"عصابه العشاق"lovers gang

part 5

part 5
اولا كل سنه وانتم طيبين بمناسبه اول العام الهجري الجديد
ثانيا اسفه على التاخير بس واللهى مكان عندي نت
~~~~~~~~
في بيت محمد الراشيدي كانت تجلس الفتيات في غرفه مها...

مريم بغيظ...: يعني عاوزاه يكب الهوت شوكليت واسكتله المعتوه دا 

مها بضحك...: ههههههه لا طبعا تلبسيه قضيه تحرش... بس قوليلي كنتي هتروحي تقولي للظابط ايه.. لو سمحت يا عمو الظابط الراجل دا كبلي الهوت شوكليت بيته انهارده في التخشيبه بلييييز... قالت جملتها وهي ترفع صوت بتريقه...

مريم بغيظ وهي تضربها بالوساده....:
_ انتي بتتريقي...

قاطع حديثهم طرقات على الباب

_ ادخللل

دلفت داده سعاد واردفت...:
_ الست كريمه عوزاكم تحت

مها..: حاضر يا سوسو نزلين وراكي...

خرجت داده سعاد ونزلت الفتيات الي الاسفل

مها بهدوء..: خير يا ماما في حاجه..

كريمه بهدوء...: اه تعالي اعدي...

نظرت مها إلي مريم ومصطفى الذي كان يجلس امامهم بشك ثم جلست مها..

كريمه بتنهيده...: انا جبتلك عريس يا مها.. وهيجي بكره تشوفيه..

مها بصدمه...: ايييه... ماما انتي عارفة ان...

قاطعتها كريمه بهدوء...:
_عارفه انك رافضه الجواز دلوقتي بس مفيش مانع انك تعدي معاه وشوفيه مش هتخسري حاجه...يبنتي انا عاوزه اطمن عليكي انتي واخواتك دول قبل ما موت

مصطفى ومريم...:بعد الشر عنك يا كوكو

نظرت مها بحيره إلي مريم فهزرت رأسها بموافقه ثم نظرت إلي مصطفى الذي فعل مثل مريم

مها بتنهيده...: حاضر يا ماما اللي تشوفيه... هقبله...

نهضت كريمه واحتضنتها ثم اردفت...:
_ ربنا يصلحلك الحال يا بنتي...

قالت جملتها وصعدت إلي غرفتها

مريم...: شوفيه يا مها مش هتخسري حاجه فعلا ولو معجبكيش خطه تطفيش العريس موجوده...

قالت هذا وهي تغمز لها بمرح فابتسمت مها واومأت بالموافقه

مريم..: اه صح انا هروح بكره الجامعه عشان اجيب جدول الامتحانات..

مها..: تمام..

مريم..: درش تعالى وصلني..

مصطفى...: ليه يعني هتتخطفي مثلا..

مريم...: يلا يااض...

نظر لها مصطفى بغيظ ثم خرجو معا...

بعد خمس دقايق وصلو إلي المنزل

نوجا باستغراب...: في حاجه يا مصطفى..

مصطفى...:لا يا نوجا... اه صح في عريس متقدم لمها وهيجي بكره...