All Too Well [ U+Z ]

Ep 1, Autumn Leaves

UNICODE
.

Taylor Swift ရဲ့ All too well သီချင်းလေးကနေ စိတ်ကူးရတာမို့ အဲ့ဒီသီချင်းလေးလည်းနားထောင်ကြည့်ကြပါနော်။
_______________

ဆောင်းဦးရဲ့ ရွက်ကြွေတွေဟာ လမ်းတစ်လျှောက်မှာ ပြန့်ကြဲလို့...

အိမ်ဝန်းရဲ့ အဝင်လမ်းလေးတစ်လျှောက်မှာ
ပန်းရုံလေးတွေက ဘေးတစ်ဖက် တစ်ချက်ဆီ အစုလိုက်အစီအရီ...

လိပ်ပြာလေးတွေဟာ ပန်းပွင့်လေးတွေကို အောင်သွယ်ပေးရင်း သူတို့ချင်းလည်း ကလူကြည်စယ်နေကြဟန် ရှိတယ်။

"‌အန်တီယွန်း ကျွန်တော်မြို့ထဲကို ကားမောင်းထွက်လိုက်ဦးမယ်၊ ညနေခင်းရာသီဥတုလေးကလည်း သာယာနေတာမို့ စိတ်ကြည်သွားအောင်ပါ"

"အေးအေး၊ ဪ တစ်လက်စထဲ ကလေးတစ်သိုက်အတွက် powderရယ်၊ cat foodရယ် ဝင်ဝယ်ခဲ့ပါလား"

"မနက်က မေမေ ဝယ်မလာဘူးလား"

"မေ့ခဲ့တယ်တဲ့"

"ဟုတ်ကဲ့ ဟုတ်ကဲ့၊ ကျွန်တော်ပဲဝယ်ခဲ့တော့မယ်"
___________

ရွှေတောင်ချွန်းရပ်ကွက်ကနေ ကားလေးနဲ့ဆင်းလာခဲ့ရင်း မြို့မဈေးဘက်ကို ဦးတည်လိုက်တယ်။ တောင်ကြီးဆိုတဲ့ မြို့လေးမှာ မြို့ပတ်လမ်းက အရှေ့မြို့ပတ်လမ်း၊ အနောက်မြို့ပတ်လမ်းဆိုပြီး နှစ်လမ်းသာရှိတယ်။

ကောင်းကင်က မဲနယ်ရောင်နောက်ခံနဲ့ တိမ်တွေကတော့မီးခိုးနုရောင် အဖြူရောင်တွေ အစုလိုက် အစုလိုက်ပေါ့။ မြို့ထဲကားလမ်းပေါ်ရောက်တော့ ကားပြတင်းမှန်တွေကို ပိုချလိုက်မိတယ်။ တဖြူးဖြူးတိုက်နေတဲ့ ဆောင်းဦးလေပြေလေးကြောင့် အလိုလိုပြုံးနေမိတယ်။