في منزل العيال جلست حور و يونغي بعد أن البسته و لمعته و حاطتله معطر بريحه التوت و فواحه علي رأسه
"مش عايزه تحطي علي قفايا كفين بيخمسوا و تكتبي رضا الوالدين اهم من ابوك و امك؟ ما انتي بتزوقي عربيه كارو!!"
"آخرس ياض متوجعش دماغي"
"ياض؟ و موجعش دماغك ؟ طب شيلي ام الفواحه دي من علي ام دماغي عشان مقومش اهين امك دلوقتي"
"شاريه روبوت من العتبه"
"لا من علي موقع حمبوله للإلكترونيات"
"كفايه استظراف خلينا ندخل في الجد بقي...انا لا باكل ملح ولا سكريات ولا حوامض ولا اكل ناشف ولا-"
"ولا ايه كمان هو فاضل حاجه تانيه؟! ايه رايح اتجوز ست تسعينيه معندهاش سنان؟؟ ناقص تقولي اضربلي الاكل في الكبه قبل ما تطفحهولي!!"
"انت بتتريق علي اهتمامي بصحتي؟!"
"اهتمام مين يا ام اهتمام ده انتي امثالك حاطينهم في محميه عشان مينقرضوش يا سحليه"
"اقسم بالله انا الي غلطانه بص قولهم اني بطفح اي حاجه ما عدا الفراوله يا يونغي عندي حساسيه هموت يا يونغي فيها و بيكرهوا الصياعه خليك محترم و عدي الليله اشطا؟ "
"بصي هبهرك"
بعد مرور عده ساعات جاء أهل حور و استقبلهم يونغي بوجه بشوش و ادخلهم المنزل و اجلسهم علي الصالون
تعجبت ام حور و قالت بلهجه امهاتيه بحته
"يختي مالك يا واد هفتان كده ليه؟"
ف ابتسم الاخر ابتسامه صفراء و قال
"معلش يا طنط سيبنالك المنحدرات الخطرة كلها"
ف اديته البت حور بكوعها في معاميعه ليصمت و قالت
"هيهيخيهيهو دمه شربات شرباات يا ماما"
"واضح.."
قالتها والده حور و قد بدأ وجهها بالاحمرار غضباً
"طيب كلمني عن نفسك يبني بتشرب سجاير؟"
اردف والد حور
"والله انا مش بعرف اشربها منغير ما اخد كاس جمبها كده"
"انت بتشرب خمره؟!"
"والله لا كنت بشرب ولا بنيل قبل ما ادخل السجن"
"انت اتسجنت؟!"
"آه اصل خطيبتي الاولانيه كانت بت تقيله علي قلبي كده و مش عاجبها العجب و اهلها كانو ناس تنحه ف اديتها سوفلكس في خلقتها عورتها و اتسجنت بسببها بس فكك ونبي انت راجل سكره دخلت قلبي اعملك عصير؟"
قالها يونغي بإنشكاح لا يناسب الزفت الي قاله فوق ده ليوافق والدها خوفاً علي حياته ليس إلا
كانت عائله حور تسلوخ فخادها علي مجايبها المهببه ازاي هي بتحط ايدها في الزباله تطلع رجاله حتي قاطع حديثهم يونغي و هو داخل بصينيه العصير و يتمختر ليضعها أمامهم
بعد عده دقائق من شرب العصير بدأت حور بالتعرق و ظهرت بعض البثور الحمراء علي وجهها و جسدها و انتفخت شفائفها لينظر لها يونغي و يردف
"احيه هما كانو بيجربوا شفاط الصريخ عليكي؟"
"انت حطيت ايه في العصير يا يونغي الكلب"
قالتها حور و هي علي وشك الاختناق
"موز باللبن....و حته فراولايه كانت في درج التلاجه"
"يبن الجزمه"
قالتها حور ثم وقعت من طولها
يتبع....
