قطاع الطرق

Part 7

كان قحص يعزف ويغني وهم يغنون معه ويضحكون وهم مو بوعيهم اكثر واحد محافظ على تركيزه..عمر كان يناظرني وهو مو قادر يسوي شي واضح وده يبعدني عنهم بس ما يقدر..فجأه هجدو شوي وقفو غناء وسكتو واضح تعبو..ناظر فيني رشاش وقال:احنا ما نعرف عنك شي عمرك مين اهلك ولا شي وبعد ابي اعرف وين اهلك وليه تشتغلين بالمحطه لحالك؟..ابي اعرف كلشي ناظرت فيه وقلت تمام..عمري19 سنه اهلي نقدر نقول متخلين عني هم بس امي وابوي واختي واخوي..المهم انهم مسافرين وعايشين بمنطقه بالسعودية بس هم مو معلميني وين..الشي الوحيد الي يسونه انهم يرسلون لي فلوس كل شهر بس الي يرسلوه ما يكفي اول الشهر حتى علشان كذا اشتغل المحطه،المحطه ذي كانت لأبوي والحين اشتغل فيها بس ذا كلشي  مهم عني ناظر فيني رشاش وقال: ما يزورونك ابد؟
ديما: لا ابد
رشاش: حرام عليهم الي يسونه فيك ليه ما تبلغين الشرطه عليهم؟
ديما: بالعكس انا مرتاحه مو زعلانه هم مو زينين معي يعني فكه منهم
مصلح: طيب ما تخافي وانتي بنت لحالك بالمحطه؟
ديما: لا تعودت
عمر: بس المحطه شبه مهجوره تطلعين منها فلوس كيف؟
ديما: اطلع منها مية ريال كل شهر تقريبا
مهل: طيب كم يرسلون اهلك؟
ديما: ميتين ريال
عمر: طيب ما يكفي لأخر الشهر كيف توفرين فلوسك؟
ديما: اشتغل شغل زياده خدامه عند عيلة كبيره ولهم اسمهم الاب كان يشتغل من قبل بالشرطه وابنهم يشتغل بعد بس ما اعرف ايش بالظبط وعلشان اوفر اعيش بالمحطه بس كذا..طبطب عمر على كتفي وقال: انتي بنت قويه ومعتمده على نفسك وأهلك الله يسامحهم..ابتسمت له بعدها قال رشاش طيب بعيد عن الموضوع بسألك..طلع سيجاره من جيبه وشغلها وقال: ايش كانو يقولون عننا بالاخبار؟ ابيك تعلميني كلشي يقولونه..قلت له تمام
ديما: كانو يقولون انكم عصابه من خمس اشاخص بس ما كانو متأكدين دايم يقولون رقم جديد مره اربعه مره خمسة ودايم يقولون فيه شكوك على شخص سادس..ويوم يحطون صوركم يحطون صور الكل الا رشاش بس ذا الي اتذكره..بس اعتقد انهم الحين تأكدو من رشاش..
بعد ما خلصت قمت وقلت بروح اشرب مويه قمت ورحت الخيمه وبدأت اشرب وجلست دقيقتين تقريبا بعدها قمت ورجعت يوم رجعت كان سلطان واقف وبدأ يقول سالفه صارت له ولمهل بعد ما خلص جلس وبدأ مهل يقول كيف كانت أول سرقه له وكانت سالفته انه اخذ الفلوس الي عطته امه علشان يشتري فيها الخبز وسرق الخبز ضحكت على سالفته وقلت امك ما كشفتك؟رد لا ما كشفتني ولا مره.. بدأو يقولون سوالفهم اندمجت معهم وبدأنا نضحك مع بعض واتفاعل مع سوالفهم بعدها تعبو وانسدحو وانا قمت وقلت رشاش ناظر فيني بمعنى نعم قلت له وين بنام؟رد وقال بالخيمه
ديما: اجل بروح انام الحين..قمت ودخلت الخيمه وانسدحت
(عند العيال)
قحص: ما تلاحظون ان ذي اول مره تضحك ديما معنا وتسولف؟ ردو عليه العيال بصح وقال رشاش: مع الايام بتندمج معنا اكثر واكثر..بعدها كل واحد منهم نام تقريبا وانا نمت بعد..صحيت الصبح بس ذي المره لحالي قمت شربت مويه وطلعت من الخيمه وشفتهم للحين نايمين جلست قدامهم ما حبيت اصحيهم بعد عشر دقايق مليت من الجلسة وقمت امشي شوي نصف ساعه ورجعت واول ما جلست بدأ رشاش يصحى..زين اني رجعت قبل لا يصحى لان لو صحى وانا مو موجده كان رجع ربطني ثاني مره..المهم صحى وناظر فيني وقال
رشاش:متى صحيتي
ديما:ساعه يمكن
رشاش:ليه ما صحيتينا؟
ديما:ما حبيت ازعجكم بعدين حتى لو حاولت اصحيكم بتصحون بعد القرف الي شربتوه امس؟..ناظر فيني بنظره تخوف شوي بعدها قام يصحي العيال وقال لي صحي عمر انتي قمت لعند عمر وحاولت اصحيه بدون ما ازعجه بس ما صحى لمست يده المصابه بخفه علشان يتعور صحى وهو يتألم ابتسمت بوجهه كأني مو مسويه شي وقلت: صباح الخير 
عمر: تعورت ليه مسكتي يدي الله يصلحك
ديما: مين قال انا؟انت تعورت لحالك
قمت وانا اضحك بعدها جلست على المده وانا اناظر بالسما وافكر وسرحت فيها..بعد شوي لقيت مصلح فجأه وراي وجلس قدامي..ناظرت فيه وقلت صحاك رشاش؟
مصلح ايه..
مصلح:ابي أسألك بالنسبة لكلامك امس عادي؟
ديما: ايه تكلم
مصلح: اهلك من متى يسون فيك كذا؟
ديما: من لما كان عمري 15..ناظر فيني بحزن وقلت
ديما: ليه؟شفقان علي؟
مصلح: لا..بس الي يسوه فيك يزعل
ديما: عادي بالعكس انا مرتاحه كذا عايشه على كيفي ومرتاحه لو كنت معهم كانت بتكون حياتي زباله..عفوا! طبعا كنت مرتاحه قبل لا تخطفوني
ضحك مصلح
ديما: ما فيه شي يضحك بالعكس يحزن
مصلح: مدري ايش مزعلك مجلسينك معنا ماكله شاربه بس تحبين المبالغه
ديما:  اكلكم امس جاب لي مغص ايش الي ماكله شاربه
ضحك مصلح بعدها كان رشاش ينادي بأسمي واسمه قمنا لعند رشاش وكانو كلهم صاحين بعدها قال رشاش :جهزو نفسكم اليوم عندنا شغل كثير قلنا له تمام بعدها قلت
ديما: طيب عادي اروح الخيمه شوي
رشاش: روحي
رحت الخيمه وجلست فيها
(عند العيال)
عمر: كيف وافقت تجلس معك؟
مصلح: مو هي الي جلست عندي انا الي جلست عندها
مهل بضحك: شكلها تحب تسولف معك
مصلح: مين قال طول الجلسه منفسه ومالها خلق..بعد نصف ساعة تقريبا جا عمر للخيمه وقال: بروح اجيب الاكل تبين اجبلك شي؟
ديما: لا شكرا طلع عمر من الخيمه وبعدها بكم دقيقه بدا ياخذني النوم ونمت..ما لحقت اكمل ساعه الا فجأه يجي يصحيني رشاش صحيت وقال: تعالي عمر جاب الاكل
ديما: امس عورني بطني ما ابي
رشاش: لازم تاكلين علشان لا تمرضين خلاص اليوم ما بيعورك ان شاء الله
قمت معه وكان عمر جايب لحم ورز جلست معهم وكانو ياكلون بدأت اكل معهم اكل شوي وقمت وقلت اني شبعت
عمر: اجلسي توك ما اكلتي شي
ديما: عوافي انا مو جوعانه اصلا كلو انتو صحه وهنا ابتسمت ورحت اجيب مويه اغسل يديني المهم غسلت ورجعت جلست مره ثانيه بعدها بعشر دقايق تقريبا بدأو يشبعون ويقومون بعد ما الكل خلص بعدها جلسو ومهل مسوي شاي المهم جلسنا نفس جلستنا المعتاده وجا مهل يعطيني كأس بس قاطعه عمر وقال لا تعطيها من الشاي فيه مخدرات ما يصلح لها تجاهل مهل عمر وقال تبين؟قلت لا رجع الكأس وشربه هو وقال رشاش: فكونا من ذي العلوم المهم الحين بعد ما نخلص الشاهي بنروح المغسلة عمر: بنقطع طرق اليوم؟
رشاش: ما ظنتي، نخليها لبكرا بدأو يتكلمون ويسولفون وانا اطالع فيهم المهم خلصو الشاهي وقمنا علشان نروح قمت لاكن اول ما وقفت جاني صداع قوي  ورجعت جلست ناظرو فيني العيال وجوني رشاش وعمر قام عمر يمسك يدي ويجلسني وقال انتي بخير؟
ديما: ما فيه مشكله بس الشمس جابت لي صداع جاني رشاش وعطاني مويه وقال اشربي علشان تصحي شربت شوي ووقفت معهم ورحنا دخلت السياره مع عمر ورشاش وبدأ عمر يمشي فيها تقريبا نصف ساعه ووصلنا المغسلة المهم نزلو العيال وانا جلست بالسياره المهم دخلو وحطو لبسهم وجابو لهم ثوب نظيف لما رجعو ودخل عمر يمشي بالسياره ما كان فيها بنزين لف رشاش على عمر وناظر بعداد السياره وقال رشاش: من جدك يا عمر؟ليه ما انتبهت البانزين قبل نمشي!
عمر: يخوي ما قلت لي سكتو  ومشا عمر بالسياره وقال لرشاش: تتوقع هذا يكفينا لمحطة ديما؟
رشاش: لو ما كفا بتنزل تدفنا لين نوصل
ديما: ثواني بس اصلا ما قلتو ليه بنسير لمن المحطه ليه بنسير لها؟
رشاش: علشان تجيبي عبايتك ولبس لك
ديما: طيب.. المهم مشينا الين وصلنا ونزلنا ونزلو العيال من السياره الثانيه دخلو العيال وجلسو على الطاوله وانا قلت: بروح اجيب عبايتي
رشاش: صح بعد جيبي مويه وحمضيات
ديما: تمام
المهم دخلت جوا اجيب عبايتي وطلعت مويه وحمضيات وجيت ورجعت لهم وحطيت لكل واحد مويه وحمضيات وجلست معهم فجأه نشوف سيارة شرطه جايه لنا ورشاش طلع سلاحه وحطه على رجله تحت الطاوله ويهدينا
رشاش: اهدو وتكلمو عادي وديما انتبهي تقولين شي يخليه يشك فينا..لاحظت توتر عمر ومسكت يده وقلت: اهدا وسوي زي ما قال رشاش
نزل الشرطي وجا لعندنا
الشرطي: وين صاحب المحطه؟..لمست رشاش علشان هو يجاوب وقال رشاش: ذي المحطه لي
الشرطي: ومين ذي البنت؟
رشاش: ذي تكون اختنا
الشرطي: ايش تشتغلون؟
عمر: عمال عند مقاول خاص ناظر
الشرطي بعمر وقال: وانت ليه يدك كذا؟
سلطان: ما فيه الا العافيه بس جرح عميق
الشرطي: يقدر يشتغل وهو كذا؟ لاحظت عصبيه رشاش قام وهو معصب و
سحب رشاش سلاحه على الشرطي..يتبع البارت ما فيه كثير أحداث لاكن نزلته علشان سحبت عليكم😭
لايك وفوت وعطوني رايكم💖