عشق لا قانوني

🎀 بارت 13 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 13💄

سهام :دبا هضر نيشان

هشام : تحركي لداركم غدا طلعي للدار اللي من فوقنا اتلقاي الساروت قدام الباب

سهام : ديالمن

هشام رفع حاجبو ونطق باستفزاز: ديالي، ديالمن اتكون في نظرك؟

سهام : جبتيلي الشك بهادشي اللي عندك

هشام :دخلي سوق راسك وداك التشيطين ديالك نسايه معايا ....... قرب منها وجبدها من شعرها ..... راسك نطيرو ليك الى مشيتي قلتي الوالدة شي حاجة ، الدار غدي تسكنو فيها بشرط على أساس كارياها من عند شي حد آخر

سهام ضغطت على شفايفها بألم وبعدات عليه : مالك أصاحبي كتصعر غير بوحدك راه قلنا ليك مغدي نقول والو

هشام طلق منها ودفعها : وهكاك يلاه تكركبي لداركم

سهام طلعت حاجبها ونطقت بصوت عالي : وبلاتي مزال متفاهمناش على الكرا

هشام : راني هضرت معاك تحركي لداركم

سهام جبدات عيونها بإستغراب: هاء ولكن راه ضروري

هشام : وقلت ليك سيري بحالك براكا من الت   ق   حبين ديالك

سهام  ضغطت على شفايفها زيرت على صاكها وتمشات قدامو كتعوج

هز عيونو مراقب حركاتها في صمت وحط الكارو في فمو كينثر نثرات متعددة كدليل على عصبيتو

_______

وصلت للدار لاحت صاكها ودخلات كتسلت بانت ليها مها ناعسة معذبة زيرت على يديها متقدرش تفيقها باش تقاد نعاسها غدي تعيق بيها وتندمها خصوصا باين أنها كانت كتسناها

دخلت لبيتها جبدات بيجامتها بدلات حوايجها غسلت وجهها ومسحاتو بالفوطة رجعت عند مها قربات منها بهدوء تام وحطات يديها على كتفها

سهام بهمس : ماما

حركاتها بشوية ما من مجيب مكتسمعش ليها ، رفعت حاجبها بإستغراب ورجعت كتحركها بقوة على المرة السابقة

وما من مجيب مرة ثانية زيرت على يديها ونبضات قلبها تسارعو خوفا على أمها وخوفا من الواقع اللي خايفة تصادفو

حطات يديها ب 2 على جسدها كتحركها بقوة أكبر مكانتش ردة فعل اتجاهها شهقت بصدمة وحطات يديها على فمها كتبكي بصوت مرتفع .

رجعت يديها على عنقها كتقلب نبضها اللي خيب آمالها بعدما لقاتو متوقف تماما ، حطات يديها على قلبها نفس الشيء ، رجعات صبعها قدام أنفها وما من أمل

جراتها لعندها وزيرات عليها بقوة ، دموعها منهامرة على خدها وقلبها مقسوم على 2 نادمة أشد الندم علاش خرجات من أصله

جا بين عيونها كلام هشام اللي بقى مرسخ في دماغها " مكتفكريش في ديك مك اللي كتنوض في الصباح بكري وكتمشي تجيب ليك متاكلي باش نتي تسل&كطي ؟"

زيرت عليها أكثر وأكثر وصرخت بصرخة قوية نابعة من القلب نتيجة جرحها اللي كتحس بيه كيدمرها شويا بشويا

يتبع ........