العمارتان

العمارتان الحلقه الاولى

المقدمه

مااحلي الصداقه والمحبه بين الاصدقاء ومااحلي الجيره الجميله التي نفتقدها

العمارتان
الحلقه الاولي
ام عادل :خبط يا ماجد علي بنت خالك لحسن هتتاخر علي كليتها
ماجد:وانا كنت الداده بتاعه اللي خلفوها وهيمش عارفه معادها قاعده تمسخر ف اوضتها
رؤي:انا جيت ياعمتو ولا الحوجه لحد مش عاوزين من خلقته حاجه
ام عادل :يابنتي بقالك 9 سنين معانا من ساعه امك ماتوفت وجابك ابوكي10 سنين واجوز وسافر وانتو مش طايقين بعض كده
انهارده اول يوم ف كليتك توصلها ياماجد
ماجد:وانا مال اهلي دا انا ناقص ارضعها هو كل حاجه وديها جبها اتاخرت ف الدرس هاتها هو مافيش غيري ف البيت ده هيلبست فيا خلاص
دي حاجه تارف
رؤي:ومين قالك اني عاوزه من خلقتك حاجه انا عارفه انت كارهني من ساعه ماجيت عشان خدت منك اوضتك ورحت قعدت مع عادل اخوك
انا راحه مع مها اللي فوقينا هي معايا وكمان سميه اللي ف العماره اللي قدامنا ماتقلقيش علينا احنا جروب دخل نفس الكليه
ماجد:طالما مش لوحدك ممكن اوصلكو عشان ماتتبهدلوش ف المواصلات
رؤي:لا شكرا وفر حنيتك لنفسك مش عاوزين من خلقتك حاجه
ماجد:عاوزه تتزنقي ف المواصلات خلاص قانا هتنيل اوصلكو
رؤي:انا ماشيه ياعمتو
فتحت لقت مها امامها
مها:يلا يارورو
فمها اول صديقه لها عندما جاءت وهي 10 سنوات العماره نزلت مها لها وتصاحبت عليها ثم سميه وهكذا مع باقي بنات العمارتان كانت تحدث تجمعات وايضا شباب العماره هكذا تربطهم صداقه

فاخذتها مها وهم ينزلون وجدت ماجد
مها:وايه جاب برميل الغلاسه ده معانا
رؤي:اهو بلوي وابتليت بيها بعيد عنك قال هيوصلنا عشان المواصلات صعب
مها:طب ماعمار بن خالتي جاي معانا هو نفس الكليه ومعانا
وتحت وجدو سميه
سميه:صباح الفل ع الحلوين
مها:ايه اللي جابك ياماجد ماعمار معانا
ماجد:وعمار يوصلكو ليه
ماجد:هو معانا لكن انت توصلنا ليه
عمار:استعنا ع الشقي بالله
هي سنه بيضا من اولها يلا يااخوانا
ازيك يازميل ايه هتحن للماضي وتيجي تاخد اولي معانا من الاول
ماجد:لا يافالح ماصدقت خلصت انا كنت هخدم واوصل طالما انت موجود انت سداد
شيل الشيله يامعلم سلام اروح شغلي قبل مااتاخر
ماجد مخاسب ف شركه فهو 24 يكبر رؤي ب5 سنوات عندما اتت كانت 10 وهو 15 ف الاعداديه واخوه عادل يكبرها ب10 سنوات ولكنه حنين ويعتبرها اخته الصغري وهو المسؤل عن البيت ولكن والدها يرسل لعمتها النقود لها
ولكن عادل قال لوالدته هذه النقود لاحتياجاتها فقط دروس لبس ومصروف اي شيء يخصها والمتبقي تضعه باسمها لحين تتخرج وتجهز به فربما يموت والدها تجد ماترتكن اليه فاكيد زوجته واولاده سياخذون كل شيء واحترمت امه رغبته وفعلت ذلك
..............
عمار:عامله ايه ياميهو ف اول يوم عندك فوبيا الكليه ولا ايه وضعك انا حاسس ان جالي احباط كده كده من تحت الباط
مها:وانا جالي اسهال بعيد عنك يازميل ربنا مايوريك اللي اختك فيه
عمار:ههههه يخربيت هتزروطينا امسكي نفسك
مها:كله علي الله
عمار:بس مالك محلوه كده ليه هي الكليات بتحلي كده
مها:ماتتلم ياد بدل ماارجع ف وشك
عمار :يخربيت ارفك والله لو مش بنت خالتي لكنت رميتك من الاتوبيس

مها:ليه ماليش اهل يجبوك من قفاك ويدوك الطريحه اللي هي
عمار :خلاص اقفلي يابلاعه
هم اهل الخير اللي ورانا دول اخبارهم ايه
مها :اما نروح نشوف الوضع وانا عارفه اتلفت ف ام الاتوبيس ده الواحد محشور حشره السردين ف علب التونه
عمار:سردين ف علب التونه ودا رايح يعمل ايه هناك له حق دا هيبهدلوه ويبقي زي ديك البرابر وسطيهم
مها:الا المفروض ننزل ازاي انا ماخدتش الكتالوك
عمار:لا سيبي نفسك وماتعمليش حاجه خالص وكانك ف البحر والموجه هتشيلك وتهبدك ان شاء الله
مها:هبده تهبدك ف نفوخك يابعيد
عمار:لسان عاوز قصه تتلفعي بيه لسانك ده
مها:انت عارف مابسبش حقيقي فماتهلفطش معايا ف الكلام
..............
سميه:ومش بعاده زي ماجد متبرع يوصلنا ايه كقم الجدعنه اللي نزل فجاه عليه
رؤي:مانتي ماشوفتيش وصله الردح فوق دالما عرف انكو معايا قال يبان الفتي الهمام المغوار مانتي عرفاه يحب يترسم قصاد البنات داهيه ف شكله
سميه:والله ماعارفه انتي طيقاه ال9 سنين دول ازاي وكل اللي بيعمله فيكي
رؤي:وانا بسكتله داانا مطلعه عينه امال هو مابيطقنيش ليه فالح بس يستظرف مع البنات ويجي يقرفني جاته الارف
دا اكونته كله بنات وعامل فيها الواد الحبيب
وكل مايزهقني واعرف انه لاضم مع بت ادخلها واقولها دا مجوز ومخلف ومعرفش ايه ترزعه بلوك يطلع من نفوخه
سميه:يخربيتك ليه كده
رؤي:غلس ورخم داانا لو اطول ادخل عليه بليل واخنقه او احطله سم فران بس اخاف عمتو ولا عادل يكلو منه كنت عملتها
سميه:نهار اسوح دا وصلك للجريمه بصوت الليمبي
لا انتي بقي ميلولك عدوانيه وهنبتدي نخاف منك
خلينا نركز ف الجامعه اللي مش عارفين هنعمل فيها ايه بيقولو تربيه صعبه
رؤي:كله علي الله اللي خلانا نعدي ثانويه هيستعصي علينا الجامعه
سميه :ياواد ياتقيل