I Woke Up And Was Pregnant (MMtrans)

Chapter - 9 (Part 2)

Umicode Version

[တစ်ကိုယ်လုံးအပြည့်နဲ့နှစ်ယောက်ပုံ]

ဖုကျန်းစာတောင်မပြန်နိုင်ခင်မှာပင် သူ့အားပုံလာအပ်သောညီမလေးကနောက်ထပ် စာတစ်စောင်ထပ်ပို့လာပြန်သည်။

[နည်းနည်း အကြမ်းပတမ်းလေးဆိုပိုကောင်းတယ် ကျေးဇူးပါကျဲကျဲ (ω)]

[…..]

[…]

ဖုကျန်းသူ့နှဖူးကိုသူဖိနှိပ်လိုက်သည်..ဘယ်လိုပဲဖြစ်ဖြစ် အလုပ်ကသူ၏အခန်းတံခါးရှေ့သို့သူ့ဘာသာသူရောက်လာပြီဖြစ်ရာ ငြင်းပယ်ရန်လည်းမဖြစ်နိုင်တော့ချေ။ သို့သော်လည်း “Shazou Chronicle” ၏မူလပုံဆွဲသူတစ်ယောက်‌ဟူသည့်အကာကိုတော့ သေချာဖုံးထားရမည်ဖြစ်သည်.. လူသိခံ၍မဖြစ်နိုင်ပေ။

[စတိုင်ကကျတော့ နဂိုအတိုင်းပဲမလား]

[နဂိုအတိုင်းဆိုပိုကြိုက်တယ်]

ဖုကျန်းခေါင်းငြိမ့်လိုက်သည် သူ၏ယခုအနေအထားက အင်တာနက်ထဲရှိတခြား ပုံဆွဲသူများထက်အမှန်ဆိုပိုသာလေသည်။ သို့သော်လည်း သူ၏ပထမဆုံးအော်ဒါဖြစ်လေရာ ဈေးအများကြီးလည်းမတောင်းဝံ့ပေ။

[ယွမ် ၂၀၀ ဆိုရလား]

ဤဈေးမှာ အမှန်ဆိုဟင်းရွက်ကန်စွန်းဈေးလောက်သာရှိသည်။ ယခင်ကသူဆွဲသည့် အရောင်သွင်းထားသောပုံများဆို ထောင်ဂဏန်းတော့ရှိသည်လေ။

သို့သော် Custard bun က ယဉ်ကျေးမှုပင်မရှ်ိ။

[ဈေးထပ်လျှော့ပေးလို့ရဦးမလား]

ဖုကျန်း သက်ပြင်းချမိသည်.. ဒီ custard bun ကသူ၏ပထမဦးဆုံးဝယ်သူဖြစ်သည် သူကဈေးလျှော့ဆိုတော့လည်း လျှော့ပေးရ‌ပေမည်။

[၁၅၀ ထပ်လျှော့လို့မရတော့ဘူး]

[အိုခေ]

Custard bun မှာဤဈေးနှင့်ရသည်ကိုအလွန်ပျော်သွားလေသည်။ နှစ်ယောက်သားဈေးညှိပြီးအသေးစိတ်များပြောပြီးနောက်တွင် custard bun ကချက်ချင်းဖုကျန်းထံသို့ စရန်ငွေအ‌နေနှင့် ယွမ် ၅၀ ကို Alipay မှတစ်ဆင့်လွှဲပေးလာသည်။ ငွေဝင်သံကြားရသောအခါ ဖုကျန်းတစ်ယောက် တံတွေးပင်မျိုချမိသည်။