🚫 عشــــق لا قــانــونـــــي 🚫
⭐ بقلم لمياء الشادلي ⭐
💄 البارت 11💄
سيمو جرها من يديها وزدحها على الحيط : قلت اليوم مكاين هرووووب
سهام حركت عيونها يمين وشمال في المكان كتحاول ما أمكن تفكر فشي حاجة اللي تخرجها من هاد الورطة ما إن ظهرت بين ثغرها ابتسامة إثر تفكيرها في حل ما ولعله يصدق ليها ضغطت على شفايفها بإغراء وحطات يديها تحت ذقنه جابداه لعندها : غدي يخصك الجهد ونتا مكليتيش مزيان في الريسطو خليني نقاد ليك شي حاجة تاكلها وندوزو لداكشي اللي بغيتي
سيمو نيم عيونو إثر حركاتها ونطق بدون وعي منو المهم عندو يوصل لمراده : وعلاش لا الكبيدة اللي جات من عندك سمن و عسل
سهام ابتسمت ونطقت بنبرة حنينة مزيفة :وريني الكوزينة الكبيدة وسير كلس تسناني
حرك راسو بالايجاب رادخ لأوامرها نعت ليها بيديه وتمشى ناحية الصالة تلاح على الفوطوي وجبد التليفون كيدوز بيه الوقت
دورت عيونها مراقبة تحركاته وتمشات بخطوات مسرعة ناحية المطبخ حلات أول بلاكار قشعت سباكيتي ابتسمت بانتصار هزاتها خلاتها في جهة وردات الما يغلي ، دقائق معدودة وحطاتها فيه ودارتها فوق البوطة لمدة قليلة، تمشات ناحية التلاجة هزات ماطيشة حبات مع البواطة حكات الحبات ولاحت فوقها اللي في البواط مع الزيت والتوابل اللازمة ، حيدات سباكيتي خلاتها تنشف من الما . وتمشات ناحية صاكها هزات منو دواها دالنعاس ديما معاها لكونها مكتقدرش تنعس الا بيه
فتحت الثلاجة مرة أخرى جبدت منها عصير كان واجد لاحت فيه الدوا باش ميجيش مشكوك كان ممكن يشك فيها لو انها جابتو ليه بوحدو لذلك فضلت تقدم معاه الطابق قادات كلشي في بلاطو بعدما لاحت لاصوص فوق سباكيتي وتمشات ناحيتو حطات الطابق بابتسامة فوق لاطابل ونطقت برقة : يلاه احبيبة كول دغيا تابعني ميدار
سيمو طلع حاجبو ونطق بإستغراب: مالك على هادشي كامل غدي ياكلو معانا الجيران
سهام :لي لقيتو طيبتو كول بالصحة
سيمو : ونتي
سهام ابتسمت وهزات فورشيط : وخا شبعت في الريسطو ناكل معاك منخليكش بوحدك
حطات يديها تحت ذقنها ودوزت المعلقة لفمها مراقباه ببرود
ثواني ثم دقائق تلو الأخرى
رفعت حاجبها من بعدما حط الفورشيط ورجع راسو اللور ضغطت على شفايفها ونطقت باستفسار : ساليتي ؟
سيمو : وي
سهام : وعصيرك اللي جبتو ليك ؟
سيمو : شربيه
سهام وسعت عيونها ونطقت بنبرة شبه عصبية : وانا لمن جبتو الى غدي نشربو كون بغيت ليا كون راني جبت ليا كاسي ولكن انا مكنبغيش حيت عارف الليمون (البرتقال) منشط ومغديش يخليني نعس
سيمو : ولوحيه ونوضي نقضيو غرض خلاص
سهام ضغطت على شفايفها بعصبية ونطقت محاولة تهدن الوضع : مشي حشومة احبيبة مخليني معذبة واول مرة نطيب ليك في التالي مكليتيش حتى مزيان والعصير مخليني نردو
سيمو استغرب من نبرتها الحزينة قرب ناحية لاطابل وهز الكاس بين يدو : هذا هو اللي منوض الفضيحة ؟
سهام : اه الى مشربتيهش انتقلق
سيمو حرك راسو بالايجاب وهبط على الكاس كامل حيدو من فمو ورمقها بنظرات فاهماها مزيان : هادشي اللي بغيتي ؟
سهام حركات راسها بالايجاب ونطقت بإغراء مرة أخرى : انمشي للحمام دغيا ونرجع نعتولي
سيمو طلع حاجبو ونطق باستفسار : غدي تبقاي كتهربي ؟
سهام عوجت فمها وخسرت ملامحها: كندوي بصح بغيت نمشي للحمام
سيمو : تبعي الكولوار اول باب دخلي ليه
سهام حركت راسها بالايجاب وتمشات ناحية الحمام دخلت سدات عليها الباب وحطات يديها على قلبها اللي كينبض بقوة : ياربي تعاوني ياربي مبغيتش نفقد شرفي بهاد الطريقة ياربي انا انتوب صافي غير نفلت هاد المرة
تكات على الباب وانتظرت ثواني ثم دقائق استغرق الأمر لنصف ساعة وهي حاطة راسها على الباب كتصنت
حسات بالحس تقطع ابتسمت بانتصار وخرجات كتسلت وعيونها كيتحركو يمين وشمال وصلت الصالة التقطاتو بين عيونها غادر الواقع ودخل في نوم عميق
شقت ثغرها ابتسامة نابعة من القلب ونطقت بابتسامة : هااااح يحساب الاصل دمك اللعب مع سهام ساهل
هزات صاكها وتمشات ناحية الباب حلاتو بالشوية وخرجات على رؤوس أصابعها خايفة تدير الحس سدات الباب بحركة بطيئة وهبطت كتجري في الدروج
يتبع.........
أنت تقرأ
عشق لا قانوني
Romance⚠️#يحـــــــــلل_النشــــــــر_بـعـــد_طـــــــلب_الادن⚠️ 🔱 حصريا على ماضـــــي الشهيـــــرات 🔱 🚫 عشــــق لا قــانــونـــــي 🚫 ⭐ بقلم لمياء الشادلي ⭐ عدت من جديد بتحفة مغايرة من روائع القصص والروايات...
