လရောင်လေးရဲ့မျှော်လင့်ချက်(M-preg)

🍁အခန်း(၆)

"Boss ရောက်ပါပြီဗျ "

"Omm"

အရှင်ကားပေါ်ကနေ coffee ဆိုင်လေးထဲကိုလှမ်းကြည့်လိုက်သည်။ဆိုင်လေးက အတော်သပ်ရပ်ပြီး အေးချမ်းသည့်ပုံပင်။ပြင်ဆင်ထားသည်မှာလဲ အဖြူရောင်ကို အများဆုံးသုံးထားသည်ကို ကြည့်ခြင်းအားဖြင့် ဒါက သွေးရဲ့ လက်ရာဆိုတာမပြောပဲနဲ့တောင်သိနိုင်သည်။အဟွန်း သွေးကြိုက်တဲ့ အရောင်ကတော့ အခုထိမပြောင်းသေးပေ။ဒါဆို မောင့်အပေါ်ထားတဲ့ သွေးရဲ့အချစ်ကရော....။

အရှင်ဆက်ပြီး မစဉ်းစား‌လိုတော့ပေ။ဆိုင်က ဒီနေ့တော့ လူနည်းနည်းကျနေပုံပင်။သွေးရဲ့ အရိပ်အယောင်တောင်မတွေ့ရသေးဘူး။သွေးမှရှိရဲ့လား။သားသားကရော အခုဘယ်မှာလဲ။အိမ်မှာလား။ဆိုင်ထဲမှာလား။သူ ဆိုင်ထဲကိုအပြေးဝင်သွားချင်နေသည့်စိတ်ကို အတင်းထိန်းချုပ်နေရသည်။သူဘာလုပ်ရမလဲ။ဆိုင်ထဲဝင်သွားရမလား။သူနာရီကိုကြည့်တော့ သုံးနာရီပင်ထိုးတော့မည်။ဟူးးးးးးးးးးးးးးးးးးးးးးးး။
သတ်ပြင်းချမိတာ ဘယ်နှခါမှန်းမသိတော့ပေ။မကြာပါ...
ဆိုင်ထဲမှ သူအရမ်းတွေ့ချင်နေတဲ့ အဖြူရောင်ကောင်လေးက နာရီလေးကိုကြည့်ကာ အပြင်ကိုထွက်လာသည်။‌တစ်ခုခုကိုအလျင်လိုနေတဲ့ပုံပင်။ဘာလို့ပါလိမ့်။ဟင်...ဘယ်သွားမလို့လဲ။သူ့စိတ်ထဲပူလောင်လာတာကြောင့် ကားတံခါးဖွင့်ပြီး ဆင်းကာ သွေးနောက်ကာလိုက်ဖို့ပြင်လိုက်သည်။တစ်ဆက်တည်း....

"အာကာ ငါ သွေးနောက်လိုက်သွားလိုက်ဦးမယ် မင်းဒီမှာပဲစောင့်နေလိုက်"

"ဟို Boss အဆင်ပြေပါ့မလား"

"ရတယ် မလိုဘူး "

သူ အာကာ့ကိုပြောပြီး သွေးနောက်ကိုမလှမ်းမကမ်းမှ လိုက်နေမိသည်။သွေး ဘယ်သွားမလို့လဲ။မောင့်ရဲ့ကလေးလေးက အရင်ကထက်ပိုပြီး ချောလာတယ် မဟုတ်သေးဘူး လှလာတယ်။Omm ဟုတ်တယ် လှတာ။သွေးက ယောက်ျားလေးဆိုပေမဲ့ ယောက်ျားပီပီသသ ချောတာမျိုးမဟုတ်နဲ့မိန်းကလေးတွေမနာလိုရလောက်အောင်လှတာ။ရယ်လိုက်ရင်ပေါ်လာတဲ့ သွားတတ်ဖွေးဖွေးလေးတွေရယ်။ ဖြောင့်စင်းပြီးရှည်လျားတဲ့ မျက်တောင်နက်နက် ခပ်စိပ်စိပ်လေးတွေရယ်။နှုတ်ခမ်းနီကူစရာမလိုတဲ့ နှုမ်းခမ်းပါးရဲရဲအိအိလေးတွေက လာပါလာပါ နမ်းပါ‌လို့ ပြောနေသယောင်။ဖြူဖွေးနေတာမျိုးမဟုတ်ဘဲနဲ့ ဖြူပြီး ဝါဝင်းနေတဲ့ အသားရည်လေးက မိန်းကလေးတွေလို ဂရုတစိုက် Skincare နေစရာမလိုဘဲနဲ့ကို အသားရည်ရဲ့ကောင်းခြင်းနဲ့ ပြည့်စုံနေတာမျိုးလေး။အနက်ရောင် ဆံနွယ် အိအိလေးလေးတွေက အရမ်းတိုကပ်နေတာမျိုးမဟုတ်ဘဲနဲ့ အရှေ့ဘက်နဖူးပြင်လေးကို ဖုံးအုပ်ထားသလိုလေးနဲ့ အုပ်အုပ်ကလေး။ အားးးး
ဘာလေးလဲကွာ အရမ်းချစ်စရာကောင်းလာတယ် မောင့် သွေးလေးက။