اول ما وصلنا نزلو العيال من السياره وشالني رشاش وركض الخيمه وحطني بالأرض بشويش جو العيال يتفرجون والي يضحك والي يطقطق..وعمر ورشاش كانو يكبون مويه ويحاولون فيني وهنا قمت فعلا اول ماقمت كنت مرا مصدعه وقال رشاش:قامت قامت
عمر:الحمدلله الحمدلله انتي كويسه؟،بدا يسألني وانا ما اسمع صوتهم بوضوح حتى بس هزيت راسي وحسيت بصداع اكثر ومسكت راسي
رشاش:صح الجرح بسرعه ياقحص جيب الشاش!!
اول ماسمعت يقول كذا خفت وبدأت اصيح وقلت اي جرح وش صار؟قعدت اطالع بيدي الي كانت فعلا كلها دم من راسي وبدأت اصيح وهنا عصب رشاش
رشاش:يخي مو وقت صيحتك الوجع بيزيد عليك!!
جا قحص وهو معه الشاش ومصلح جايب لي مويه بس كالعاده مهل وسلطان يضحكون ويطقطقون
وقفت اصيح وهديت ورشاش بدا يقص الشاش ويطلع العلاج
رشاش:انتم قومو انا بضمد الجرح روحو حطو الفلوس الي سرقناها ورجعو الاسلحه،،قامو العيال وبقينا انا ورشاش لحلنا بالخيمه..
رشاش:يوجعك راسك مرا؟
ديما:مايوجع مرا بس احس بدوخه قويه
رشاش بهدوء:بحط لك المعقم بيحرقك شوي بس تحملي..بدا يحطه وحرقني مرا بس تحملت لين لف على راسي الشاش وجاب لي مويه
رشاش:غسلي يديك واشربي وتعالي اقعدي معنا
ديما;يخي حتى وانا تعبانه خلاص خليني هنا وش بقعد اسوي معكم بالله
رشاش:لما اقولك شي تسوينه بدون تناقشين..نظرته كانت حاده وتخوف سكتت وهزيت راسي وطلع قمت اغسل يديني وانا افكر بالي صار اليوم اول ماذكرت الرجال وزوجته حسيت بقشعريره وخوف وقرف منهم كلهم..كيف قادرين يقتلون ارواح بدون ذنب؟وكيف قادرين يورطوني معهم؟معقوله بياذوني؟معقوله اني قاعده الحين بين اكثر رجال مطلوبين بالمملكة؟كنت افكر بكل خوف لين قطع حبل أفكاري المويه الي قاعده تنكب نشفت يديني بلبسي وطلعت للعيال..عند العيال:
رشاش:اليوم ماسوينا فيه نفع
مهل وهو يضحك:ماشفت نفسك كيف منشغل مع ديما؟كنا قادرين نكمل طريقنا بس اميرتكم عطلتنا
رشاش:كنت متوقع مني اتركها تنزف وتموت؟بنت معنا واخذنها وعدتها اني بحميها وتبيني اموتها بيديني؟قال كلامه بحده وبنظره تخوف مهل ضحك وسكت وبداو يتكلمون
قحص:ذا اليومين مو قاعدين نقطع طرق زي الناس بكرا لازم نعوض
مصلح:بكرا خل نطلع المغسلة وبعدين نكمل طريقنا ونقطع
عمر:وش بتكون خطتنا؟ما اشوف ان ديما بتظبط الوضع وهي كذا
رشاش:بتظبطه غصب عنها يكفي تأخرنا يومين بسببها..طلعت للعيال وانا ساكته كنت قرفانه وخايفه منهم مرا قعدت بين عمر ورشاش وانا ارجف
سلطان بضحك:شفيها تويتي خايفه وترجف..ضحكو العيال وطالعت فيه وقلت
ديما:ما ارجف لاني خايفه منكم انتم مو رجال عشان تخوفوني
شد رشاش شعري بقوه وقال:اقسم بالله العظيم لو اسمع منك ذا الكلام مرا ثانيه لاتشوفين شي مايعجبك فك شعري بقوه وانا ابكي من قوه الألم
رشاش:مصلح خذها وربطها بالكرسي
قام مصلح وخذني بالقوه ودفني على الكرسي وبدا يربط يديني وانا ابكي واتحرك بس وش الفايده؟كان أضخم واقوى مني بكثير
مصلح:لاتحاولين تتحركين عشان لا أشد عليك اكثر
عاندت وكملت اتحرك واحاول اوخره وهنا جا رشاش من وراه وهو بفمه السيجاره وخر مصلح وجا قدامي وهز على وجه ابتسامه ماتطمن ويسمح على شعري من فوق..رشاش:قلت لك اسمعي كلامي عشان لا تخليني انجبر اعاملك كذا
ديما:وخر يدينك الوصخه عني..شفت الشر بعيونه ومسك سيجارته من فمه وطفاها بيدي بدأت اصرخ بكل قوتي واتحرك واترجاه يوخرها عني وهو مكمل بعد ما انطفت السيجاره وبردت وخر يده ورجع ابتسم وانا اصرخ واتحرك من الالم
رشاش:انتي الي اجبرتيني
مسح على شعري عشان يضايقني اكثر وطلع جا بوجهي عمر جاني وهو خايف علي ومسك يدي
عمر:تعورك مرا؟تبيني افكك او اسوي لك شي يخفف؟
صرخت بوجهه وقلت
ديما:انت زيك زيهم ومشترك معهم وتحاول تسوي نفسك لطيف؟اكرهك اكثر منهم كلهم ولا ابي اشوف وجهك اطلع من هنا
انصدم عمر من رده فعلي بس طلع بدون يتكلم وانا كملت ابكي من الألم الي احس فيه
يتبع..
لايك وفوت💖💖
أنت تقرأ
قطاع الطرق
Mystery / Thrillerفتاة بسيطه تعمل بأحد المحطات بمنطقه شبه مقطوعه بيوم من الايام يزورونها 6 أشخاص من اكبر قاطعين الطرق بالمملكة ايش بيكون مصيرها؟..
