قطاع الطرق

Part 5

بعد بكاء نصف ساعة قررت استجمع قوتي واقف بكى لأنه ما يفيد بشي..المهم لاحظت اني جوعانه وعطشانه كثير من اول ما خطفوني هنا وانا ما اكلت ولا شربت..جسمي جاف ومتقشر من قلة الماء..قررت اقوم لعندهم اطلب اكل وماء المهم طلعت لبرا ولقيتهم جالسين وقفت عندهم ديما: انا جوعانه وعطشانه ابي اكل وماء مهل:ليه فاتحين بوفيه؟..ناظرت فيه كم ثانيه وتجاهلته عمر: الأكل بجيبه بعد شوي بس الحين عندنا ماء تبين اجيب لك؟
ديما: ايه..قام عمر للسيارة وطلع ماء منها جاب لي علبه المي ابتسمت له وشكرته فتحتها وشربت منها المهم بعد ما خلصت ناظر فيني رشاش:اليوم باليل بنطلع لقطع الطرق جهزي نفسك..ناظرت فيه ديما: تمام زي ماتبي..استغرب رشاش من موافقتي بدون نقاش بس بنفس الوقت ابتسم لأنه ذا الي يبه اوافق بدون كثرت كلام رحت انا وجلست بالخيمه مره ثانيه..(عند العصابه)
مصلح: كيف وافقت بذي السرعه بدون عناد؟
ضحك رشاش وقال:شكلها استسلمت وعرفت ان عنادها ما بيجيب نفع
عمر: حرام عليكم الي تسوه بالبنت مايصلح كذا!رشاش: ما اعتقد اني لازم كل شوي اشرح لك خطتنا عمر صح؟
عمر ناظر فيه بخيبة أمل لأنه يدري انه ما في فايده من النقاش..
رشاش: المهم سلطان قوم جيب ديما قلها من اليوم تجلس معنا ما فيه تجلس بالخيمه مره ثانيه وترا
(عند ديما)
كنت جالسه اناظر بالتراب من داخل الخيمه وشارده الا فجأه يقاطع تفكيري دخول سلطان..سلطان:تعالي اقعدي معنا من اليوم ما فيه قعده لحالك بالخيمه..الخيمه المكان الوحيد الي افتك منهم فيه والحين يبون اجلس واقابل وجيههم؟ ديما:تخسون اقابل وجيهكم المخيسه طول الوقت ناظر سلطان فيني بعصبيه وقرب مني وشد شعري بقوه وبدأ يصارخ بوجهي وانا ابكي من الوجع..
(عند العصابه)
رشاش:كأن ذا صوت صارخ سلطان؟
عمر: ايه صوته وكأن حتى البنت تصيح!..قامو العيال لعند الخيمه على صراخنا..كنت ابكي من قوة الوجع وهو يستمر يصرخ ويشد شعري ركض رشاش ودخل الخيمه ودف سلطان عني بقوه ومسكه من رقبته رشاش:ايش سويت لها يا غبي ليه قاعد تضربها؟ سلطان:كانت تسبنا بعدين انت خطفتها ايش فارق معك ضربتها او لا رشاش:احنا خاطفينها بس مو علشان نضربها  يا كلب! وهم يتطاقون مسكني عمر وسألني عمر:انتي بخير ايش سوا لك سلطان؟؟ رديت وانا ابكي ديما: سبيته وشد شعري بقوه وكان يصرخ بوجهي عمر: احنا بنشوف شغلنا معه..بذي اللحظه جاني رشاش ومسكني وسألني رشاش: بس شد شعرك ولا ضربك بعد؟ رديت وانا للحين مو موقفه بكى ديما: لا بس شد شعري حط يده رشاش على شعري ومسح عليه شال يده وكانت كلها دم من شعري ناظرت يده وانا خايفه و زاد البكاء عندي ديما: رشاش كل ذا الدم من شعري؟؟ رشاش: لا تخافي تعالي اجلسي بنفس المكان الي نجلس فيه وانا بجيب لك معقم للجروح تمام؟عمر روح معها الين ما اجي هز راسه عمر ومسكني وطلع معي من الخيمه وجلسنا انا وهو
(عند رشاش)
لف على سلطان وقال رشاش: انا بعلمك كيف تمد يدك مره ثانيه بس خليني اخلص من البنت..ناظر فيه وطلع
(عند ديما) عمر: راسك يعورك؟ديما: ايه كثير
جا رشاش وجاب علبه فيها مطهر وأشياء ثانيه المهم طلع المطهر وبدأ بحط منه على قماش رشاش:الحين بيحرقك بس تحملي تمام؟.. هزيت راسي بدأ يحطه وكان يحرق كثير بس تحملته المهم طلعو الباقين من الخيمه وضمنهم سلطان جلسو كالعاده وانا كنت اناظر بحقد بسلطان ورشاش ما زال يحط المطهر على رأسي المهم خلص رشاش من شعري وقال خلاص خلصت شكرته وقلت ديما:ممكن ارجع الخيمه؟ رشاش: لا بتجلسين هنا معنا..قلت له تمام لان اصلا كنت متوقعه ذا الرد..قال رشاش:عندي شي مهم بقوله لكم ركزو معي غيرت الخطه نصف ساعة بس ونطلع لقطع الطرق مو باليل ننتظر ديما يخف وجع راسها وبنفس الوقت نجهز الاسلحه..كل واحد يجيب سلاحه تجهزو زين قامو كلهم يجهزون بالاسلحه وانا ما تحركت من مكاني انتظرهم يخلصون..يتبع
صوتو للبارت وعطوني رايكم💕