ضحكو بحماس ورفعو الاسلحه على الناس جا رشاش لعندي ومسك الرجال
رشاش:والله لألعن والدينك
بدأ يضربه ويخبط راسه على الارض لين مات والعيال ياخذون ذهب
رشاش:ياعيال خذو الي تقدرون عليه وخل نطلع بسرعه قبل تلحقنا الحكومة
جا رشاش مسك كتفي وهو مستعجل
رشاش:بسرعه خذي كيس وجمعي معنا من الناس، اخذت الكيس ومريت على الناس مريت على حرمه مع طفلها وقلت
ديما:يخاله تكفين اعطيني الي معك عشا لا ياذونك
الحرمه:والله مامعي الا لعيالي يحتاجون علاجات
ديما:لا تعطيني شي بحاول محد يجيك
خلصنا الفلوس من الناس
مهل:ياحرمه اعطينا الي بيدك الحرمه عيت وقالت احتاجه ياولدي
كانو العيال قدام مهل وقال رشاش يخاله أعطينا وخل نمشي بخير
رفع مهل سلاحه وقال حطي الي بيدك ركضت لمهل ومسكت يده وقلت:خل نتركها تحتاج الفلوس لعلاج ولدها تكفى خل نروح
طالع فيني رشاش وقال
لا تخلين قلبك رهيف
ديما:تكفى نخيتك بس هالمره
عمر:ياعيال خل نمشي محنا بحاجه فلوسها،تركوها العيال فعلا ورحت للحرمه بست راسها واعطيتها ذهب وركضت وراهم طلعنا لبرا ركبو العيال سياره كبيره وركبت اخر وحده
اول ماركبنا حطيت راسي على الكرسي ويديني ترجف وكلي ارجف رشاش والعيال كانو يضحكون وعمر كان ساكت وزي الي مصدوم
سلطان:والله حركه ديما تفوززز اليوم ماتوقعت منك هههههههه
مهل:يوم أطلقت على رجله قعدت اعاين ماصدقت منها
رشاش يضحك ويصفق لي وقال:ابدعتي قلت لك واثق فيك وطلعتي قدها
مصلح:صادقين صح انك رخمه بس اليوم انقذتي الموقف
كنت اطالع فيهم وانا ساكته وقلت:مو راضيه عن الي سويته بس هو اجبرني لو انه مامسكني ماكنت رضيت يصير له شي
رشاش:رده فعلك كانت كويسه انقذتي الوضع ولا كنا تورطنا فيهم
قعد قحص يقلد الرجال والعيال يضحكون عاينت بعمر وهو لسا ساكت
لف قحص على عمر:شفيه تويتي ساكت
عمر: تعبان شوي
بعدها قعد مهل يغني لحاله ورشاش ومصلح يدخنون
طالعت بعمر وداق صدري عليه هو نفسي مو معجبه الوضع واشوا منهم مسكت كتف عمر وقلت
ديما:وشفيك؟واضح ضايق صدرك مو تعبان
عمر:اي والله يوم شفت خوف الناس والحرمه ضاق صدري عليهم
ديما: على قوله رشاش لا تخلي قلبك رهيف انت تورطت معهم وذي مو اول ولا اخر سرقه بتقعد تضيق صدرك؟شد حيلك ياعمر،طبطبت على كتفه ورجعت ظهري لورا وخذت نفس
ديما:حتى انا مو معجبني الوضع صح ان الرجال حاول يضغط عليكم فيني بس مهما كان اي واحد تجيه الفرصه بيسوي نفس الشي حاول يحمي نفسه والناس الي معه مايستاهل انه يموت
عمر:ما يستاهل بس حتى انتي ما تستاهلين
هزيت راسي وقلت:عشان كذا اهون على نفسي كذا ولا كذا انا مجبوره على كلشي مو انا الشخص الي لازم يعاتب نفسه،طالعت بالعيال وقلت الي لازم يعاتبون نفسهم هم انتو بعدها لفيت عن عمر قعدت اسمع اغاني مهل لين وصلنا جلسوا العيال بس عمر راح لخيمته، رحت بكلم عمر كان مغمض عيونه ومنسدح
ديما:عمر؟،اعتدل عمر بجلسته
عمر:هلا بغيتي شي؟
ديما:لا بس ابي اسولف معك شوي
عمر:يالله انك تحييهم اقعدي
يتبع،احتاججج تفاعلكم تكفون لاتنسون الكومنت ورايكم💖💖
أنت تقرأ
قطاع الطرق
Mystery / Thrillerفتاة بسيطه تعمل بأحد المحطات بمنطقه شبه مقطوعه بيوم من الايام يزورونها 6 أشخاص من اكبر قاطعين الطرق بالمملكة ايش بيكون مصيرها؟..
