مع إشراقه شمس يوماً جديد نري جين جالس بجانب يونغي الذي يتؤه من الألم و يضع يده علي رأسه بعد أن لفها جين له بإيشارب ليخفف الصداع
"اااه رأسي رأسي فضل يور يور يور مبيفصلش الواد ده شغال ببطريات؟ بتعضعضوها و تحطوها تاني!"
قالها يونغي و هو يضع يده علي رأسه و يترنح يميناً و يساراً
"معلش يا حبيبي حقك عليا يقطعني"
قالها جين و هو يربت علي ظهر الاخر
"و انت يا هيونغ الكلب تسيبني و تجري؟! ايه الوطيان و النداله دي!!"
"يعني بدل ما تبقي انت بس الي متلقح تحت كان هيبقي احنا الاتنين و كوك ده مكنش هيطلعنا كان هيسيبنا نتجفف زي الرنجه تحت"
"وجهة نظر بردو...بس لسه واطي"
"ماشي يمعلم زي ما انت عايز انا هقوم اعملك يانسون ولا انت بتتشحن ولا وضعك ايه"
"لا بتطفح طفحني"
و بينما كان يونغي بيبجح كان الباب بيرزع ف قال جين
"طفحت في وشك بلاعه يبعيد ايه بكابورت بيتكلم لا إله إلا الله قوم افتح الباب عقبال ما اتنيل اقوم اعملك حاجه تشربها!"
سب يونغي جين و العائله بأكملها و ذهب ليفتح الباب ليري انثي في منتصف العشرينات و ما ان رأته حتي رقعت بالصوت و ضربته بشنطه السفر التي كانت تحملها
بعد دقائق خرج جين علي صوت خبط و رزع و تكسير ازاز و وجد يونغي ماسك في شعر البت الي لسه شايفها
"انتي مين يا بنت الكلب داخله تسرقينا؟!!"
قالها يونغي و هو يمسك البت من شعرها
"انا الي مين؟! انت الي مين يا حيوان يا الي مشوفتش ربايه!!"
قالتها ثم عضت يونغي من دراعه
"يبنت العضاضه يا سلعوه!"
"سيب شعري و انا هبطل اعضك!"
"انا تسيبي انتي الأول يا مبقعه"
دخل جين في المنتصف و فرقهم عن بعض ثم صرخ
"باااااااس حور تفي دراعه من بوقك و انت يا يونغي سيب شعر البنت!!"
"هيونغ انت تعرفها؟!!"
قالها يونغي و قد اتنعكش شعره من الضرب
"هيونغ؟...بيقولك هيونغ!! انت تعرف الواد المقفع ده؟!"
قالتها البنت و شعرها هي ايضاً منكوش
"ايوه يا زفت منك ليها دي حور و هو ده الحبيب المستقبلي الي انتي اتنيلتي طلبتيه!!"
عم الصمت للحظه قبل أن ينظر الاثنان لبعضهما و يقولان في نفس واحد
"احيه!"
يتبع...
