قطاع الطرق

Part1

كنت واقفه بالمحطة كالعاده دخلت للبقالة الصغيره ارتب الرفوف الي صارت شبه فاضيه من قلة الزوار رجعت للكرسي اتأمل بالمكان الي انا فيه بمنطقه شبه مقطوع افكر شلون بكمل الايام الجايه بدون اكل ولا ريال واحد؟ فجأه قاطع تفكيري سياره جمس بهبهاني حمره وسياره ثانيه ما كانت واضحه وقفت السيارات ونزلو سته اشاخص غريبين شوي لاكن ما اهتميت كثير..دخلو المحطه وبعدها البقاله وقرب واحد منهم وسألني انتي تشتغلين هنا؟قلت اي ناظر فيني بأستغراب معه حق غريب بنت واضح صغيره تشتغل لحالها بمحطة المهم بعد صمت كم ثانيه ابتسمت وقلت تحتاجون مساعده رد وقال اي نبي ناكل قلت له تفضل الاكل على الرفوف ما كان فيه على الرفوف الا علبه فول وحمص اعتقد ناظر فيني وقال بس هذا الموجود؟ ضحكت بأستهزاء لا فيه بالدور الثاني اكيد بس هذا الموجود!..ناظر فيني بطرف عينه وقال احنا بنجلس برا وانتي جيبي الاكل راحو وانا جبت الأكل لهم لفيت بروح ولا احس بضربة قويه براسي بعدها حسيت بالدم على رقبتي هذا اخر شي اتذكره قبل لا يغمى علي..صحيت وانا ما اشوف شي قدامي كل شي كان مغبش ومو واضح بدأت الرؤية توضح لي وشفت نفسي داخل خيمه بوسط البر ويديني مربوطه بحبل بأقوى ما يمكن فهمت الحين ان الأشخاص الي بالمحطه مو اشاخص عادين هذول الأشخاص هم قاطعين الطريق الي الشرطه تدور عليهم من أشهر!..كيف ما انتبهت كيف ما عرفتهم! ايش بيكون مصيري معهم؟..يتبع