صـــه || HUSH

إعلانُ الباب الثاني/ فصلُ الصيف.

-تضرب طبول متحمسة-

-تطلع من خلف ستارة حمرة ولابسة نظارة سودة وهي واقفة كأنها عارضة ازياء-

مرحبا بكم جميلاتي للحظة افراج اعلان الباب الثاني لرواية صه! تصفيق!
-ترفع المايك بحماس بس يطلع صوت صرار الليل-

احم طيب بما اني كنت متأخرة بختم الباب الاول لذا قررت ان اعلان الباب الثاني لفصل الصيف ينزل بوقت مبكر، طبعا للتهيؤ لنشر البارت الاول من الباب.

طبعا عندي أشياء كثيرة حتى اكتبها هنا لذا اسمعو لطفًا~

بهذي النقطة احنا نكون خلصنا 25% من الرواية بس وتلميحاتها واسرارها، وطبعا جدا جدا متحمسة وسعيدة لكل تعليق وتحليل اقراه حرفيا انتو كلكم تحفة وتجننون! لذا جدا متحمسة ابدي بباب جديد مع تلميحات واحداث وشخصيات جديدة!

لكن قبل هالشي، أحب أقدم شكري وامتناني لكل بنوتة تابعت الرواية واستمتعت بأجواءها وشخصياتها. الرواية هذي اعمل عليها بجد مو طبيعي لأني ما اريدها تكون أي رواية عادية ولهذا سردها وفكرتها عميقة حبتين، هالشي يخليني ممتنة أكثر لصبر وحب متابعاتها واريد اوزع عليكم ورود وحدة وحدة والله. خذو عناق~🥺🌸

البنات اللي كتبولي تعليقات وتحمسو وحللو الاحداث معي هذولة شكرهم خاص~ حرفيا احب اقرأ تعليقاتكم، ممكن ما الحك ارد على الكل لكن اقراها كلها والله واحب تفاعلكم لذا لا تحرموني منه💖✨.

أما الاشخاص اللي احب اذكر اسمهم بشكل خاص لليوم، فهم المتابعات السُكر اللي اهدوني اشياء بسيطة وحلوة بمناسبة انتهاء الباب الاول من الرواية وشروعي بالباب الثاني منها. حرفيا ما تعرفون كم اسعدتوني وكم انا ممتنة لكم، شفتها ودموعي شلالات اقسم ما اعرف كيف اشكركم بالشكل الكافي لكني حبيتها وللأبد حتظل بقلبي وبحساباتي لأني حنشرها.

الهدية الأولى اللي استلمتها وقتها هي من المبدعة iiam.asma_ اللي رسمها يشك شك على فكرة ويخبل!😭 (الحساب المذكور حسابها على الانستا، لأني ضيعت حسابها بالواتباد لأنها دوم تغيره... بليز علقي هنا اسماا😭) فنانة حبوبة وكاتبة مستقبلية رسمت الفنان الأشقر استاذ الإيرلين~ شكرًا غاليتي من القلب🥺💖.

الهدية الثانية كانت من متابعتي العسل Bebeexos واللي صنعت عدة فيديوهات لطيفة وخفيفة، وبصراحة جدا جدا اسعدتني وضحكتني لدرجة بالنهاية تأثرت وبكيت من الجمال -تمسح بكلنكس- جدا سعيدة بي لدرجة ما اعرف شنو اقول..

أما الهدية الثالثة من إحدى أفضل الكاتبات شخصيا بالنسبة لي، فعليا كاتبة اتطلع لاعمالها، مميزة وغالية والفيديو اللي صنعته حجزله مكان بقلبي مع البقية. حبيبتي 1shafaq خلصت الكلمات بحيث ما ادري كيف اشكرك والله بس فرحانة حييل بي، حسيت بجو الرواية كله كعد بي وربي لدرجة... هتثقلثقتهخب😭😭

سلمت ايديكم الخقة~🥺💖 احرصو على زيارة حساباتهم على الانستا لدعم هالمواهب الحلوة هذي، الكلمات كلها ما تكفي تعبر عن سعادتي لهذا الشي اللطيف~ لذا مجددا اشكركم واحبكم جدا لدرجة ما اقدر اعبر فيها.. سواء كنتِ قارئة بس او متفاعلة او متابعة مخضرمة كلكم لكم حُب خاص🥺🌸.

طبعًا اللي يحب يشوف الفيديوهات يكدر يزور قناتي على اليوتيوب واللي طبعًا نزلت فيها الاعلان اليوم، حفظتها كلها هناك وطبعًا حنشرها على حسابي بالانستا همين.

احم والآن بعدما خلصت اللي اريد اكوله -البلدية بدت تشتغل حتى تزيل فيضان دموع ميري- هسة خلونا ندخل باعلان الباب الثاني لرواية صه! -ادري بيكم متحمسين هيهي-

احم والآن.. خلونا ندخل بالعميق~
باب فصل الصيف.. الفصل اللي حيلقي الضوء على شخصيات مختلفة ومنظور جديد، رجاءًا استمتعوا بمشاهدة الاعلان واتركولي تعليقاتكم وتوقعاتكم~

طبعا احم قولولي رأيكم بوضع اشتراك ولايك على قناة اليوتيوب~

والآن..
 هل أنتم مستعدون..؟

بعد مُضيّنا مع إيميليا، تعرُّفنا على الأمير الذهبي والليدي المبتهجة، ضوءٌ أكبر يسطع على القصر الغامض لنكتشف أركانًا جديدة..

من التالي..؟

وميضُ خاتم، أثرُ ندبة، أوراقُ تاروت، همسٌ بعيد وشُهبٌ تنهمر.
أفرادُ كيم ينهضون..

كيف هو منظر كفِّ أيديكم؟ هذا هو تلميحكم الأول لمحورِ تركيز أحداث هذا الباب.

والآن استودعكم، حتى لحظة انفراج الباب..
-غمزة-