# ١ قصص عراقيه # خواطر

قصة دقيقه صمت #قصص عراقيه #خواطر# قصص

دقيقه صمت ..
اختلطت الكثير من الاصوات في رأسي هناك ضوضاء كبير في عقلي احتاج شخص ما ليسكت تلك الاصوات التي تزاحمت في مخيلتي  ..يكاد رأسي ينفجر من الالم اشعر بدوار وتعب وارهاق هناك الكثير من الضوضاء في مخيلتي الجميع يريد مني شيء ويطلب مني اشياء لااستطيع التحمل هناك من يناديني حتى في احلامي اريد القليل من الراحه فقط احتاج دقيقه صمت
اريد الهروب في مكان مهجور حقا بسبب الزحام الذي احتل حياتي وعقلي لااستطيع العيش براحه لااستطيع التحمل وليس هناك شخص يشعر بي حقا ... احيانا اتمنى لو كل الذي مر في حياتي يكون في النهايه مجرد حلم ولااريد اعيش كل هذا الالم لااريد الماضي ولاحاضري كل ما مر في حياتي يؤلمني كثير مااصعب الالم الذي ينتج عن مرور السكين في الجرح نفسه
لااريد ان اسمع اي حرف لااريد ان اسمع اي كلمه لااريد احد احتاج فقط دقيقه صمت .

قصة دقيقه صمت ..
ساره بنت واخت ل ٤ اخوه ٣ اكبر منها بالعمر والولد الرابع اصغر منها ب ٤ اعوام امها توفت بعد ولاده الطفل الاخير تعبت صحتها وحصلت مضاعفات وبعد معانات توفت وتركت الطفل الاخير عمره عامين اسمه موسى  والبنت ١٠  اعوام اسمها ساره والاكبر منها اسمه عمر١٢ سنه والاكبر من عمر علي ١٤ سنه  والاخ الاكبر حسن١٦ سنه  بعد وفاة والدتهم بااشهر قليله تزوج والدهم اقل الشهرين ومن تعرض لسؤال لان بسرعه تزوج خبر الكل يحتاج زوجه تهتم باولاده تزوج لكن ساره هيه اهتمت بااخوها موسى وتحملت مسؤليه جميع اخوتها بعمر مبكر زوجه والدهم اسمها مرام بعد الزواج مباشره خلفت تؤام بنت ولد الاب فقد اهتمامه بااطفاله من زوجته الاولى واصبحو  زوجته واطفاله الصغار اهم شي بحياته مرام عدها اخ شاب عمره ٢٠ سنه اسمه علاء  موسى وساره ينادوله خال او خالو ماعنده مشكله لكن بعد ماكبرت ساره صار يطلب منها ماتكوله خالي
ساره واخوتها يشبهون امهم عيونهم عسلي كبار  وبشرتهم قمحيه وشعرهم لونه على اشقر ساره بعد ما دخلت لجامعه صارت جميله جدا موسى كبر صار عمره ١٠ اعوام لكن استمرت واهتمت بااطفال زوجه والدها الي دائمن تعيرهم حتى بالشي الياكلوه تحسسهم انهم عبئ او ثكل على ابوهم حسن بعد التخرج ترك البيت عمر وعلي دخلو اقسام داخليه لان بيت والدهم مو بيتهم
بيت زوجه والدهم وصارت تزاحمهم على المكان
والدهم مامهتم لااحد من اولاده الكبار حتى موسى مايهتمله
ساره : بسبب الزحام العشته وشفته بحياتي نسيت وجه امي نسيت صوتها ونسيت حتى لون ملابسها مشيتها لون شعرها ضحكتها اكثر اكله تحبها نسيت كلشي لان صرت مثل الاله
بعد زواج بابا خلف تؤام وبعدها خلف ٤ غير التؤام وكلهم اني اهتميت بيهم والدي ميقبل نوم طفل بغرفته مجبوره اهتم بااطفالهم .. اصواتهم وطلباتهم صياحهم ماينتهي تعبت وكل هذا من يصير شي اني الغلطانه ومن يبجي طفل يعني اني حزنته وزعلته يعني اني مااهتميتله .. حتى من انام احلم بالهوسه والضوضاء ماارتحت وحتى ماكدرت اطلع المعدل الاريده بدراستي رغم تفوقي نقبلت كليه صيدله وحاليا سنه ثانيه ماارتحت وعانيت مشاكل نفسيه قبل بعد مصار عمري ١٦ سنه صار علاء اخو مرام الجنت اكوله خالي يدخل لبيتنه ويتحرش بيه يلمس شعري ويسحبني يحضني كل حركاته ضقطتني نفسيا لان جنت اكوله خالي كرهته وكرهت اللبيت والدي يثق بيه وجنت اخاف من يطلعون ابوي وزوجته ويتصلون بعلاء يبقى بالبيت جنت مااسمح لموسى يتركني وحدي جان يغريه ينطيه فلوس حتى يطلع من البيت لكن موسى متعلق بيه ومن امنعه من شي يمتنع .. علاء هواي مرات يتحرش ومرات هواي حاول يتقرب مني
بحيث من انام اقفل الباب صرت اشوفه بااحلامي اخاف منه وادعي الله يخلصني منه
بعد مادخلت لجامعه صار هوه يوصلني لجامعه بسبب بابا بحجه يخافون يصير شي ميدري بابا سلمني بايده لااكبر شخص خاين امانه وخاين ثقه علاء اكبر مني ب ١٠ اعوام ضابط مكافحه
اجرام اثناء التدريب انصاب براسه نتيجه التمارين القاسيه وتعرض لمرض عصبي يعني شخص مجنون بالحقيقه وتافه ويعصب لاادنى شي وشكاك اناني يرضي غريزته وميهمه مشاعر اي احد المشكله علاء ومرام حجو براس ابوي وقنعوه اتزوج علاء اني ادعي الله يخلصني منه ومرام تحاول تجمعني بيه كل عمري بابا وافق بدون مايسئل عن موافقتي رفضت وابوي رد علي بااسلوب قاسي يكولي ربيتج وتعبت وهذا حدي لازم تتزوجين شخص يتحمل مسؤليتج علاء احسن رجال لو تدورين العالم كله متلكين مثله .. جاوبت ابوي اول مره وكل عمري اضقط على نفسي واتحمل لكن هذه المره اريد خلاصي
كتله صح ماألكه مثل علاء شخص مجنون وبدون عقل ..بابا ضربني على وجهي مقبل احجي على نسيبه مر كم شهر نجحت للمرحله ثالثه جامعه
بعد العطله بااسبوع تزوجت  من علاء مالي نفس بيه جنت اصيحه خالي
ساره: تزوجت يمكن مومثل كل عروسه صح لبست بدله بيضه وزفه وهلال وجميع الحضور فرحان وهلاهل وطبل لكن اني ماجنت فرحانه بالاخير كل شخص راح لبيته وضليت اني والمجنون بغرفه وباب مغفول ... قبل بيت اهلي وسط عائلتي يالله كدرت احمي نفسي ..مااريد هذا الشخص يكون بحياتي لانه دخل حياتي غصب علاء لمس ايدي رجعت ليوره كم خطوه
علاء: انتي حلالي ومرتي
ساره : مااريد انت حتى ماسئلت اذا اني موافقه بيك او لا
علاء: متوتره لان عروسه اعرف اشلون ابعد هذا التوتر حبيبتي لان هاي الحظه انتضرتها عمر وكبرتج عشك بداخلي احبج ..