بعد أن تم نقل حور للمستشفي جلس يونغي بجانبها و هي نايمه و فاتحه بقها زي الخرتيت البري
اعتلت علامات التقزز وجه يونغي و هو ينظر لها تستيقظ و تتفف شعرها و تقع ريالتها علي وجهه
"ايه القرف ده!! انتي بتفتفي ولا انا دوست علي زرار الشطافه بالغلط!!"
قالها يونغي و هو يمسح ريالت حور و شويه و هيرجع
"ي-يونغي انت بتعمل ايه هنا؟"
"بلمع المحاليل...هكون بعمل ايه يعني مستنيكي لما تصحي و كمان ايه الشخير ده كله ده انا خفت و انتي بتفتحي كهف الدب القطبي بتاعك ده اتشفط و معرفش اطلع تاني"
"بتتنمر عليا و انت السبب يا جزمه؟!"
قالتها حور و هي تنقض علي يونغي تخنقه
"ابعدي عني يا وليه!"
قالها يونغي و هو يختنق
"أبعد عنك؟ عايز تقتلني و لما تصحي اعمل فيك ايه اخدك بالحضن؟"
"ما الي تجيله فرصه لحد عنده و يرفصها يبقي متخلف!"
و وسط هذا العراك تدخل والد حور و سلك يونغي من تحتها ف انهار الاخر في حركه دراماتيكيه
"شايف يا عمي انا مستحمل ايه عشان خاطر عيونها؟"
ف رق قلب أبوها لانه راجل طيب و مش عارفين جاب بنت الهبله دي ازاي و ذهب ليربت علي ظهر يونغي في حنان
"معلش يا ابني هي تطلع عين بلد بنتي و انت حافظها"
"والله يا اونكل"
قالها يون لتقض عليه البت الحرابيه من ورا تديه هوب دوبل كيك تجيب بوزه الارض و تقول
"اونكل مين يا ابو اونكل يا بتاع مدارس العصعوصي للبنين ده انت-"
و قبل أن تكمل الكابينيه (حور) حديثها ذهب والدها ليكتم نفسها و اعتذر ليونغي و اخذه و خرج من الغرفه
"معلش يبني بهدلتك جامد؟"
قالها ابو حور
"لا هي طلعت ناس كانو واحشيني اوي"
اردف يونغي و هو يضع يده علي رأسه من الألم
"ايه؟"
"طلعت ميتين امي كان نفسي اشوفهم"
ف ضحك ابو حور في هدوء ثم قال
"طب بخصوص الخطوبه"
"خطوبه مين؟"
قالها يون و قد شرق في ريقه من الصدمه
"خطوبتك انت و حور"
"آه اصل...يلاهوي دي حور بتأكل ممرضه هناك لا إله إلا الله!!"
قالها يون بصوت عال ليلتفت الحج للوراء لينظر نحو ابنته إلا أنه تفاجأ بعدم وجود شي و عندما بدل ناظريه الي يونغي وجده يركض و ينط من شباك المستشفي
يتبع..
بارت صغنن خالص عشان الصراحه انا عن نفسي نسيت الاحداث و حاجه نيله يا رب يكون عجبكم لوب يو
