قطاع الطرق

part 11

انسدحنا انا وسلطان نعاين النجوم بعد عشر دقايق يمكن طفشت وقلت له:خل نرجع الخيم ماعاد لي خلق اقعد
سلطان:تونا
ديما:اي بس طفشت مرا
سلطان:خلاص مشي،قمنا انا وسلطان مشينا لم العيال وكانو متكيين كالعاده بس ذي المرا كان مهل ومصلح مطلعين قدامهم الكحول والمخدرات قعد سلطان وانا وقفت ماقعدت معهم كنت اطالع مهل ومصلح بنظرات غريبه خوف واستغراب من وضعهم الكل لاحظ نظراتي وقال عمر:دخلو الأبيض ماله داعي
مهل قعد ياخذ مخدرات زياده طالعته وانا خايفه مرا من الوضع الي هو فيه واضح ان رشاش بدا يعصب وقال ياعيال دخلوها
ديما:عادي خلاص خلهم بس استغربت انهم ياخذونها كذا،قلت كلامي وجلست قدام رشاش كانت نظراتهم لي غريبه شوي وتوترت وبعدها ولعنا حطب والكل بدا يتجهز للنوم وانا رحت خيمتي ونمت قمت الصباح على واحد يمسكني كان مصلح جاي يقومني وكان يضرب كتفي بيده بس بقوه شوي قمت واعطيته نظره وقلت
ديما:محد يقوم زي كذا نزل لعندي مصلح وشد شعري بشويش وقال
مصلح:لا تتشرطين عشان لا اثور فيك..وترك راسي بقوه شوي تألمت بس سكتت وقمت انفض ملابسي وقال مصلح:رشاش يبيك بكرا خلصي بسرعه واطلعي
قال هالكلام وطلع من عندي قعدت اغسل وطلعت لرشاش
رشاش:صبحهم الله بالخير،ديما ردت بابتسامه لانها ماتعرف وش بترد عليه واشر لها تجي عنده راحت له وكان يجهز اسلحه وطلقات
رشاش:تعرفين اننا بنسرق محل ذهب اليوم وانك بتجين معنا ماعندنا وقت واجد بنروح انا وانتي ادربك على السلاح وكيف تطلقين زين؟
ديما:بس اخاف ماراح اعرف
رشاش:تراه هين بتفهمين له بسرعه
ديما:زين متى نروح
رشاش:هالحين يوم اخلص الاسلحه بكلمك
هزيت راسي ورحت قعدت على التراب عند الفرشه وبداو يطلعون العيال من الخيم هنا رجع لي التوتر منهم وقعدت شاده على نفسي
عند عمر:طلعت من خيمتي الا القى ديما جالسه ما اعرف وش سبب شعوري الغريب تجاه هالبنت اول ماشوفها اتوتر وانبسط،،كاان يفكر بينه وبين نفسه ويحاول يسكت أفكاره طلعو باقي العيال وخلص رشاش من الحته
رشاش:خلصت الاسلحه مشي معي،قامت له ديما وراحت لعنده ومشى لم العيال
رشاش:بروح اقنص وادرب البنت على السلاح منيب مطول..انتبهو لعمر
خلص كلامه ومشى ورحت وراه ركبنا السياره ووصلنا مكان يخوف فيه حجر وسياره قديمه
ديما:يمه وشذا المكان يخوف
رشاش:هههههه وشفيه عادي بس انتبهي تطيحين،بعد ماخلص كلامه بغيت اطيح منجد ومسكني وقعدنا نضحك على الموقف
رشاش:بتمشين زين ولا امسكك الطيحه مو زينه لك ترا
ديما:معليك بمشي كويس هههههههه
كملنا مشي واحنا نضحك لين وصلنا نقطه معينه ووقفنا طلع رشاش سلاح صغير وعادي لي وقال
يلا بدربك على ذا السلاح
ديما:يلا كيف،مسك رشاش السلاح وجهه لحجر معين وقال:ابيك تحددين الهدف وتمسكين السلاح بقوه بعد ماتعشقين السلاح ثبتي جسمك وانتي تطلقين عشان قوه الطلقه لاتحرك جسمك وخليك مركزه على هدفك كويس ويلا خذي جربي،أعطاني السلاح ومسكته عشقت السلاح وسويت نفس ماقال بس ماقدرت اصيب الحجره وجسمي تحرك مع الطلقه تنهد ومسك السلاح مني وجا من وراي حط السلاح بيدي ومسك يديني فوق السلاح وكان قريب مني مرا لدرجة احس فيه وهو يتنفس حسيت بشعور غريب وحلو توترت من قربه واني حرفيا احس بنبضه واسمعه يتنفس
رشاش بنفسه:اول ماقربت منها حسيت بشعور غريب وحلو كنت قريب منها مرا وشعرها جاي بوجهي ابتسمت لا إرادي وقلت
رشاش:يلا عشقي السلاح،عشقته وشد على يديني وقربني اكثر له لاحظت ابتسامته واول ماحس رجع لوجهه البارد وقال
رشاش:ركزي على هدفك ثبتي جسمك واطلقي
سويت فعلا مثل ما قال رشاش وظبطت معي ضحكنا وقعدت انطط وهو يصفق لي
ديما:شفت كيف ظبطتهاااا
رشاش:اي طبعا عشاني ساعدتك
ضحكت ورجعنا لنفس الوضعيه وكملنا تدريب لين خلصنا وتأكد اني صرت كويسه بعض الشي مشينا للسيارة
رشاش:كان الود ودي نتدرب اكثر بس لازم نرجع للعيال عشان نجهز للسرقه
ديما:اي بس تقريبا صرت كويسه يعني ماراح اخاف لو احتجت السلاح بطبظه صح؟
ابتسم رشاش وقال:ايوه اكيد،مشينا للسيارة وركبنا كان كل الطريق هدوء لين وصلنا للعيال كان فيه ضحك وحماس وسوالف وكانو متجمعين على الشاهي وينتظرون رشاش
رشاش:يالله انك تحييهم
العيال:هلا والله
قعد رشاش حول العيال وانا رحت للخيمه ونادى علي رشاش:على وين؟
ديما:تسمح لي اروح الخيمه؟
رشاش:لا
هزيت براسي وجلست بين عمر ومصلح وبداو يشربون ويسولفون
رشاش:شاهيكم ملغمم ياملاعين
ضحكو العيال وقال رشاش:تجهزو وجهزو اسلحتكم كويس نص ساعه ويبدأ الشغل،قامو العيال الي راح عند السياره والي راح يجهز السيارت
يتبع
لايك وفوت وابي رايكم متحمسين للبارت الجاي؟الي بعده بيكون نارررررر💖💖