شائت الأقدار🤍(مكتملة)

الجزء الثاني

رواية شائت الاقدار
البارت الثانى
*للكاتبة رحمة*
المدير: حيلك حيلك انا كنت طالبك علشان ارقيكى والف سلامة على مامتك
ندى بفرحة: بجد شكرا ليك جدا والله يسلمك
المدير: يلا بقا هتخرجى من هنا ع الحسابات هتستلمى 10000ج مكافأة وبعد كدة مرتبك هيبقى 5000ج
ندى: تمام بعد اذنك شكرا بجد لحضرتك
وهى خارجة قابلت رحمة زوجة محمد الاسيوطى وهذة هى مستشفى رحمة الاسيوطى
رحمة: مالك خارجة مندفعة وفرحانة كدة
ندى: احم اسفة بس د.محمد راقانى ف فرحانة
رحمة: كنت عايزة انا ارقيكى ياارب دايما فى فرحة بس اتأخرتى النهاردة ليه
ندى: ماما تعبت والله فجأة قبل م انزل ف اطمنت عليها وبعدين نزلت
رحمة: الف سلامة عليها يقمر يلا بقا اجازة النهاردة علشان تهتمى بطنط
ندى: لا هى بقت كويسة والله الحمدلله وبعدين مينفعش اخد اجازة النهاردة علشان فى عملية مهمة ولازم ابقى موجودة
رحمة: حيلك حيلك اننى بتتكلمى بسرعة ليه انا قولت اجازة يعنى اجازة
ندى: اسفة انى بتكلم بسرعة وشكرا على الترقية والاجازة
ومشيت وهى مبسوطة واتصلت على احمد
احمد: اى ي ندى مبدأتيش دوامك ليه المدير قالك حاجة ع التأخير؟؟!
ندى بمكر: اه قالتلى اطلعى برة المستشفى مش عايزة اشوفك فيها
احمد: بجد طب انا لسة ممشتش كتير راجع اخدك اهو على طول
ندى وهى بتمثل العياط: طب يلا ي احمد اهئ اهئ
احمد كان وصل قدام المستشفى وشايفها وهى بتضحك وبتمثل العياط عليه
احمد: طب يلا ي اخرة صبرى تعالى
ندى شافته وعرفت انه كشفها ف ابتسمت ببراءة وهى رايحاله جه دكتور فى المستشفى ووقفها
الدكتور وهو بيقرب على ندى اكتر: عاملة اى يا ندى ومالك مبدأتيش دوامك ليه
ندى بصت ل احمد بخوف ثم قالت للدكتور: الحمدلله بخير والحمدلله اترقيت واخدت اجازة النهاردة بعد اذنك
كانت هتتحرك ف الدكتور وقف قصادها وكان بيفصل بينهم بضعة سنتيمترات فتراجعت ندى على طول
ندى بتحاول تكتم غضبها علشان احمد: بعد اذنك يا دكتور كدة وجريت على احمد الى كان لسة خارج من العربية
احمد: مين الزفت ده ي هانم
ندى بخوف علشان هر عارفة قد ايه احمد بيغير وشهم: والله العظيم كان بيسألنى ماشية ليه وانا رديت عليه باقتضاء والله
احمد: وازاى تسمحيله يناديكى بإسمك من غير القاب اصلا
ندى: دده ده دكتور عندى عادى يا احمد يلا بس نتفاهم فى البيت
احمد: لا انتى هتيجى معايا دلوقتى للمديرة ونتفاهم معاها جوه
ندى: لا لا يا احمد بالله عليكى مش عايزة اترفد
احمد: يلا يا ندى قبل م اتعصب عليكى
ندى بدموع بتحاول تداريها بس فشلت: لا روح انت ارفدنى وتعالى
احمد: ماشى اركبى العربية ومتخرجيش منها
وبمجرد م اتحرك احمد جريت ندى وروحت البيت مستنتهوش فى العربية
فى مكتب المدير
رحمة: مش قولتلك انا عايزة ارقيها
محمد: كانت جاية خايفة ومتوترة قولت بلاش العب ب أعصابها اكتر من كدة
رحمة بتحذير: سماح المرة دى بس بعد كدة تعاملك هيبقى مع الرجالة بس فاهمنى
محمد: عيون محمد
السكرتيرة: لو سمحت ي فندم فى واحد واقف برة شكله متعصب وبيقول انه تبع آنسة ندى
رحمة: اتفضلى دخليه
احمد: السلام عليكم
محمد: وعليكم السلام ورحمة الله وبركاته مين حضرتك
احمد: انا اخو ندى وكنت عايز اشكر حضرتك على الترقية واطلب منك طلب
محمد: مفيش شكر على واجب والانسة ندى ملتزمة وتستحق الترقية اتفضل اطلب
احمد: ممكن ندى متتعاملش مع رجالة ويبقى تعاملها كله مع ستات
رحمة بإندفاع: لا طبعا ازاى ده حضرتك احنا هنا فى مستشفى خاصة وندى ممرضة ولازم تتعامل مع كله
احمد بإندفاع هو كمان: وانا مش عايزها تتعامل مع رجالة علشان مش كله محترم هنا
محمد: اهدى يا .... اسمك اى؟
احمد: احمد
محمد: اهدى يا احمد واعذرنى ثانية وشد رحمة وقفها على جمب
محمد: ايه الى انتى بتقوليه ده اكيد حاجة ضايقته علشان كدة بيقول كدة
رحمة: ماشى على عينى وعلى راسى بس مينفعش اقول للدكاترة ملكوش كلام مع ندى
محمد: لا ينفع عادى وهو شكله غيران عليها ينفع ننزلها مع دكاترة بنات ومرضى بنات كمان
رحمة: ماشى
محمد بيوجه كلامه لاحمد: تمام يا استاذ احمد ان شاء الله ندى هيبقى تعاملها مع بنات وبس وممكن لو مرضى كبار فى السن رجالة
احمد: شكرا جدا لتفهمك وشكرا لحضرتك
محمد: العفو
رحمة: بس انت تقربلها ايه رحمة مش عندها اخوات
احمد: انا ابن عمها ويعتبر اخوها
محمد: تمام خد رقمى يا احمد ولو حصل اى حاجة اتصل بيا
احمد: تمام واخد رقمه ثم رن عليه ف وصل رقم احمد ل محمد
وبعد م خرج ملاقاش ندى فى العربية اتعصب اكتر و راح شغله ووهو فى الطريق اتصل بهدى والسبب علشان يأكد عليها تطلع اكل ل باباه فى معاد الدوا بس هو عارف ان من غير م يقولها هتعمل كدة بس السبب الاساسى هو علشان يطمن على ندى انها وصلت
احمد: السلام عليكم ورحمة الله وبركاته
هدى: وعليكم السلام ورحمة الله وبركاته ايه يا ابنى عامل ايه
احمد: الحمدلله بخير انت عاملة ايه يا امى
هدى: بخير الحمدلله متعرفش ايه الى مزعل ندى
احمد: ليه مالها
هدى: لسة جاية من شوية ودخلت اوضتها ومبطلتش عياط
احمد حس بنغزة فى قلبه بس قال بلا مبالاه: اسأليها هى تقولك المهم كنت عايز اقولك تطلعى ل بابا فى المعاد
هدى بإستغراب من كلام احمد: حاضر يبنى
بعد دوام شغل احمد رجع وطلع على فوق على طول معداش على ندى
بس اتعشى ونزل خبط
هدى: شوفى مين يا ندى ده اكيد احمد
ندى لبست الطرحة وفتحت الباب وسابته ودخلت
احمد: السلام عليكم ورحمة الله وبركاته
ندى وهدى: وعليكم السلام ورحمة الله وبركاته
هدى: ادخل يا بنى
دخل وبص لندى بغيظ علشان مش راضية تبصله ولا تكلمه
احمد: عاملة ايه يا هدهد
هدى: الحمدلله يا قلبها انت اخبارك ايه
احمد: الحمدلله بخير
ندى بغضب مكبوت: خربتها وقعدت على تلها صح خلاص كدة رفدتنى وقاعد بتتكلم عادى
احمد: ومين قالك انك اترفدتى ولا انتى بتنجمى
ندى: بجد يعنى مرفدونيش
احمد: لا كلهم ذوق وافقوا انك تشتغلى مع بنات بس
ندى: حبيبى يا ابو الصحاب بس برده زعلانة منك علشان اتعصبت عليا فى الشارع وانا مليش ذنب
احمد: حقك عليا ي نودى
ندى: مسمحاك يسطااات😂
هدى: لموا نفسكم يعيال واحترموا وجودى
احمد بضحك: حاضر يا قلب احمد
ندى بضحك وتريقة: حاضر يا فشة ندى
ضحكوا كلهم
احمد: بس كذبتى عليا يا بت وقولتى ان عندك مديرة مش مدير وطلع عندك الاتنين
ندى: المديرة هى د.رحمة بس د.محمد يبقى جوزها وكدة وبيدير معاها المستشفى
احمد: بس ما شاء الله عليهم احلى من بعض
ندى بإستفزاز: ود.محمد ما شاء الله عليه عسل اوى
احمد باستفزاز اكتر: مش احلى من مراته تصدقى يا هدهد دى عيونها زرقة مش زينا كدة
ندى: بلا بلا بلا انا احلى منها
احمد بهمس: متقارنيش نفسك بحد انتى احلى منهم كلهم
ندى اتكسفت وقامت دخلت اوضتها وخرجت بترمى الفلوس على هدى وبتغنى مليونير مليونير
هدى شهقت وقالت: يللهوى سرقتى بنك😳😂
ندى بمرح: هسرق من البنك 10000ج هدهد فوقى معايا كدة دى المكافأة بتاعة الترقية
هدى: يبنتالجذمة حرام ترمى الفلوس على الارض كدة قومى يا بت يلاا لمى فلوسك
احمد وهو بيحاول يمنع نفسه من الضحك: يلا يبنتالجذمة قومى ثم كمل بضحك هى مين الجذمة دى يا هدهد
هدى قامت عليهم هما الاتنين ب ابو ورده وجريوا ورا بعض
هدى: انا هوريك مين الجذمة دى يا جذمة
وبعد حبة من الجرى والضرب
ندى: اهدى يا هدهد خلاص يا قلبى ثم حضنتها وباستها فى خدها وبادلتها هدى الحضن وقالت فى سعادة: مبروك عليكى فلوس يا روحى ومبروك الترقية
احمد: وانا مليش من الحب ده نصيب
ندى: تؤ
احمد بغمزة: ولا حتى بوسة
ندى وظنته بيتكلم على هدى: تؤتؤ دى بتاعتى انا وبس ومامتى انا وبس
احمد: تؤتؤ دى مامتى انا كمان حتى اسأليها
ندى: انتى ماما مين فينا مش انتى مامتى انا
هدى سكتت بحزن لم يلاحظه احمد ولا ندى ودخلت المطبخ
وهما قعدوا يهزروا
احمد: شوفتى تخلت عنا احنا الاتنين وفى هذة اللحظة اتصل د.محمد ب احمد فشاور لندى تسكت ورد عليه
احمد: السلام عليكم
محمد: وعليكم السلام ورحمة الله وبركاته ازيك يا احمد عامل ايه
احمد باستغراب من اتصاله: بخير الحمدلله
محمد: لو انت مع ندى بعد اذنك متخليهاش تسمعنى
احمد بعد عن ندى وخرج برة البيت تحت انظار ندى المستغربة ورد عليه: بعدت عنها فيه اى يا د.محمد قلقتنى
محمد: لا مفيش حاجة كنت عايز اسألك بس لو فيه اى موقف حصل خلى حضرتك اضايقت كدة النهاردة
احمد: حكاله الموقف

ياريت تشجعونى بڤوت ورأيكم فى الكومنتات وشير للرواية لو عجبتكم🤍