ်ဆိုရင် ငါတို့သူငယ်ချင်းတွေတောင်မဖြစ်နိုင်တော့ဘဲနေမှာနော်။"

"ဒါပေမဲ့ ငါနင့်ကိုတကယ်ချစ်တာလေဟာ။ ငါ့ကိုယ်ငါသိတယ်။ ငါနင့်ကို သူငယ်ချင်းထက်ပို"

"Lalisa manoban " lisa ရဲ့စကားမဆုံးခင်ထွက်လာသော Jenရဲ့အသံပါ။

နာမည်အပြည့်အစုံကိုခေါ်လိုက်တာကြောင့်ရော၊ ဒေါသသံစွက်နေတဲ့ အသံကျယ်ကျယ်ကြောင့် အခြားဝိုင်းက ကျောင်းသားတွေပါလှမ်းကြည့်တာမို့လို့ Lisaကြောက်လည်းကြောက် ရှက်လည်းရှက်သွားတယ်။ သူရည်စားစကားပြောတာက တိုးတိုးလေးနဲ့ မဝံ့မရဲပါ။ ဒါကို Jen က စိတ်တိုသွားတယ်ထင်ပါရဲ့ အသံအကျယ်ကြီးထအော်တယ်။

" အင်းပါ ငါမပြောခဲ့ဘူးသဘောထားလိုက်၊ ငါတို့သူငယ်ချင်းပဲဆက်လုပ်ကြတာပေါ့"

ဒီအတိုင်းလေးပဲ အထက်တန်းကောင်မလေးရဲ့ ဆယ်ကျော်သက်ရင်ခုန်သံဟာ ပထမအကြိမ်ဖွင့်ပြောအပြီးမှာပဲ သံသေတ္တာထဲထည့်ပြီး သော့ပိတ်ခံလိုက်ရတယ်။ သတ္တိမရှိဘူးလို့ပဲပြောပြော Jen နဲ့ သူငယ်ချင်းတောင်ဆက်မဖြစ်နိုင်တော့မှာ သူ သိပ်ကြောက်ပါတယ်။

အဲ့နေ့ ကျောင်းဆင်းချိန် မိုးတွေ အရမ်းရွာတယ်။ Lisa ဆိုတဲ့ကောင်မလေးဟာ ကျောပိုးအိတ်ထဲက မိုးကာကို မထုတ်​ဖြစ်ခဲ့ဘူး။ ကျောင်းနဲ့အိမ်က သိပ်မဝေးတာမို့ Lisaက အိမ်ကိုအကြိုအပို့မလုပ်ခိုင်းဘဲ လမ်းလျောက်သွားနေကြလေ။ အိမ်ပြန်လမ်းတစ်လျောက်လုံး မိုးနဲ့ရောပြီးကျနေတဲ့ သူ့မျက်ရည်တွေကို ဘယ်သူမှ သတိမထားမိခဲ့ဘူး။အိမ်ရောက်တော့လည်း အမေ့ကို မိုးကာမယူသွားမိလို့လို့ အော်ပြောရင်း အခန်းထဲ အတင်းပြေးဝင်ပြီး ရေချိုးခန်းထဲ တဝကြီး ထပ်ငိုမိသေးတယ်။