عشق لا قانوني

🎀 بارت 17 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 17💄

نزلات عيونها للأرض بعدما شاهدت داك المنظر ، للحد الآن مقادراش تقبلوا ، السهام أصابت قلبها وروحها انقبضت ، كيف لا وهي لاحظت الأصفاد المقيدة ليدو ، ونظراته الحاملة الكثير ، اللي ضمت غضب منكه بنسمة الحب ، حبو ليها الطاغي على قلبو ، مشي فترة طويلة باش تلاقاها ، لكن كانت كفيلة تخلي قلوبهم تقيد وتحبس تحت سقف القفص الدموي ، ضغطت على شفايفها بينما هي كتسمع سيارة الشرطة منطالقة نحو المغفر .

شهقت بقوة وهي كتحس بيه بحال الكابوس اللي مزال الحد الآن كتعيشو ، وجهت نظراتها للجثة المنزلة فوق البياص ، زيرت على يديها ، الدمعة سالت من عينيها والقلب تقسم على 2 ، وها هي مرة ثانية بقات بوحدها ، كفاش غدي تقدر تعيش هاد الحياة المسودة في نظرها ، كيفاش الناس كيبتاسمو وهي حياتها كلها حزن وغم ، ظنها مشى للحظ ، وقيلة هذا هو سبب كاع هاد المعاناة اللي كتعيش ، ولا القدر ؟ اللي خلاها تذوق نكهة حر الحياة وموجد ليها مفاجآت مفرحة تنسيها كاع هاد العذاب ، تحركت بخطوات ثقيلة ، رجل كتجر رجل بتثاقل ، عيونها كتدور يمين وشمال ، ابتسمت باستهزاء فورما مشاهدتها للجيران اللي كيطلو من السطوحة ، كلهم بين شفايفهم عبارة وحدة " أش واقع "

فيكسات نظراتها على الباب وعلى المرأة ذات العمر الخمسيني ، قربت ليها وهي كتشوف عيونها الباكية ، تنهدت بعمق وجراثها من كتافها ، ناطقة بابتسامة حزن : خالتي فاطمة فين غادة

هزات عيونها الممتلئة بالدموع ونقطت بنبرة ضعف : ولدي هشام

فيكسات عيونها عليها ونطقت بجدية : داوه البوليس

رفعت عيونها ناحيتها وحطات يديها على حناكها بغضب : اويلي حيدي من قدامي خليني نمشي نشوف ولدي ..... نزلو الدموع من عيونها ونطقت بحزن ..... مكيتهنى حتى كيدير اللي في راسو

حنات راسها وزيرت على يديها ملتازمة الصمت ، معندهاش كلمات يعبروا على ندمها ، او الحقيقة وراء هاد الجريمة واعتقاله

ألقت عليها نظرة أخيرة وتمشات كتقاد الشال على راسها بحزن ودموع منهامرين على خدها

______

تحيدو الأصفاد من يدو ووجه نظراته للشخص للي قدامو ناطق بهدوء : مغديش نقول والو حتى تجي المحامية ديالي

المحقق رفع حاجبو ونطق باستهزاء : ملفك عامر

حط يديه على حناكه ونطق بملل : كلامي قلتو

المحقق: جاتك ،غدي نعيطو ليها ،نشوفو واش تقدر تخرجك هاد المرة

ربع يديها ونطق بابتسامة : كنتيق فيها

المحقق : شحال ماطولتي اتغرق في الحباسات ، وهاد المرة جريمتك ماليها حل

ضغط على شفايفو ونطق باستهزاء : اك
__________

مدة طويلة ، ساعات ، دقائق ، ثم ثواني ، دخلت كتصدر نوطات مختلفة بصوت طالونها ، حطت يديها على البواني وفتحت الباب داخلة بابتسامة ، فيكسات عيونها على ملامحو المتعبة ، عقدت حواجبها بحنين ونطقت بابتسامة

هند : هشام

رفع عيونو كيشاهد نظراتها وحماسها الزائد ، الأمر ظاهر والنتيجة محسومة ، مكاينش اللي غدي تقدر تقوم بالمهمة غيرها هي ، حط يديه تحت حناكه وغمزها بابتسامة خفيفة ناطق بهدوء :

يتبع.....