عشق لا قانوني

🎀 بارت 4 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

💄 البارت 4 💄

نادية بصوت عالي: سهااااااام سهاااام

سهام طلت عليها من البيت ونطقت بإستغراب : شنو علاش كتعيطي

نادية : دوزي دغيا تغداي مشى الحال على لافاك

سهام : لا مغديش نتغدا حتى ناكل شي حاجة في الطريق

نادية : الماكلة دالزنقة كتضر ومنين جبتي الفلوس

سهام : نفس الديسك وراني كنوفر من فلوس الطوبيس اللي كتعطيني

نادية : كيكديري ليها

سهام هبطت على كاس دالما ونطقت بتعالي: عندي طريقتي .

نادية : وداك اللباس مهداكش الله تبدليه

سهام : مالو لباسي اماما هذي الموضة

نادية : الموضة العرا ؟

سهام : وهانتي غدي تعطليني . الله بعاون

نادية : الله يهديك و يسهل عليك اكبيدتي وينقى طريقك من الشوك

سهام : امين الوليدة

هزات صاكها وتمشات ناحية الباب حلاتو ورداتو زادت خطوات قليلة وقفت قدام الباب البراني دورت الساقطة تحل خرجات وزدحاتو هبطت راسها كتشوف ثيابها اللي كانو عبارة عن فستان في الاسود حد الفخاض طالع على الركبة مع ليبة في نفس لون اللحم وسبرديلة في لون الفستان ، ابتسمت برضى وتمشات مكملة طريقها بانوليها الدراري الصغار في الطريق ابتسمت ليهم بلطف عزاز عليها

دورت عيونها يمين ويسار مستعدة تقطع الطريق ما إن تحطات يد على يديها جاراها وزدحتها على الحيط

وسعت عيونها ونطقت بعصبية : شكووون نتا

أمين : متخافيش بغيت غير ندوي معاك

سهام دفعاتو من صدرو ونطقت بصراخ : ومتدويش معايا مكتعرفنيش متهضرنيش

أمين : بلا شوهة أري غير النمرة وسيري كملي طريقك

سهام : لااااا معاطياهالكش

أمين : ميكونش راسك قاصح مغديش ناكلك بغيت غير نمرتك نتعرف عليك

تقدم بصوتو من الخلف ونطق بنبرة حادة : قالت لا هي لا إذن تحرك تق/ود قلب الدورة

أمين طلع حاجبو من حضوره سامع عليه بزاااف وشاهد على أفعاله ومباغيش يجبد شرو : مالك أخاي هشام هضرت مع البنت مشي معاك

هشام: انا شنو كنقولكم ؟

أمين : بنات الحومة في التقار ولكن هي مشي بنت الحومة

هشام قرب منو ورجعها وراه : كانت ودبا رجعت منهم الداخلة لهاد الحومة والخارجة كتوصلني متخلينيش نديرك في راسي

أمين حنا راسو ونطق بهدوء : سمحلنا أخاي هشام ..... ختم كلامو وتمشى كيرمقها بنظرات ممفهومينش بالنسبة ليها

سهام : شكرا

هشام دار عندها طلع فيها وهبط ونطق بصوت مستفز : شكرا زيديها في ك/رك وبدليها بلباس كي بنات الناس مشي لباس الق&حبات هادشي مكاينش في حومتي

سهام :مشي سوقك داك الحكام الحومات ولعيبة الامبراطور والحاكم ديرها عليهم مشي عليا اما انا متصور مني حتى ق&وة تفوو بغينا نديرو الصواب ندمتينا

هشام رفع حاجبو قرب منها ونطق محاصرها بيديه :الاصل دمك معارفانيش اش كنسوا الرجال ومحرتش فيهم مغديش تخلعني ولية

سهام ركزت في عيونو ووجهو القريب منها قدرت تميزو نفسو الشخص دالبارح جسمها اقشعر الدم ديال الشخص اللي ضربو كتشاهدو في عيونو تنثرات منو زيرت على صاكها وكملت طريقها كتجري مرة مرة كتدور تشوف فيه وتزيد في سرعتها فعلا شعور الخوف تمكن منها ولاول مرة ربما خافت يقتلها ولا يدير فيها شي فضيحة شمكار مقطع حشا/يشي مبوق على الصباح شنو كتوقع منو من غير هادشي