بعد ما العيال جهزو الاسلحه جا رشاش لي وجلس قدامي وقال رشاش: اليوم انتي عارفه ايش بنسوي علشان كذا ما ابيك تكوني خايفه وابيك تكوني شجاعه وتتحملي الي بتشوفيه تمام؟..ما فهمت ايش يقصد بالظبط ايش الشي الي بشوفه؟رغم كذا ما عارضت وهزيت راسي بمعنى ايه.. قام رشاش من عندي رشاش: عندنا سيارتين انا وعمر وديما بسياره وقحص ومصلح ومهل وسلطان بسياره ثانيه..يلا ديما قومي..قمت معهم ورحنا للسياره والعيال الباقين راحو سيارة ثانيه ركب عمر مكان السائق ورشاش قدامه وانا جلست ورا بدأ عمر يمشي وانا سارحه بأفكاري المهم قاطع تفكيري وقوف السيارة ولف علي رشاش وقال: الحين بننزل هنا وانتي بتوقفي على طرف الطريق وبتبكي علشان الناس تصدق انك ضايعه فاهمه؟ وانا والعيال بنكون ورا السياره يوم توقف سيارة الي نبي نقطع طريقهم بنطلع لهم فاهمه؟..بدأت ابكي صدق من الندم..انا ما ابي اضر احد بس مجبوره لان لو ما سويت كذا بيقتلوني..ديما: تمام.. نزلنا من السياره وراحو عمر ورشاش ورا سيارة العيال الثانيه وكانو الباقين ورا السياره مشيت ووقفت على طرف الطريق..كانت السيارات الي تمشي قليله هذا الي عطا العيال فرصه انهم ينزلون بدون محد يشوفهم تقريبا كل خمس دقايق تمر سيارة..بدأت اشوف سيارة جاي من بعيد..بدأت ابكي بشكل أقوى ودقات قلبي تزيد..كنت اتمنى لو اقدر ارمي نفسي قدام السياره واخلص من كلشي..تجاهلت أفكاري يوم بدأت تقرب السياره رفعت يدي وانا الوح لها وقفت السياره وشفت فيها رجال وزوجته نزل الرجال وسألني انتي بخير؟جاوبته وانا ابكي ديما: لا الطريق انقطع فيني تقدر تساعدني؟ خلصت جملتي وقبل لا يرد علي الرجال طلعت العصابه من ورا السياره ورفعوا اسلحتهم على الرجال..راح مصلح لعند المرأة بالسياره وبدأ يطلعهاالشي الي مو متوقع ان الرجال طلع معه سلاح!..طلع سلاحه من جيبه وأطلق على يد عمر لأنه هو الي كان جاي له وبنفس الوقت اطلق رشاش على جسم الرجال اكثر من طلقه بدأت زوجته تصيح وتصرخ لاكن مصلح اطلق على راسها وركض هو لعند عمر والعيال كانو متجمعين على عمر..انصدمت من كلشي شفت رجال وزوجته يموتون قدام عيني بلا ذنب..ذنبهم الوحيد انهم صدقوني ووقفو لي..من قوة صدمتني مو قادره ابكي ولا انفعل مو عارفه ايش اسوي كنت اناظر جثتهم بصدمه..سحبني مصلح بقوة وركبت السياره بالمقعد الخلفي ومعي عمر ورشاش كان الي يسوق هنا نسيت الرجال وزوجته وكنت افكر بعمر بس ما اعرف ايش الي خلاني اخاف عليه بس يمكن لانه أطيب واحد بينهم وساعدني اكثر من مره..المهم مسكت يده وانا ابكي وارجف وخايفه عليه ديما: انت بخير صح؟ تقدر تتحمل الألم؟ رد علي عمر وهو يتألم عمر: ايه اقدر لا تخافي علي..بدأ يشد على يدي ويتألم اكثر هنا وصلنا المكان الي نجلس فيه دايم نزل رشاش ركض من السياره وجلسه على الارض ونزلو العيال من السياره الثانيه طلع رشاش علبة الاسعفات وطلع قماشه وعطها عمر وقال له يعض عليها وطلع ملقط وقربه من يده وكان عمر يتألم ويرجف..كنت خايفه عليه واطالعه وعيوني كلها دموع..بدأ رشاش يطلع الطلقه وألم عمر يزيد وصراخه المكتوم يرتفع..طلع رشاش الطلقه من يده بس كان يحتاج قماشه علشان يلفها على يده لف علينا رشاش وقال: ابي قماشه نظيفة ألفها على يده على السريع!.. كل واحد قاعد يدور على قماش نظيف بس ما لقو لان ما فيه الا لبسهم ولبسهم تراب.. كنت لابسه جاكيت شلحته وعطيته رشاش وقلت له يلفه لفه على يد عمرنزل رشاش القارورة على الارض وبدأ هو والعيال يسبون الرجال وزوجته ما تحملت كلامهم وسبهم..قاطعت كلامهم وقلت: مو فاهمه ايش تبون بالظبط؟ اكيد الرجال بيطلع السلاح دفاع عن نفسه!قتلتوه وقتلتو مرته بلا رحمه والحين جاين تسبونهم؟انتم مو خايفين من رب العالمين وانتم تقتلون أرواح بريئه؟ رشاش: هذا غلطه انا كنت بسرق فلوسه واخليه يمشي ليه رفع سلاحه بوجهي؟ كل من يتمرجل ويرفع سلاحه بوجه رشاش يستاهل الموت.. ناظرت فيه وانا مو عارفه ايش اقول له النقاش ما منه نفع سكتت وجلست على الارض فتحت قارورة مويه وشربت وقفت وقلت: لبسي كله دم لازم اغسله بس ايش بلبس؟..كالعاده لازم يطقطق مهل وقال البسي ثوب ضحك وضحكو معه الباقين الا رشاش طلع سيجاره وحطها بفمه وقال بكره نروح المغسلة انا بغسل ثوبي واجيب لي ثوب نظيف قاطعه مهل وقال انا بعد ابي ملابس نظيفه قال رشاش طيب وكمل كلامه وقال وانتي تشترين لك لبس وتغسلين لبسك قلت: طيب لبسي كله دم لا اعطيته لبسي بيشك من وين جا كل الدم صح؟ مصلح: شكلك ذكيه هههه ناظرت فيه بثقه وقلت مو شكلي انا اكيد ذكيه وقال رشاش صح ذكيه..خلاص ارمي لبسك ما تحتاجينه قلت له تمام قحص: بعيد عن كلامكم انا بروح اجيب الغداء وانتم شبو النار ناظر فيه رشاش وقال تمام تلاقي الفلوس بالسياره بالشنطة الزرقه قال قحص تمام راح وركب السياره ومشا فيها وقامو العيال يجهزون خشب وأشياء ثانيه علشان يشبون النار وانا كنت جالسه لحالي قمت ورحت لعند رشاش كان يجهز الخشب مع العيال.. قلت له: عادي لو مشيت لحالي شوي؟ رشاش: طيب بس لا تبعدي كثير وافقت ورحت بدأت امشي وافكر بالاشياء الي صارت اليوم.. اول شي سألت نفسي ليه خفت على عمر اليوم؟هو خاطفيني معهم وقاطع طرق زيهم يعني مجرم..ايش الي خلاني اتعاطف معه؟يمكن لانه يهتم لي؟عطيت نفسي عذر لاني ما كنت ابي افكر بالموضوع..تجاهلت قصة عمر وبدأت افكر بالناس الي انقلتو اليوم ايش ذنبهم؟كنت افكر بأهلهم واولادهم اذا كان عندهم..جلست وبدأت ابكي عليهم..استمريت على ذي الحاله عشر دقايق الا اسمع صوت عمر من وراي وقال: تعالي قحص جاب الاكل ديما: ما ابي اكل ما لي نفس عمر: ما يصلح لازم تاكلين علشان لا تمرضين..يلا تعالي،قمت معه ورجعنا وكان جا اليل تقريبا..وصلنا عند العيال كانو شابين النار وجالسين زي كذا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جلست وجلس عمر وكان الاكل رز ودجاج..بدأو العيال ياكلون بس انا كنت ما اكل قال رشاش: ليه مو قاعده تاكلين؟ ديما: تكفى ما لي نفس للأكل ما ابي رشاش: لازم تاكلين كلي ولا تناقشين اكلت شويه رز ورجعت ما اكل المهم طالع فيني رشاش وعرف اني خلاص ما ابي وما قال شي..بعد ما خلصو العيال اكل وشالوه قال سلطان: شرايكم نحتفل اليوم؟رد عليه مهل وهو يضحك قدام واضح عليه انه مو واعي كلامه فيه شي غريب بس ما عرفت ليه يتصرف كذا..كانو يتكلمون وقررو انهم بيحتفلون الحين قامو للسياره ونزلو منها قيتار وشنطه مقفله المهم كانو كلهم يتكلمون ويضحكون وهم يطلعوهم بس ما فهمت شي منهم المهم جلسو وقبل لا يفتح مصلح الشنطه قال عمر: لا تطلعهم قدام البنت! ناظرت فيه بأستغراب وسألت: ليه ايش فيها؟ فتح مصلح الشنطه وكان فيها كحول وحبوب وبودرة باكياس صغيره ديما: هاذي مخدرات؟؟!! رشاش: ليه ما تعرفين ان حنا تجار؟ سلطان: يوم يتكلمون عننا بالاخبار ما يقولون ان حنا تجار؟ ديما: لا ما يقولون بس يقولون انكم قطاع طرق ما توقعت انكم تجار وتتعاطون وتشربون!! مهل:زين اجل الحكومه ما كشفو ان حنا تجار هههه سلطان: حسبتهم قايلين من الصدمه ما قلت شي..كنت مصدومه ومتقرفه بنفس الوقت..بدأو بحفلتهم كانو يحتفلون ويشربون ويتعاطون وانا بس اناظرهم وانا متقرفه وساكته..يتبع
