بعد ماجهزو السيارت وخلصوا العيال وقف رشاش وقال
:عاينو فيني زين كل واحد منكم عارفن شغلته اليوم نبي ناخذ اكبر قدر نقدر عليه محتاجين الدراهم
قحص:افاا يرشاش احتزم وشد ظهرك
طبطبو العيال على بعض ومشينا ركبت مع رشاش وعمر ومصلح والسيارة الثانيه مهل وقحص وسلطان مشينا وجت نقطه تفتيش
ديما:وش بنسوي كيف بنمر النقطه؟
رشاش:اهدو وخلكم طبيعين كان مافيه شي
وصلنا النقطه وفتح عمر الدريشه وقال الحارس:على وين؟
عمر:بنمشي السوق
طالع جوا السياره وقال:ومن الحرمه الي معكم
رشاش:هذي تصير اختي
عاين الشرطي بالسياره شوي وبديت اتوتر من نظراته حسيته شاك فينا هنا بدت يديني ترجف لاحظ مصلح وغطى يدي بيده عشان لا يبان شي
رشاش:بتمشينا ولا بتقعد تعاين؟
الشرطي:امشو
فعلا مشينا وخذيت نفس عميققق
مصلح:للحظه حسيتنا بننمسك
رشاش:لا تخاف هذولا سبايك ههههههه
عمر:يخي شالهورطه الي ورطتني فيها يرشاش احنا مو قد الحكومة
رشاش:انا قدهم ونص وقلت لك لاتخاف انا بحميك
حط يده على كتف عمر وعمر كان باينه خرشته وانه مو طايق الوضع
ديما:وش قصدك ورطتني فيه؟انت واحد من العصابه يعني انك راضي بنفسك ولا؟
مصلح:هالشغل مو شغلك
رشاش:خلها يامصلح،معك حق عمر واحك مننا بس ماكان زينا كلنا مجرمين وتجار من اول عمر جا معي لانه صديقي وزي اخوي ما خلاني مو لانه مجرم
ديما:انت راضي ان صاحبك صار قاطع طرق بسبتك؟
رشاش:يوم تشوفين الموضوع من ناحيتي بتعرفين ليه انا راضي
طالع فيني ورجع يطالع لقدام كنت مقربه منهم شوي عشان اسمعه خذت نفس ورجعت جسمي لورا وقلت
ديما:انا خايفه اغلط ويصير شي وتخرب السرقه خايفه نتمسك
مصلح:امشي على الي قاله رشاش وماراح يصير شي
لف علي رشاش وقال:مو واثقه بنفسك؟شدي حيلك وقوي قلبك لاتفكرين بشي الا بنفسك وكيف تنجحين الخطه خلك من كلشي ثاني
ديما:بس يمكن اخرب عليكم ذي اول مرا لي
رشاش:واثق انك بتظبطين الوضع
كلام رشاش اقنعني شوي وهديت
وصلنا السوق وبدت الخطه نزلنا سوق الذهب ودخلنا
اول مادخلنا سوق الذهب طلعو العيال اسلحتهم وصوبها على راعي المحل بدا الصراخ والناس تهرب بس العيال مقفلين الأبواب
رشاش:ارفعو يدينكم على فوق ارفعوا!!!احنا مو جاين نقتل ولا نعتدي اعطونا الذهب والفلوس مقابل روحكم
سلطان:الي يبي يعيش؟يطلع الي بجيبه
بدت الناس تطلع الي معها بكل خوف مشو العيال عليهم يحطون الاسلحه براسهم ويحبرونهم يطلعون الي معهم كنت واقفه اراقب لان ذي شغلتي الا فجأه واحد من الناس لابس لبس حرس يطلع سلاحه ويسحبني ويحط سلاحه على راسي لفو العيال بسرعه وقال
الرجال:اي حركه منكم بطلق على راسها نزلو اسلحتكم ولا حد يتحرك
ضحك رشاش وقال له:نزل سلاحك انت مو قدنا
الرجال:اقسم بالله لو ماتنزلون اسلحتكم بطلق براسها
كانت نظرات العيال عصبيه وانا كنت بارده مرا ماكنت ابي ابين خوفي وهو ماسكني طالعت بالعيال وهم ينزلون اسلحتهم ويرفعون يدينهم كان رشاش بفمه الدخان ويبتسم بكل برود وبدون أي خوف هدوه عطاني قوه غريبه ابتسمت لرشاش ومسكت يد الرجال بكل قوتي وضربت رجله برجلي باقوى شي طاح ومسكت سلاحه ووجهته على الرجال واطلقت على رجله
يتبع،متحمسين للبارت الجاي؟احتاججج رايكم💖💖
أنت تقرأ
قطاع الطرق
Mystery / Thrillerفتاة بسيطه تعمل بأحد المحطات بمنطقه شبه مقطوعه بيوم من الايام يزورونها 6 أشخاص من اكبر قاطعين الطرق بالمملكة ايش بيكون مصيرها؟..
