🚫 عشق لا قانوني 🚫
⭐ بقلم لمياء الشادلي ⭐
💄 البارت 10 💄
أصبحنا وأصبح الملك لله
فاقت عاقدة حواجبها ، منزاعجة من أشعة الشمس اللي كتداعب وجهها
ناضت من فراشها تمشت ناحية لافابو حلات الروبيني هبط الما ابتسمت فهمت انه مها خلصاتو ورجعوه. غسلت وجهها وهزاتو كتشوف في المرايا ضغطت على شفايفها وهي كتشوف حنكها زرق وشفايفها مجروحين تنهدت بديق وحكات سنانها سداتو ، وتمشات ناحية المطبخ
سهام : شحال في الساعة
نادية : 3 هذي
سهام نطقت مصدومة : اويلي
نادية : نعستي بزاااااف مبغيتش نفيقك من داك القتلة اللي كليتي
سهام هزات كتافها بعدم مبالاة : حتى نتي صقلة وركلة مشي شي حاجة
نادية ضربات حناكها بفقصة ونطقت بعتاب : وكون قتلك واش حسابلك دار بوجهك ولا بوجهي راه غير على قبل مو شنو درتي ليه الكلبة حتى دار داك الحالة
سهام: مدرت ليه والو غير هو من نهار دخلت الدرب وهو حاط عليا
نادية : حاط عليك غدي يديرلك داك الحالة واش كتسطاي عليا
سهام : حطي لينا دبا ناكلو
نادية : دوزي هزيه راسك
دازت ساعات ودقت الساعة الثامنة مساءً
خرجات من الباب لابسة سروال دجين مطرطق مع تيشورط في الابيض مزير إضافة إلى طالون في نفس لون التيشورط .
جبدت التليفون من الصاك حلاتو طلعو ليها ليزابيل ديالو تنهدت بعمق وكملت طريقها ناحية الطريق بان ليها طاكسي جاي وقفاتو وعطاتو العنوان
دقائق مطويلاش نزلت من الطاكسي وتمشات ناحية الريسطو اللي كينتاظرها فيه قشعاتو من بعيد كيشير ليها طلعت حاجبها من الزوج اللي معاه وتقدمت ناحيتهم
سيمو ابتسم فور وقوفها جانبه جرها من يديها كلست في الكرسي حداه ونطق بابتسامة مزيفة: حبيبة نقدم ليك بنت خالتي مريم وهذا حبيبها هشام...... وجه عيونو ناحيتهم ونطق مرة أخرى ..... هذي سهام حبيبتي
هشام طلع عيونو فيها وابتسم باستهزاء : متشرفين
مريم : متشرفين اسهام نتي زوينة بزااااف
هشام هز كاس دالما هبط عليه في دقة شير للنادل يحضر
مريم : مهم سيمو كنعتاذر نيابة على حبيبي مكانش عارفك ولد خالتي
سيمو : لا هانيا سوء تفاهم كيوقع
هشام رمق مريم بنظرات شرانية معناها شكون قالك اعتذري دور راسو فورما لاحظ تصرف سيمو
سيمو حط يديه على خدود سهام متداعي الحبيب الحنون : حبيبة مالك في وجهك ؟ ضربك شي حد ؟
سهام نطقت بتوتر من حضوره : لا غير طحت على وجهي
هشام : وهاد المرة دخلي سوق راسك باش متبقايش تطيحي بزاااف
فيكسات عيونها عليه ونطقت بغضب : مطلب حد رأيك
مريم حولت عيونها بيناتهم ونطقت بإستغراب : كتعرفو بعضياتكم ؟
سهام : منيتك فين انعرفو
سيمو : لا سهام فعلا واش كتعرفو بعضياتكم حيت الدار اللي سكنتو فيهم راه حدا هشام
سهام : منعرف عمرني شفت كمارتو
هشام رجع راسو للور كيشوف فيها باستهزاء من كذوبها جبد تليفونو كيشوف الميساجات جاوب عليهم رجعو لجيبو ونطق موجه كلامو لمريم : بقاي معاهم انا غدي نمشي عندي شي شغل
مريم نطقت بعتاب : هشاااام علاش كتديرلي هكا حتى كنبغي نبقى معاك وكتخرج بشي بلان
هشام : مريم هضرت فاش نقول عندي شغل اذن حالة طارئة
سهام نطقت بصوت هامس سمعو غير هو لكونه قريب ليها : تابعاه شي ضحية باغي يصفيها ليه
🚫 عشــــق لا قــانــونـــــي 🚫
⭐ بقلم لمياء الشادلي ⭐
💄 البارت 10 تتمة💄
رمقها بنظرات غاضبة وجبد البزطام من جيبو لاح بضع أوراق نقدية وتمشى ناحية الباب خارج معصب
مريم : اوى سهام عرفيني براسك
سهام : سهام في عمري 20 سنة عندي السنة الثانية في لافاك شعبة اقتصاد يتيمة الاب عايشة غير مع ماما بغيتي تعرفي شي حاجة اخرى؟
مريم : ااااه البركة في راسك..... مهم انا سميتي مريم كيفما قلت ليك بنت خالة سيمو في عمري 22 وكتقرا الطب
سهام : مزيان بالتوفيق
سيمو : فيك الهضرة بزاااف خليها تاكل
سهام : لا مشي مشكل
سيمو قرب لسهام وهمس ليها في اذنها :فاش غدي نخرجو بغيتك تمشي معايا
سهام : ولكن ماما كتسناني
سيمو :دغيا نوصلك
سهام : مالك في وجهك
سيمو : والو غير حادث بحالك
سهام : هممممم اك
دقائق طويلة صيفطو مريم وخرجو من الريسطو تمشاو ناحية لوطو ركبو بزوج وكسيرا بسرعة
سهام :فين غاديين
سيمو :هانتي غدي تعرفي
سهام حركت راسها بالايجاب وتبعاتو في هواه ما إن وقفو قدام عمارة نزلات من لوطو تمشاو ناحية بوابتها طلعوا في المصعد ثواني وتحل تحل الباب ودخلو بزوج : علاش جبتيني لهنا
سيمو : عيت صابر عليك والليلة ليلتك
سهام وسعت عيونها من كلامو ونطقت بصدمة : واش تسطيتي طلقني خليني نمشي
سيمو جرها من يديها وزدحها على الحيط : قلت اليوم مكاين هرووووب
يتبع.............
⚠️ التعاليق داخل الرد ⚠️
❌ بعد 200 جادوغ لكل بارت انكمل ليكم ❌
أنت تقرأ
عشق لا قانوني
Romansa⚠️#يحـــــــــلل_النشــــــــر_بـعـــد_طـــــــلب_الادن⚠️ 🔱 حصريا على ماضـــــي الشهيـــــرات 🔱 🚫 عشــــق لا قــانــونـــــي 🚫 ⭐ بقلم لمياء الشادلي ⭐ عدت من جديد بتحفة مغايرة من روائع القصص والروايات...
