# ١ قصص عراقيه # خواطر

#قصص عراقيه#خواطر #قصة حب معقده

احيانا القتل لايتحقق بموت انسان ..
انا قتلو كل مشاعري بكلامهم الذي اشبه بحد السيف .. بكلامهم الذي جعل من قلبي حجارا لا وانما اشد قسوه من الحجار نفسه ... تحجر قلبي وماتت مشاعري .. لااحن حتى برؤيه عيونهم التي كانت تعجبني كثير العيون التي كنت اعشقها ..اصبحت الان لاتعني لي شيئا لااني لااجد بها ذلك الشخص الذي اردته ..
كان بداخله شخص اخر جعلني لااحب حتى رؤيته وسماع مايقوله كأنه سم بحد ذاته لااتحمل اكثر لااني لااريد اذيه نفسي اكثر لروحي حق ومن حقي ان اعيش مرتاحه البال ..
وراحتي تحققت عندما اخرجتكم من حياتي الى الابد..

قصة احببته اكثر مما ينبقي .
اني اسمي جوري عندي اخت وحده بس والدي مدير مدرسه وامي ربه منزل حاصله على شهاده بكلوريوس علوم بايلوجي .. واني موظفه  بمستشفى واختي مازالت طالبه تدرس جامعه عمري ٢٥ سنه كل صديقاتي تزوجن حتى صارو يكولون الي متلحكين تخلفين اول طفل راح يصير عمرج ٣٠ سنه علما تخلفين الثاني اني مااحب اتزوج شخص مااعرفه والمشكله اني مااتواصل مو اجتماعيه والبعض يوصفني بالوح الثلج الشخص البارد .. مايعجبني شي مايهمني الشكل وحتى مااهتم لوجود احد .. لكن شي مثل العنة .. حب ملعون حذروني منه وماامتنعت مااهتميت تجاهلت كل الحقائق وسمعت لكلبي .. شخص هوه بادر وصبر اكثر من عام رادني بس اباوع بوجهه ومن باوعت بوجها لكيت نفسي واكعه بيه مثل المسحور بيه صرت .. تخليت عن كلشي اولهم كرامتي سمعتله  عشقني حبيته .. اتقدم الي واهلي رفضو واني اتزوجته على مسؤليتي ومافكرت وماحسبت حساب لشمات .. تبعت كلبي وخسرت اهلي ..من ضربت نصائحهم وكلامهم بعرض الحايط مو بس اهلي منعوني حتى الناس القرباء وحتى صديقاتي .. جذبت الكل وصدكت بس كلبي .. تزوجته شهر واحد شخص عصبي غاضب نكدي طول الوقت كلت ميخالف تعب وضقط عمل .. زوجي اسمه مراد ويشتغل شريك بمعرض سيارات .. اكبر مني بسنتين
بشهر تحول شخص اخر ايغار اول شي الغيره شي ماله داعي البعض يكول حب لا موحب اني اعتبره قله ثقه شك وغيرته تحسسني اني ضعيفه وشخصيتي ضعيفه ..بمرور لايام صار يمنعني حتى من البس بدافع الغيره ممنوع طلعه ممنوع كلشي اسوي .. حتى من القسم بالمستشفى ممنوع اطلع حتى لو ردت اكل ممنوع اطلع اشتري تحول كابوس بحياتي صرت شخص نكدي اختنكت ماكدرت احجي بس احجي الكل راح يحجي ويطلعون ملائكه النصحوني منه وكالو عنه موزين .. بده ذاك العشك يتحجر ويختفي كل ما صاح بوجهي كلما يصيح ويهدد ويحسسني طفله بلا قرار كتمت واتمرضت تمرضت نفسيا تعبت روحي من التفكير مااشتكي مااحجي .. لازم طول الوقت اني مثاليه ميصير حتى اكول اوف لازم من يجي اضحك غصب عني بوجهه قررت بدون ميعرف مااخلف لان حسيت علاقتي مراح تستمر بديت اختنك اكثر .. مرت ٨ اشهر وتحول مراد الى شخص شكاك يشك ..حتى من امشي وياه وشخص يباوع بوجي لو بالغلط يكولي منين تعرفيه راح اتخبل من تفكيره وشكه احيانا احسه شخص اخر ماكو احن منه هوه وبس يكسر ويجبر وانسى بكلمه حلوه لحد ما كرهت حتى كلامه .. صار مراد يجي لدوام واشوفه دائما بالدوام صار عنده هوس شك قله ثقه
كل يوم لازم يصيح بوجهي ويسوي مشكله ويرجع يعتذر ويكول ماعندي غيرج بالدنيا انتي حبيبتي انتي حياتي .. انتي روحي صرت اعرف اني موحبيبته وجنت اسكت لان بوقت يريد اكون حبيبته اكون وبوقت اكون عدوته اكون عدوته .. لحد ماصرت اداة يحركها هوه من مكان لمكان صرت لعبه بيده بدون شخصيه الطفل احسن مني حتى مساحة  حريه ماعندي
الشخص الحارب حتى اكون من نصيبه اليوم اعلن حرب ضدي حاربني اني .. بيوم من الايام رجعت من الدوام لكيت السرير مكسور التفتت لكيت مراد وراي بدون سلام خنكني بايده قطع انفاسي اريد اتنفس ماكدرت اتخبل بعدها تركني وشوفني الحبوب الاخذ منها جانت تحت السرير حتى تمنع اخلف من شخص مريض شخص خسرت اهلي ودلالهم  بسببه .. ضرب الحبوب على الارض وكال ليش اني اول مره اعصب واطلع صوتي ..كتله حتى ما اخلف من شخص مريض سلب حياتي وحريتي شخص شكاك عديم ثقه مثلك .. ضربني على وجهي وكعت على الباب وانجرح راسي صار ينزف الجرح بكثره اول مره انضرب وانهان بهذه الطريقه .. شخص اذاني جرحني بكل طريقه وصلت لضرب .. اخذني للمستشفى وصار فجئه حنين واني نار بكلبي ماتطفه .. سبب الي جرح بكلبي وجرح براسي خله ٣ غرز اخياط براسي .. سئلو شنو جرحج رد مراد كال وكعت ..اني كتله لا انضربت .. مراد خزرني
اغلبهم موضفين ويانه .. خبرت مسؤل الطوارئ كتله اريد تقرير ضرب خذت التقرير ورحت لبيت اهلي اعتذرت من ابوي وبست ايده  اتحملت الشمات حتى اختي جرحتني بكلامها حرفيا كالت منعناج وما امتنعتي .. محد هون علي بكلمه .. اجه مراد يعتذر ابوي مااتدخل لان ماجان راضي بزواجي من الاول .. مراد اعتذر وباس ايدي كتله لو تبوس التراب هذا الادوس عليه هم مااسامحك طلعت من حياتي مو بس من كلبي خسرت اهلي وكلت اكسب حبيبي طلعت اني خسرانه كلشي .. طلعت مو حبيب عدو كم مره كلت كلمه احبج وانت جنت مجرد كلمه تكولها وماتعرف حتى معناها .. عصب ورجع ذاك الشخص القبح وياي ويشوف نفسه دائما على صواب ورفض ينفصل عني وهدد ماينفصل .. ماخفت من تهديداته الي لان فعلا كرهته وطلع من عيني مثل مادخل عيني اول بدايه طلع من عيني هسه وكرهته .. رفعت قضيه وكسبته بااول جلسه لان عندي تقرير ضرب من المستشفى انتهى من حياتي الحمدلله .. حسيت حمل ثكيل وخلصت منه .. احاول ارجع لحياتي قبل واحاول انسى وارجع لحياتي قبل مااتعرف عليه ويدخل حياتي ...ارتحت فتره ٣ اشهر تجاهلته تماما ..بس بده كلبي يحن ترك فراغ جبير بكلبي مااريد يرجع ذاك الشعور ويقوى لان ضريت نفسي هواي..شعور صعب لكن راحتي النفسيه اهم من كلبي ..رغم الشماته والحجي بس مرديت لان اني عشت كلشي وتحملت وتألمت مومن حق احد يلومني ..
النهايه
          .. شكرا لمتابعين القصه