عشق لا قانوني

🎀 بارت 19 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 19💄

🌟في مكان آخر 🌟

داخلا كيف عادتها كتمشى بثقة وراسها مرفوع للفوق عيونها كيدورو يمين ويسار بينما المارة مراقباها بابتسامة والبعض بحسد من انوثتها الطاغية ،رشاقة لا متناهية ،  تتقرقب بطالونها لي تايصدر اصوات متناسقة كموسيقى ناتجة عن نوطات البيانو ، بين يديها محفضتها ديال ديما، ويالد الاخرى تترجع بيها شعرها المتبقى ورا وذنيها

وصلات للغرفة المطلوبة تنهدت بعمق دقت دقات خفيفة وحلات الباب بعدما تاكدات انه ماكاين حد غيرو تما،  إثر سماعها لصوتو دخلت مدرمة للغرفة .

وجهت ليه نظراتها بعدما كان كيشوف فيها باستغراب وعقلو كيطرح تساؤلات كثيرة أولها " أش كدير هذي هنا " بينما هي ابتسمت باستهزاء تتطلعو وتهبطو بعينيها وكانها تتشفا فيه بطريقتها للنظر هذه ..

تمشات جيهت الفوطوي لي كانو تما وهو متبعليها العين  تا كلسات .. حطات محفضتها فوق الطابل دزاج تما وكلسات مرجعة ضهرها للوراء ودايرا رجل على رجل وراسها كي العادة مرفوع للفوق ...

سيمو رفع حاجبو ونطق بهدوء : اوووو هند زيارة مفاجأة هادي

هند ابتاسمات : على سلامتك موسيو محمد ماسحابليش اتنجى منها بسهولة

سيمو : مايمكنش  مننجاش منها ..  مايمكنش نخليك  فالميدان بدون منافس

هند ابتاسمات باستهزاء : ادا  تتعتابرني منافسة ليك اممم

سيمو : اكيد 

هند : بون .. بلاما نطولو فالهدرة ندخلو فلمهم

سيمو : وي داكشي لي باغي تانا من صباح

هند نطقت باستفهام: شحال باغي  وتنازل

سيمو وسع عينو عاد فهم لبلان : وشكون قالك باغي نتنازل

هند رفعت حاجبها ونطقت باستهزاء: اممممممم دوماج ، سحابلي باغي تنازل ،جيت نسوي معاك الامور ،اما انا غير شاهد واحد مني  نخرجو هو وندخلك بلاصتو .

سيمو ضغط على شفايفو وخرج صوت ضحك على كلامها المستهزء منو : هههههه ماديريهاش بيا، راني فنفس الميدان وعارف كاع القوالب

هند هزات حاجبها بمعنى "ياك" وتحنات لشكارتها جبدات وراق وبدات تتقرى  عليه : القضية لي خرجتي منها راسك اخر مرة عندي دليل كايثبث على انك نتا المغتصب ديال ديك البنت ، رجعت للتقارير ديال الطبيب ولقيت انهم مزورين مشيت تالطب الجنائي وأكدلي على ضهور الADN  ديالك   فالمهبل ديال الفتاة القاصر .....حلات المحفظة مرة أخرى وجبدت  CD ، وعندي  تا هاد سيدي فيه  فيديو ديالك ونتا تتهز البنت من طموبيلتك وهي مغيبة ومدخلها للدار ، هادو بجوج ادلة كافييين باش نغبرك للثلث الخالي ناهيك عن  دوك الشيكات لي مزور وتتدفع بدون موجب شرع وتتستغل معارفك ومهنة المحامات باش تخبي جرائمك، ونزيدك  بامكاني  نقول على الضربة لي تضربتي من عند الموكل ديالي انها  جريمة شرف ونتا على يقين  انني نقدر نقنع القاضي  ياك ،ودابا  بلا كثرت الهدرة  ، وهانعاود نسولك ، شحال باغي باش تنازل

سيمو وسع عيونو مصدوم تايشوف فيها ويبلع فريقو اش هاد ، الموصيبة جابليه ربي ... وقبل مايكمل كلامو   وقفات وجبدات شي اوراق  وشافت فيه :  بانلي بلي عندك دين ب 15 لمليون  ومزال مسددتيه وكنتي باغي تبيع طموبيلتك على ودو  ياك ....

سيمو هز حاجبو ناطق باستفهام : باش عرفتي

هند : تاحاجة متتخفا عليا ، مهنة المحامات مبقاتش تتدخليك والو حيت الناس عرفوك اش تتسوى وليتي تلتاجأةللمخدرات والقاصرات تاتجمعو عليك الديون من لخر ،دابا بانلي راك وليتي فصحة مزيانة ،هاتنوض اتمشي تنازل  وفلوسك ايدوزو لحسابك ، ونسا عليك هاظ القضية ، عندك من هنا ساعتين ، لقا لموكل ديالي خرج ، الى خرج هي هاديك مخرجش ، نتا لي ادخل تكمل ماتبقى من حياتك فالحباسات " هزات صاكها وشافت فيه اخر مرة ماخلاتلو مايقول ابتسمت بشر ونطقات " على سلامتك موسيو محمد