اعتدل يونغي في جلسته و هو ينظر للخمس شحطه الي قدامه
"يعني معندكمش بنات هنا؟"
لينظر له كوك و هو يحاول كتم ضحكته
"ميمشيش معاك جيمين؟"
لتستقر يد نامجون علي قفاه في حركه أبويه
"ما تحترم نفسك يلا جين لم عيالك"
ليردف جين
"الساعه كام في ايدك؟"
"اربعه العصر"
"يبقي ابنك انت انا واخد النايت شيفت"
لينتفض يونغي من برود الواقفين أمامه
"نايت شيفت و نايت زفت ايه علي دماغكم انا جيت هنا انيل ايه مدام مفيش بنت؟!"
ليهرش هوسوك في رأسه و يقول
"هو مش إحنا ولعنا في البيت و عايشين عند خالتو؟"
ليرد عليه البقيه في صوت واحد حتي يونغي ف اردف نامجون
"انت بتأهاه علي ايه يا يونغي انت كنت عايش معانا اصلاً؟"
"لا يعم بأزركم و كمان ما هو من كميه التخلف الي انا فيه اكيد طفح علي امي"
ليظهر صوت كوك من الخلفيه
"ايه ده هي أمك معانا هنا؟"
ليعطي يونغي نامجون نظره ذات معني (المعني مش قلتلك انكم عيله هبله و ربنا يعينكم علي المهلبيه الي في دماغكم)
ثم تأمل كوك السقف قليلاً و اردف بنفس كميه التخلف ما شاء الله
"يعني خالتو جايه تخون جوزها دلوقتي ؟ دي لو استنت عليه يومين هيموت لوحده"
ليعطيه يونغي نظرات حاده و يقول لجين
"اقتله؟"
ليردف الاخر
"براحتك يا بشمهندس طارق انا لاقيه في كيس زباله" ثم اكمل
"خالتو متنيله مخلفه بنت اسمها حور اكيد هي الي طلبت يونغي"
ليقول جيمين و قد بان علي وجهه علامات الحزن
"يعني...انت قصدك ان يونغي هو فتي أحلامها مش انا؟"
ليخرج تاي الذي كان ينام وراء الكنبه و يغني بينما يستعمل قطتهم ك جيتار
"دوس علي قلبي عادي عادي و اكتب عليه ماضي دوس علي عيني عادي عادي و اكدب علي الفاضي اكدب و انا راااااضضضييييععع"
ليجد شبشب جين يستقر في منتصف جمجمته لينام وراء الكنبه مجدداً
"و ده بسم الله ما شاء الله كان برص؟"
قال يونغي
"لا ده اخونا الوسطاني"
اردف هوسوك
"اللهم بارك عيله رائعه"
تبدلت نظرات جيمين من البرص الي يونغي و قال له
"بس انا مكنتش اعرف ان موصفات أحلامها سحليه بيضه"
ليعم الصمت للحظات ثم فتح يونغي فمه و قال
"شبشب"
ليجري جين نحوه و هو يمد له قباب الحجه و يقول
"اتفضل يا باشا"
ثم اتجه يونغي للغرفه و شاور لجيمين للدخول معه و بالتأكيد تشاهد جيمين و قرأ اخوته عليه الفاتحه ثم انغلق الباب
"انت فاكرني روبوت من التجمع يلا؟؟!!! ده انا من السبتيه يا مسلووعع!!!"
"اقسم بالله اسف طب بلاش فخادي بلاش فخادي"
"مش انت الي بتلبسلي محزق و ملزق؟؟!!"
و بعد دقائق من صراخ جيمين و ضرب يونغي له خرج يونغي من الغرفه و اتجه نحو جين و وضع يده علي كتف جين و قال
"ابقي حطله كريم زفلوطه...لا صودو كريم احسن"
ثم تركهم و ذهب
-يتبع...-
احم احم التحديث بتاع القصه هيبطأ هو و الميمز شويه عشان في حبه مشاكل كده ان شاء الله او ما تتحل هرجع❤🌱
