شائت الأقدار🤍(مكتملة)

الجزء التاسع

رواية شائت الأقدار
*للكاتبة رحمة*
الجزء التاسع

فى الصباح
احمد: ندى انا فعلا تعبت منك كل شوية تأخير تأخير بجد انا لو من المدير كنت طردتك
ندى: على فكرة أنا مش متأخرة ولا انت متأخر الساعة دلوقتى 8 ونص وشغلى بيبدأ الساعة 9 وشغلك برده فى الحدود دى مش بيتخصم منك غير لو اتأخرت عن الساعة 9 ونص وخلاص انا لبست المشوار بياخد حوالى ربع ساعة بس يعنى هروح بدرى ربع ساعة كمان
احمد: لا والله وبالنسبة للفطار هدى مش بترضى تنزلك من غير فطار ولو نزلنا من غير بضطر اقف عند "ابو سمرة" ساعة علشان اجيب لحضرتك الشاورما والبطاطس السورى والكريب والحاجات الى حضرتك بتاكليها من غير م تقولى ل ماما والى اخر مرة جاتلك نزلة معوية بسببهم
ندى بصوت يكاد يسمع: حسابك معايا يحمدالكلب
ثم رفعت صوتها قليلا: دى كانت مرة
احمد: كدابة كل مرة
هدى: فين شبشبى هاتولى الشبشب ثم رفعت ابو وردة من رجلها وجريت ورا ندى وهى تسبها
هدى: يبنتااجذمة هى دى سندوتشات الفول والطعمية؟!
ندى وهى بتنهج من الجرى فى الشقة: والله عمرى م قولتلك بجيب فول وطعمية اصلا مش بحبهم
هدى: بس بتقوليلى بتجيبى ساندوتشات بطاطس من المطعم
ندى: أهدى يا هدهد بس قلبك ابيض م انا فعلا بجيب بطاطس بس هل انا قولتلك سورى ولا لأ أو من أنهى مطعم؟
وقفت وبصت لاحمد إلى بيضحك وبيبص لندى بشماتة وفجأة جريت وراه بالشبشب وهى بتشتمه هو وهو بحركه غير إرادية نط فوق الكنبة وبقا يلف جوالين السفرة وهدى بتلف وراه وهى بتشتمه
هدى: بقا بتخبى عليا يحماا يبن وليييد الله يرحمه
ثم وقفت تنهج من التعب وأحمد كذلك
احمد بضحك: بتقوليلى يا ابن وليد كأنك بتشتمينى لييه بابا الله يرحمه عمللك ايه
هدى: كان طيب الله يرحمه بس كان بيدلعك انت والمخفية دى
ندى: اخويا حبيبى يعيش ويدلعنى
احمد اتمنى انها تشيل اول كلمة بس اول كلمة هو عارف أنه اخوها وبيتمنى تعتبره اخوها وأبوها العمر كله بس بتمنى كلمة حبيبى تكون جاية من قلبها يبقى اخوها وأبوها وحبيبها
احمد بضحك: ربنا يرحمه كان بيحبنا
هدى بتمثيل الصدمة: يعنى انا مش بحبكم يبن ولييد وحدفت الشبشب عليه وطبعا كلنا عارفين أن الأمهات بيعرفوا ينشلوا صح و جه فى صدره
بصت لقت ندى بتضحك فحدفت عليها فردت الشبشب التانية وجت فى وشها
احمد: الساعة 9 إلا ربع يلااا يا زفتة اتأخرنااا
ندى بهرب من هدى: أجرى يحمااا بسرعة يلاا
هدى من على الباب: تجيبوا اكل مفيد يا زفت
احمد: عيون الزفت😂
فى العربية بعد م جابوا ساندوتشات بطاطس سورى
احمد: تفتكرى البطاطس السورى اكل مفيد
ندى وهى بتأكل بفرحة: طبعا يبنى م كدة كدة كنت هجيب بطاطس من المطعم هتفرق بطاطس مصرية من سورية
احمد وهو بيأكل وبيسوق: معاكى حق بس الراجل ده اكله حلو اوى احسن من ابو سمرة
ندى: مش اكله بس وعيونه كمان....احم قصدى أنه راجل ذوق عسل يعنى... احم غلط برده قصدى يعنى أنه ده إذا ظل على شئ يدل على أن كل السوريين قمراااات... يوووه يحماا متبصليش كدة مقصدش حاجة الله
احمد بقرف وغيره: سديتى نفسى الله لا يسد نفسك يا شيخة
ندى بضحك: اللهم آمين 😂
ندى بعد شوية: يحماا انت زعلت يحماا... يحمااا طب كل انت وراك شغل
احمد ركن العربية وقالها بجمود: انزلى وصلنا يلا
ندى: منيش نازلة غير أما تأكل
احمد مكنش زعلان هو بس غيران بس مكنش هيوضحلها ده كالعادة بس حب موضوع أنها تصالحه فقال: قولت نفسى اتسدت خلاص يلا انزلى علشان الحق شغلى
ندى: يا عم كنت بهزر معاك والله انت عيونك اجمل من الواد ده بكتير
احمد: كلى بعقلى حلاوة كلى
ندى: لا والله مش بكدب
احمد بإبتسامة: طب ارد عليكى دلوقتى ب احمد ابوكى ولا احمد اخوكى ولا احمد ابن عمك
ندى بضحك: ورينى رد التلاتة
احمد: احمد الاب كان هيكسر راسك بس أتمالك نفسه علشان بيحبك وميقدرش يزعلك
ندى بضحك على أسلوب كلامه: شرقى اوى الأب ده
احمد: وأحمد الاخ كان هيقولك أن مش بس عيونه حلوة لا ده جسمه حلو ماشاء الله شكله بيروح جيم هبقى اسأله أنهى واحد
ندى وهى بتدمع من الضحك: حبيبى واخويا والله يا ابو حميد بس جسمك احلى منه متسألهوش ولا حاجة
احمد بضحك وبعض الجرأة: وأحمد ابن عمك كان هيخاصمك على الموقف ده بس هيفرح أما قولتيله عيونك وجسمك أحلى وهيقولك انتى احلى واجمل البنات
ندى ببعض الكسوف وبتحاول تفهم قصده بس مش عارفة فقالت بضحك ممزوج بالكسوف: احماا ابن عمى ده لطيف خالص انا كنت هرد عليه وهقولك انت احلى واجمل الرجالة علشان انت اخويا
احمد بغيظ لكلمة اخويا الأخيرة: طب يلا وكفاية كلام بقا وانزلى اتأخرتى وانا اتأخرت
ندى: طب كل الاول
احمد: قولت شبعت خلاص يا ندى بقا
ندى بحماس: استنى هأكلك بإيدى
وطلعت الساندوتش ومدت أيدها لفم احمد
احمد اكل منها وهو جواه احساس جميل كأن قلبه بيرفرف وفضل ياكل من ايديها لحد م الساندوتش خلص
احمد بأحاسيس كتيرة حلوة ومختلفة: والتانى يلا بسرعة
ندى بكسوف: كله انت طيب علشان اتأخرت
احمد: خلاص مش لازم
ندى: يوووه عليك
طلعت الساندوتش وبدأت تأكله وهو مبتسم
ندى: فى حاجة على خدك
احمد بخبث: طب متشيليها
ندى: احم خد منديل اهو امسح بوقك
احمد: يعنى عند بوقى مش خدى
ندى: يوووه امسح يعم وشك
احمد وهو بيقلدها: منيش ماسحه امسحيه انتى
ندى بغيظ: هات
وبدأت تمسح بقايا الأكل من على فمه
وفى لحظة احمد بص فى عيونها وهى بصت لعيونه كان بيحاول يوصلها مشاعره من غير كلام بس بلغة العيون وفعلا ده إلى حصل لأول مرة ندى متحسش أنها بتبص فى عيون اخوها لأول مرة يدغدغها قلبها بالطريقة دى لمجرب النظر لعيونه لأول مرة تحس انها بتبص لشاب شاب جميل وعيونه حلوة عيونه بتقولها كلام كتير بس هى مش قادرة تفهمه أو بمعنى أصح مش قادرة تستوعبه
ندى بلخبطة: احم انا.. انا هنزل و..وانت روح شغلك اكيد اتأخرت يلا
ونزلت بسرعة وطبعا اتخصم منها علشان اتأخرتى وحاولت تشغل نفسها بالشغل و متفكرش فى إلى حصل وأحمد كذلك كان بيحاول يقنع نفسه أن نظراتها كانت عادية مكنش عايز يوهم نفسه ويصحى من الوهم ده على كلمة ازاى "حبتنى يا احمد ده احنا اخوات" دى اصعب كلمه بالنسباله بيتمنى ميسمعهاش منها ابدا

فى مكان تانى
ملك: انا لازم انفذ إلى فى بالى مش هفضل كدة كتير
ليلى(اخت ملك): يا بنتى هتخسريها وللابد صدقينى
ملك: بس هتتكتب على اسمى
ليلى: بس هتكرهك ومستحيل تتعامل معاكى
ملك: اذ شى ليك انا اهم حاجة عندى تتكتب على اسمى "As She Like"
ليلى: طب جربى تكلميها لوحدك وتستعطفيها احسن
ملك: حاضر يا ليلو هحاول هروحلها دلوقتى وهقولها نتقابل فى كافيه*** وهحاول استعطفها
ليلى: ايوة كدة وانا هحاول ابقى موجودة علشان اسلم عليها انا و جون بس م تتصلى عليها فون
ملك: يا بنتى بقولك مبلحقش اتكلم معاها مأخدتش رقمها طبعا... ياااه يا ليلو بجد لو حصل فى الأمور أمور وندى حبت جون ويتجوزوا
ليلى: ياريت والله هلاقى حماه قمر كدة لابنى فين
ملك ضحكت بصخب(ضحكة الرقاصات🙄)
ملك: هقوم اقولها وغالبا هلاقيها فى الشغل بس هسيبلها ورقة برقمى وعنوان الكافيه ومضمون الكلام
ليلى: صح كدة

بقلم R.A.H.M.A
دوس على النجمة يا قمر قبل م تعدى❤️⭐
توقعاتكم ورأيكم يهمنى🤍