I'm Flirting with a Man in the Supernatural World

၁

[ TN: I think my translation writing in previous chapters (1 to 4) was a little informal so now i just edit some words, especially about spelling and usages again. Main story translation hasn't changed after all! Just enjoy the better one guys!

Ps: I will delete previous chapters after completely reuploaded new ones. ]

Unicode

ပရလောကကမ္ဘာထဲ ဝင်ရောက်ခြင်း

နေ့ခင်းကြောင်တောင်အချိန်ကြီး သန်မာပုံရသည့် သတ်လတ်ပိုင်းလူတစ်ယောက်သည် အပေါ်ဝတ်ရုံကိုခြုံလျှက် လျှပ်စစ်ဆိုင်ကယ်သေးသေးလေးကို စီးကာ စိတ်ရောဂါကုဆေးရုံဆီသို့ အပြေးနှင်လာလေသည်။ သူဖြတ်သွားရာလမ်းတစ်လျှောက်မှ လူတိုင်းကပင် သူ့ကိုလှည့်ကြည့်ရသည်အထိ အဆောတလျင်နိုင်လျက်ရှိ၏။

၎င်းသက်လတ်ပိုင်းလူသည် အမျိုးသားတစ်ဦးဖြစ်ကာ လက်တစ်ဖက်ဖြင့် ဆိုင်ကယ်ကိုမောင်းနှင်လျက် တစ်ဖက်က ဖုန်းခေါ်နေပေသည်။

"စိတ်မကောင်းပါဘူးရှင် လူကြီးမင်းခေါ်ဆိုသောဖုန်းမှာ လတ်တလောတွင် မအား.."

ချူးဟွိုင်၏ဖုန်းကို ဆက်မရလေ ယွဲ့ ကပိုစိတ်ပူလေဖြစ်ရ၏။ ထို့အပြင် စိတ်ရောဂါကုဆေးရုံအနားရောက်ခါနီး အတွင်းတစ်နေရာမှ ဝမ်းနည်းဖွယ်အော်ဟစ်သံတစ်ခုကို ကြားလိုက်ရသောအခါ ယွဲ့ သည် နှလုံးပင်မခုန်နိုင်အောင် ထိတ်လန့်သွားမိတော့သည်။

မဟုတ်တာ ချူးဟွိုင်ကမသေလောက်သေးပါဘူး ဟုတ်တယ်မလား!? မဟုတ်ရင်ဘာလို့ သူ့ဖုန်းကို ပြန်မဖြေဘဲနေမှာလဲ!?

(TN - ကိုယ့်အထင် ဆေးရုံမှာဆိုတော့ သူသာသေသွားခဲ့ရင် တာဝန်ရှိလူတွေက သူ့အစားဖုန်းဖြေပေးမှာဖြစ်ပြီး အခုချူးဟွိုင်က ဖုန်းမကိုင်ဘူးဆိုတော့ သူ့သဘောနဲ့သူဖုန်းမကိုင်တာ ပြောရရင် မသေသေးဘူးလို့ ဆိုချင်တာမျိုးပါ)

ဆေးရုံဝင်ပေါက်ကို ယွဲ့ ရောက်သည့်အခါ ဝမ်းနည်းငိုကြွေးသံများနှင့် အူမြူးရယ်မောနေသည့် အသံပေါင်းစုံကို ကြားလိုက်ရလေသည်။ ထိုအသံများက ကောင်းကင်ကိုတောင် ပြန်ပဲ့တင်ထပ်နေသလိုပင် ဆူညံလှ၏။ ထို့ကြောင့် များမကြာမီအချိန်အတွင်း သူသည်နားငြီးလာကာ ခေါင်းပင်ကိုက်လာမိတော့သည်။