# ١ قصص عراقيه # خواطر

قصة عراقيه#قصةبيسان #خواطر

قصه (بيسان)
قصه جميله دارت احداثها على بنت جميله البنت تنتمي لمجتمع عشائري ومتقيد عائلتها متحفظه والناس تحجي باخلاقهم البنيه اسمها بيسان ابوها متزوج مرتين وزوجاته وحده يم اهلها بلعماره والثانيه الجبيره بغداد حليمه زوجته ام بيسان بنته من اتزوجها ماجانت تعرف بيه متزوج قبل يعني جذب عليها ولمن درت بيه تركته وعاشت يم اهلها لحد مافتحلها بيت يم اهلها عنده ولد اثنين اكبر من بيسان وزوجته الجبيره عدها اربع ولد وبنيه بيسان وطالب اخوها اجمل اثنين بلعائله واعند اثنين ابوهم اسمه علي الحجي زوجته الاولى اسمهاحسنه ولدها حسن وحسين وميثم ودنيا ومحمد وحليمه اسم ولدها مهيمن وطالب وبيسان اكبر واحد حسن عمره 33سنه واصغروحده بيسان 21سنه ابوهم عصبي وعنيد ميتنازل وجبير على ولد عمه ومربي اولاده احسن تربيه يحترمونه ويحبونه ويسمعون كلامه امورهم الماديه وسط .....
ببسان :اسمي بيسان عمري 21سنه اني طولي 168سم وزني ٦٦اكره السمنه واريد انحف بكل طريقه اني بيضه وشعري اسود وعيوني سود كبار مواصفاتي عربيه ادرس لغه عربيه يكولون عنيده وما اسمع الكلام وفعلا مااسمع كلام والبراسي اسويه
احداث القصه
بيسان صاعده بلم بلهور وجانت خاله ايدها بلماي ولابسه ثوب وخاله شال على راسها
مهيمن :نوسه انت عايشه الحظه بلهور
بيسان :لاتكلي نوسه مره ثانيه
مهيمن :زعلت يمه يمه من زعلج اكلج بيسان صديقتج السمره مدري شسمها التزوجت قبل اسبوع اتزوجها ضابط ومرتب انتي شبيج متتزوجين
بيسان :اني اكمل جامعه بلبدايه بعدين اني قمر العشيره مااقبل بحيه الله واحد
مهيمن :ههههههه ااااي  قمر العشيره مره وحده ...
بيسان :لاتضحك بالله رجعو للبيت وحان بيتهم بستان وبيت جدهم جيرانهم اتفاجئو لمن رجعو اكو صريخ وناس ملتمه دخلو خافو ...شافو بجي وصريخ جدهم اتخربط ومات بسرعه اخر واحد بعائله امهم .....بعد اسبوع من الوفاة اجه علي الحجي زوجها واخذها وياه لان ماعدهم احد اخذهم لبغداد بغداد الجديده بنته انتقلت لغير جامعه وشافت الوضع الجديد وتغيرت وذبت الاسود وصارت ستايل اكثر اخوتها معجبهم لبسها لكن ابوها سمحلها تعيش حياتها وتلبس مثل لبس المجتمع ابوهم جان مشتري شقه وعنده شقه جوارينهم ورثها من اخوه المات بلطابق الثاني سكن بيه حليمه وجهالها
صارت علاقه بين الاخوان كل جمعه يجتمعون بيت ويتغدون سوه حسن متزوج ودنيامتزوجه حسين متزوج ميثم خاطب بنت خاله ومحمد يدرس علوم كيمياء سنه اخيره ....مهيمن اخو بيسان مكمل اداره واقتصاد وكاعد وساكت وطالب ترك الدراسه ماقدم على جامعه ....بيسان تدرس تربيه لغه عربيه سنه ثالثه عنيده وتزعل بسرعه وتتأثر بسرعه ماتسمع كلام احد امها مدللتها عايشين الهدوء ومرتاحين مشاكلهم بسيطه وتنحل ....فصل شته جان وبارده وبيسان جانت تتمشى طالعه من الجامعه وتريد توكف سياره جو مظلم من البروده وفجئه مطرت الدنيا ولاواحد ظل بلشارع جانت دنياعصر ولاسياره ظلت مطره قويه بيسان خلت كتبها على راسها وتبللت من المطر وصارت تمشي بين الافرع والبيوت قديمه وتركض موبايلها تبلل مكدرت تتصل باهلها لحد مادخلت بفرع وشافت مجومعه من الرجال لابسين اسود وبنصهم شاب طويل واسمر ولابس اسود بلحظه دخولها للفرع سمعت صوت اطلاق نار وبعدين شافت اليصار الشاب الاسمراني الطويل لازم اسلاح وضرب رجال ثاني برجله لمن سمعت الصوت وشافت كلشي وكعت الكتب بلماي وصرخت وانتبهو رجال العصابه عليها شافها الاسمراني والسلاح موجه عليها من التفت خافت وركضت ومن الخوف وكعت بلكاع لزموها رجال العصابه وترجف من الخوف واحد اسمه اكرم من ضمن الرجال الخمسه كلمه جان اسمه الشاب الاسمر يزن
اكرم :يزن باشا شنسوي هيه شافت كلشي الرجال المصوب يبجي ويتوسل يريدهم يتركونه يزن قرب من البنيه وامرهم يتركون اديها وكف كبالها باصابعه بعد شعرها المبلل عن وجها وباوع بعيونها
يزن: شفتي شي يا انسه
بيسان :اي شفت بس اني موزير ولارئيس دوله حتا امنع حدوث الجرائم ....مادخلني
يزن :جريئه ومتخافين شجابج علينه شسمج انت
بيسان :بيسان
يزن :حلو خله المسدس بحزامه
اكرم :باشا نقتلها
يزن :اش اش وصل هذا الرجال وننطيه فرصه اسبوع يرجع الامانه وهاي اتركوها متضرنه بشي ...مشت بيسان
اكرم :باشا عذرا بس هيه تشكل خطر علينه
يزن :متعرفنه وخلي واحد يراقبها فتره اسبوع خاف اتروح لمركز الشرطه بذاك الوقت تخسر فرصتها .يزن عرف سكنها وراقبها بنفسه مر الاسبوع وجان نهايت دوام الكليات دنيه عصر ويزن بسيارته ينتضر طلعت البنات وجانت بيسان طالعه ولابسه نضاره شمسيه عاكسه مرت من يم السياره نزل بسرعه وصار كدامها من شافته بيسان رجعت ليوره يزن شاف نفسه بنضارتها وعدل شعره انتبهت عليه بيسان ونزعت النضاره
يزن :مساء الخير
بيسان: مساء النور انت ناوي على شي تراقب بيه كلي شتريد
يزن :خوفتج
بيسان :خوفتني انت اني مااخاف
يزن :فهمتي الموضوع غلط اجيتي بلوقت الخطأ
بيسان :ماادخلني بيك وميهمني ليش جاي تعتذر امثالك تراسين العالم ومايهمني اكبر واحد بيكم
يزن :تحجين بثقه وجرائه اني الكبرت راسج بعتذاري انت همات متهميني يزن راح وبعدين رجع
بيسان :شكو
يزن :اوصلج خاف هم تمطر
بيسان :مااصعد ويه غرباء
يزن :انت متخافين مني خليني اوصلج
بيسان :شكرا اروح وحدي ....
مرت ايام وتكرر الموقف مره ومرتين وصار يزن يشوف بيسان كل مره يضوج بيها وكل مره يحس نفسه مضيع شي بيسان تتهرب منه وكل ماتشوفه تحس بلقلق والخوف ....يزن مايعرف نفسه شيريد منها لحد مامرت اشهر وتركها راد يخلي حد للموضوع لكن اسبوع متحمل رجع وشافها وكل مره يشوفها  تقلل من قيمته وتبتزه بلكلام لحد ما قرر يصارحها بشي راح الها لجامعه وشافها
بيسان :يزن انت
يزن :حبيت اشوفج اولا مساء الخير
بيسان :مساء النور اختصر اشرايد
يزن :اريدج انتي
بيسان :انت شجاي تحجي
يزن :اني احبج واريد تكون بينه علاقه
بيسان :اني مااتفاهم وياك لانك ماتفهم ...بيسان رادت تمشي ولزمها يزن من ايدها وگفها وعصبت بيسان
بيسان :انت اشلون تلمسني
يزن :اسف
بيسان :جنت مرتاحه لحد ما انته دخلت لحياتي وكلبتها اطلع من حياتي انت لو تبقى اخر واحد بلدنيا ماسوي علاقه وياك ولاراح احبك
يزن :ليش اني شبيه
بيسان :وتسئل شبيك انته الخطر بذاته ومامنك مستقبل انت خلگ واحد ....
يزن :حرامي مو لو عصابجي ....دنكت بيسان بلكاع ..يزن احجي بيسان شو سكتي لو خفتي
بيسان :مااخاف منك بس عوفني لتخليني اخبر اهلي وعندي اخوان مواحد ولاثنين وفوكها عندي عشيره
يزن :تهددين مو اعرف اخوتج 6 و مااخاف منهم
وراح نتواجه وانتي ماراح تصيرين لغيري ثقي مكانج بيتي والا انومج على ذراعي برضاتج لو غصب عنج ...
يزن راح وهيه شغلها هذا الموضوع منين طلعلها هذا ..
فد مره ابوها راجع من الشغل جانت عنده گهوه جبيره
يمشي بلشارع ودنيا لليل وقت متاخر طبكت عليه سياره ونزلت من يمها زلم وجوهم متبين ضربوه ورفعو السلاح بوجه لحد مامرت سياره من يمه نزل من يمها يزن وتدخل وحماه منهم مشو العصابه
علي ابو بيسان :ابني شكرا انقذت حياتي منهم واني عندي عائله ولد حرام
يزن :سلامتك حجي واجبي اساعد اي انسان بحاجه مساعده انت متئذي اخذك للمستشفى
علي :لا ابني مابيه شي بسيطه ماراح انسى وكفتك وياي ...علي راح ...ويزن ابتسم وصعد بسيارته وراح التقى بلجماعه الضربو ابو نيسان جانو جماعته ....
رجع علي الحجي لبيته ولده خافو عليه وقلقو من الوضع
وره يومين يزن راح للمقهى على اساس صدفه طلب نركيله وابو بيسان جان ويه ابنه طالب يساعده من شافه سلم عليه وعرف عليه ابنه طالب هوه وطالب كعدو سويه
طالب :يزن شكرا لانك ساعدت ابوي
يزن :ماسويت شي حتا تتشكر
طالب:شنو شغلك يزن
يزن :اني تاجر تكدر تكول انت شنو شغلك
طالب :كاعد وساكت اساعد بابا بلگهوه هيه ملك ابوي
يزن :حاب تشتغل بشي معين
طالب :اني مااعرف نفسي شريد ...اجه ابو بيسان
ابو بيسان :طالب مو مال شغل انطيه مشاكل طلايب يكيف ...استمر الوضع وصارت علاقه بين يزن وابو بيسان وصار طالب يحبه ويحجيله لحد ماصار واحد منهم ومقرب عليهم اخوت بيسان كلهم تعرف عليهم بطريقته يزن صار هدفه بيسان وشلون يجيبها لطريق بعد فتره طويله كدر يخلي اهل بيسان يحبوه خاصه ابوها اعتبره واحد من ولده واحترمه وحبه يزن عرف شلون يتصرف ومخلاهم يشوفون جانبه الثاني صارالصيف وانتهت الجامعه ونجحت بيسان وتخرج اخوها محمد وابوها فرح بيه فتره اسبوع وتقدم يزن يخطب بيسان من اهلها دخل لبيتهم وانطاهم خبر قبل جيته لبيتهم وكعد ويه اخوتها وابوها
ابوبيسان :زارتنه البركه
يزن :ابو حسن جاي اني بزياره الكم لكن هذه المره زيارتي مختلفه جاي بطلب هل المره ومااعرف اشلون اطلبه
ابوبيسان:اطلب ابني اني مااردلك طلب تعرفني اني اعتبرك ابني السابع
يزن:واني افتخر اتكون مثل ابويه خاف احجي وتخرب علاقتنه
ابوبيسان :يزن احجي قلقتني ذولي ولدي طلبت تقابلهم كلهم وكلنه موجودين احجي انت غالي ماراح نزعل منك
يزن :بدون مقدمات اني اريد اكون من عائلتكن اريد اطلب بنتكم على سنه الله ورسوله لزواج ..
حسن :مرخصتك بابا احجي ..ابوه سمحله ..حسن انت شايف اختي تعرفها
يزن :اني جاي على اخلاق عائلتكم الناس كلها تمدح باخلاقكم اني سامع من الناس عدكم بنت والقرار بيدكم ابو حسن يعرف اهلي متوفين وماعندي احد اقاربي كلهم نسوني بعد وفاة ابوي وامي وكلمن ملتهي بنفسه
ابوحسن:لاتنحرج ابني وانت خوش ولد وجربتك عندك غيره واخلاق ومحترم الله يرحم اهلك ابني اخوتها سته اذا وافقو كلهم انكول مبروك عليك وارجعلك خبر وانشالله خير راح يزن وابوهم جمع عائلته الطرفين مرته الجبيره والزغيره
ابو حسن:حسن شتكول انت الجبير يزن خوش ولد مو
مانلگه احسن من يمه
حسن :اي بابا ولد وحداني
حسن :ومبين عليه فقير وخجول
ابو حسن :اي مبين عليه خجول وكله بلقسمه
محمد:بابا هوه خوش ولد بس هوه غني حيل طاك يعوفها بسهوله وتعيش ممرتاحه وياه
ابوحسن:اختك دنيا ماخذه ابن عمتك الفكر شوف اشلون متحمله على مود جهالها خاين وطالعه عينه وماعنده مسؤليه ملابس جهالها احنا نشتريها
طالب :بابا انطيها بيسان متلكه مثل يزن لو تموت هم متمكن وهم وحيد جهالها راح تكون عدها مستقبل ..لو فكرنه لبعيد
ابوحسن :اي بابا طالب مدري شعجب صرت تفكر مثل البشر اني اوافقك الرئي بيسان تتزوج يزن اني اعرفه خوش ولد
ام بيسان :ابو حسن اني خايفه يكون جايب فلوسه من حرام ويعيش بنتي من الحرام
ابو حسن :لتخافين يزن خوش ولد ...ميمشي بلحرام
واذا على الحرام كلها تمشي بلحرام يا ام مهيمن
ام بيسان :اخذ موافقه البنيه
ابوحسن :اتكون مخبله لو رفضته بنتج وافقو الاهل والبنيه كلتلهم اريد اكمل دراسه ومتدري منو راح يخطبها حددو موعد وهيه سكتت لان ماترفض طلب لابوها ابوبيسان طلب يزن ويزن اجه ..
جان بيسان بلمطبخ وامها تسوي بلجاي
ام بيسان :ماتعرفين اتسوين حتا جاي وراج زواج اتعلمي لنفسج هم الياخذج ايكول امها ممعلمتها
بيسان :اهوووو ماما لازم تضوجيني امها كملت الجاي وخلته بلصينيه واخذته بيسان وخلته على الطاوله ومن رفعت راسها شافت يزن وتفاجئت تريد تفهم اكو غلط بلموضوع هذا اشجابه
ابوحسن :يزن شفت البنيه
يزن :باوع عليها ودنك راسه على اساس خجلان
ابو حسن :بيسان بابا هذا الشاب اسمه يزن وشفتيه بيسان طلعت من الصاله بسرعه دخلت للمطبخ وامها حاجتها
ام بيسان :بيسان عجبج مو الولد حلو وشخصيه
بيسان :ماما مااريده روحي كلي لابوي ماريده
ام بيسان :شبيه يمه ليش رفضتيه
بيسان :ابوي يعرفه زين لو ميعرفه من جايبه الي يمه فدوه حاجي ابوي كوليله ماتقبل دخل طالب عليها
طالب :ولج ليش متقبلين عاشكه مو تردين واحد وياج من الجامعه
بيسان :يعني من ارفضه لازم اكون عاشكه مااريده كوه تردون تجبروني
طالب :غصبن عليج تتزوجيه ياخبله الولد اكابر ويعيشج اميره واحنه نعرفه ....
بيسان :اموت ومااتزوجه هذا
طالب :تعرفينه مو لزمها من شعرها ولج احجي منوين تعرفينه سوالج شي حاجاج قبل اتعرضلج
بيسان :عوفني ...اكلك عوفني تركها طالب
بيسان :يزن حرامي وماعنده اصل اني شفته مره بلصدفه ضرب رجال
طالب :حرامي وهوه محتاج حتا يبوك مايقنعني كلامج يضرب رجال انت ماتعرفين شنو الشي الخلاه يضربه اسكتي واقبلي بقسمتج....راح طالب واجه ابوها سئلها
ابوبيسان :بيسان شفتي الولد ميتعيب ...بيسان باوعة على امها
ام بيسان :ابوحسن البنيه ماتريد تتزوج
ابو بيسان :شكلتي متريد تتزوج كبرت صارت مره تتزوج يعني تتزوج
بيسان :مااريده بابا الله يخليك لاتجبرني
ابو بيسان :انتي سالفتج موخاليه هذا الولد مايتفوت فتهمتي راح تتزوجينه يعني تتزوجينه
ابو بيسان وافق ويزن فرح خطبها وقبل تلبيس الخواتم جاب شيخ يعقد يزن ورى الباب وبيسان بلغرفه الكاعد وراى باب الغرفه يزن والشيخ ابوها يمها الشيخ بده يحجي وهيه مرتين محجت رافضه متحجي وتبجي ابوها شوفها  المسدس من خوفها من شافت المسدس من الخوف وافقت بعد العقد راحو اشتروخواتم وذهب والعرس بعد اسبوعين
يزن كعد ويه خطيبته وحدهم لمس ايدها وسحبتها ماقبلت يلمسها
يزن :انتي خطيبتي ومرتي تتذكرين قبل شكلتي الي كلتي لو تبقى اخر واحد مااقبل بيك وهسه الشباب ضاله وقبلتي شفتي يابيسان جبتج على الطريق
بيسان :ابن ...
يزن :مقبوله منج كملي ياعروستي ابن شنو لو تخافين هسه اتكولين مااخاف المهم قبلتي وصرتي من نصيبي
بيسان :اني ماقبلت ابوي جبرني عليك هددني وانت عمرك ماراح تصير زوجي
يزن :صرت لزم ايدها وثبتها كوه صارت ماتتحرك
بيسان :اتركني ..اكلك اتركني
يزن :ام اللسان باسها بخدها وتركها ومسحت البوسه بيدها
يزن :لتخافين مبيه مرض معدي
بيسان :قليل ادب ...طلعت من الغرفه حددو موعدللعقد واخر فتره اتصلت بيه وببنت لابوها هيه غلطانه يزن سوالها جواز وكمل انطاه الها على مود شهر العسل كيف لان بيسان صارت تخابره وتهتم بيه  فصارت تطلع تشتري غراض للعرس ابوها واخوتها انطوها فلوس وصارن مبلغ زين اخذت ذهبها القديم الجايبته الها امها وابوها باعته عدها جنطه متوسطه
تلبس بلضهر خلت بيها ملابسها وجهزت نفسها قطعت تذكره لاسبانيابدون محد يعرف ومن صار الليل طلعت وخلت امخاد بلفراش ورتبته واخذت جنطتها وراحت محد حس عليها وصلت للمطار واستقلت الطياره وبعد ساعات طويله وصلت صبح الصبح وصلت بيسان لمدريد ...بوقتها امها دخلت لغرفت بنتها رادت تكعدها مكعدت بعدين شالت البطانيه ولكتها امخاد اخوتها راحو يدورون عليها ملكوها رادو يلكونها قبل ما زوجها يدري بلخبر اخوتها ملگوها ....بعد ساعات طويله صار الليل ويزن عرف عصب وخبر جماعته يدوروها مالكوها بعد 3تيام بيسان سافرت لغير مكان
بيسان راحت بسياره حتا محد يعرف مكانها لغير ولايه يوم كامل حتا وصلت ولمن وصلت للولايه جانت ولايه جبيره بيسان خطت الخطوه الثانيه قطعت تذكره لالمانيا وسافرت لالمانيا
ابوبيسان جمع ولده ويزن حضر وياهم
ابوبيسان :يزن هذه ذهبك وغراضك البنيه اختفت
محمد :جبرتها بابا وراحت بسببك
ابوبيسان:محمد اختك مع الاسف اكول اختك شوفو ياولد اريدكم تلكوها وتقتلوها وتطمون عاركم
طالب :بابا نزلت روسنه اني اقتلها
يزن :طالب بيسان مرتي اني وعارها عليه  طلعت من مسؤليتكم بس شنو السبب جانت تحب غيري لو اني موشكل واحد ينحب ليش انهزمت انهزمت وحده لويه شخص ثاني ابوحسن عندك اجابه لسؤالي بيسان ويامنو شردت
ابوحسن:لمن نلزمها راح نعرف الاجابه ...دخلت ام بيسان وحجت وياهم
ام بيسان :بنتي رفضت الزواج ومن جبرها ابوها شردت انجبرت تشرد لان انجبرت عليك بنتي
ابوحسن :ام مهيمن روحي منا ولاتبررين لبنتج يزن وطالب وخوتها كلهم ماارتاح الالمن تلكوها وتجيبوها ميته حتا تغسلون عاركم ...
يزن:اني وطالب راح نتحرك سوه وراح ادور بغداد كلها واطلعهامن جوه الكاع ....
يزن كلف كل رجاله يدورون بلعماره وبغدادوباقي المحافظات وامرت الايام وماكو نتيجه