شائت الأقدار🤍(مكتملة)

الجزء الثانى عشر

رواية شائت الأقدار
الجزء الثاني عشر
*للكاتبة رحمة*

ممكن تشجيع🥺❤️

على الكورنيش
احمد: خلاص بقا يا نودى فكى متخلينيش اتعصب مكنش واد ضربته يعنى
بصلها لقاها زعلانة ودموعها بتنزل حاول يلطف الجو اكتر
احمد: انتى مش فاكرة ايام ما كنت بضرب بالشلة بس علشان بيتخانقوا معاكى وانتى إلى غلطانة؟!! ما بالك بقا بالواد ده بيعاكسك والله ما عارف انا ازاى مخلصتش عليه أو حتى عميته🔪🙄
ندى:........
احمد بحنان: طب اتكلمى معايا طيب
ندى بصوت متحشرج: اتكلم اقول ايه
احمد: إلى كنتى هتقوليه لهدى مثلا
ندى ودموعها لسة نازلة: مكنتش هقولها حاجة انا بس مش محتاجة غير حضن حضن ماما وبس
احمد بحب: خلاص يا حبيبى لو عايزة نروح يلا اهم حاجة عندى راحتك
ندى بحزن: ليه يحصل معايا كدة ... ليه اكتشف بعد عشرين سنة أن امى مش هى امى وان امى الحقيقية سابتنى علشان الشغل والفلوس بصتله بحزن وكملت ليه مكانتش امى هى هدى طب ليه مقالوليش وانا صغيرة شهقت بقوة ثم أكملت ليه يا احمد قولى انت ليه انا قلبى بيتقطع مش عارفة اعمل ايه و شهقت تانى انا مستحيل اقول الكلام ده لهدى علشان هتزعل ومكنتش عايزة أقولك علشان هتفهمنى غلط انا مش قادرة بجد
ثم وضعت كفيها على وجهها واخدت تبكى بقوة
صمت دقيقة بصت جمبها بخوف ملقتش احمد بدأت تبص حوليها بخوف لاقت احمد واقف مع شخص قدامها حطت أيدها على وشها تانى وبدأت تبكى اقوى
احمد بحنان شديد: ممكن تشيلى ايدك من على وشك
ندى مسحت دموعها بعشوائية وبصتله لاقته قاعد قدامها بطريقة مسرحية وفى أيده شيكولاتات كتيرة وورود
احمد: تحبى اكلمك كدة ولا اقعد مكانى وكفاية فضايح يا سيادة الاميرة
ندى بحزن: اقعد يا احمد
احمد بحب شديد: بسم الله نبدأ نرد على اسألة الاميرة اول سؤال ليه انا ببساطة شديدة علشان ده إلى مكتوبلك دى حياتك وكل حاجة فيها اتأكدى أن فيها خير ولازم نبض لنص الكوباية المليان ليه انتى مكنتيش بنت هدى فعلا لأن ببساطة مكنتش هتبقى قاعدة قدامى دلوقتى انا وانتى عارفين أن هدى عندها مشاكل فى الحمل والولادة وأنها أما ولدت كانت بتموت حرفيا وبرده الطفلة ماتت بعد ما اتولدت ب نص ساعة بس وده رد لسؤال ليه مكنتيش بنت هدى فعلا والسؤال التانى ليه مامتك سابتك علشان الفلوس والشغل ف ده ببساطة علشان لولا هى عملت كدة مكنتيش هتبقى منورة حياتنا دلوقتى كنتى مش هتعرفينى اصلا ولا هتعرفى هدى والله اعلم كنتى هتتطبعى بطبع سيدات الأعمال الى هو الشغل نمير وان وجايز كنتى خلفتى وكانت بنتك هتعانى اضعاف وهى شايفة مامتها قدامها مش مهتمة غير بالشغل وانا يا نودى مكنتيش هتبقى معايا ولا هتنوريلى حياتى وحرفيا حياتى كانت هتدمر انا من غيرك انتى وهدى ولا حاجة من غيركم كان زمانى مكتئب أو مدمن أو منتحر وليه مقالولكيش من زمان ف ده علشان كنتى هتعيشى طول عمرك بتعاملى هدى على أنها مرات باباكى وهتحسى باليتم والغربة وانتى فى بيتك وفى حضن اكتر واحدة بتحبك فى الكون كل ده وندى كانت منصتة ليه بس باصة فى الارض
احمد: بصيلى يا نودى
ندى بصتله
احمد: كلامى صح؟
ندى: صح بس.. بس صعب كل كلامك صح بس صعب اتقبل الواقع ده بسهولة
احمد: وانا مش هقولك متزعليش علشان دى اكتر كلمة بتزعل تزعلى براحتك بس خليكى واثقة أن ربنا ميسرلك الخير وارضى بقضاءه وخليكى متأكدة أن له حكمه حتى لو منعرفهاش
ندى: انت صح بس.. طب اتعامل معاها ازاى ..مش عارفة
احمد: هى اكيد هتسافر تانى ومش هتبقى مضطرة تتعاملى معاها الا ايام معدودة ف هتتعاملى معاها كأنها خالتك إلى بتحبيها مثلا وقوليلها ماما علشان متزعلش
ندى: مقدرش اقولها ماما بالسهولة دى وكمان هى عايزانى اتكتب على اسمها و...
احمد: وايه؟؟
ندى: وده مستحيل يحصل طبعا علشان كدة مش عارفة اعمل ايه
احمد: فهميها انك مش متقبلة تعملى كدة وانك هتتعاملى معاها على الأساس ده بس مش هتقدرى تغيرى اسم مامتك وبعدين خدى كلى بيقولوا الشيكولاتة بتزود من هرمون الادرينالين وبالتالى بتقلل التوتر والزعل *يمكن ده بالنسبة ليا انا بس بس انا أما باكل شيكولاتة بحس انى برتاح أما اكون متوترة أو متضايقة😂*
ندى وهى بتحاول تفك: هات يا احماا ايتاا لا متاخدش من بتوعى حاجة روح هاتلك
احمد بصدمة حقيقية: ندى دول حوالى خمستاشر شيكولاتاية
ندى: يدوب اكلهم فى الطريق
احمد: يدوب هتاكلى خمستاشر شيكولاتاية الواحدة بتلاتين جنيه لوحدك فى الطريق الى هياخد حوالى ربع ساعة؟!!
ندى: انت هتبصلى فيهم ولا اى خد وردة اهى
احمد: لا وهعمل بيها اى خليهالك
ندى بضحك وهى بتأكل وشكله متضايق: متخدلك حتة (بصوت هنا الزاهد)
احمد بقرف مصتنع: لا شكرا يختى
ندى وهى بتأكل وبتبص للنيل: تعرف يحمااا انا بحب النيل ده قد اى
احمد بهيام: هيكون قد حبى ليكى مثلا؟!🥺❤️
ندى بهروب وخجل شديد: ينهار ابيض الساعة كام هدى هتشلوحناااى
احمد بضحك وتقبل لهروبها: هتشلوحناا والله
ندى: انت بتاخد تهزيقتين وبس إنما أنا بقعد احكى اليوم تفصيلى واتهزق واتضرب بأبو وردة وانت فوق نايم!!!
احمد بضحك: طب يلاا نلحق نروح علشان انام
ندى: مستفز والله🙄🔪 احماا هيحصل ايه لو رميتك من هنا ؟!
احمد بضحك واستفزاز: ولا حاجة هرجعلك تانى علشان بعرف اعوم ثم أكمل بخبث: وهيحصل ايه لو رميتك انا بقا؟!
ندى بحزن: هتريحنى من تفكيرى الكتير ثم أكملت بضحك: اى رأيك انط وانت تقولى لااا نداااااااا وتنط ورايا تنقذنى
احمد بحب قرب من ودنها وقال: وانا مقدرش اعيش لحظة من غيرك انتى محور حياتى يا ندى ولو بعد الشر حصلك حاجة انا افديكى بروحى وعمرى❤️
ندى قامت بسرعة وجريت على العربية وهى مكسوفة جامد ومش عارفة تمشى من لبختها والشيكولاتة وقعت منها ورباط الكوتش اتفك وبدأت تدمع تانى بس المرة دى من الخجل الشديد ولسة هتوطى احمد زعق جامد
احمد بزعيق: اوعى توطى استنى ثم انحنى وجمع الشيكولاتات واداهملها وكانت هتمشى بس وقفها وهو لسة موطى وربطلها كوتشيها ثم نظر لها بحب وقام بهيبة ومشى قدامها فتحلها العربية
ندى حطت أيدها إلى مليانة شيكولاتات على موضع قلبها إلى بينبض بعنف واول مرة تحس الاحساس ده مع احمد
احمد؟! احمد اخوها
ندى لنفسها: لا لا ندى فوقى اى مالك ده احمد اخوكى احن واجمل اخ واب وصاحب مش اكتر

روحوا وكل واحد فيهم فى دوامته الخاصة
وطلعت ندى حكت كل حاجة لهدى إلى كانت قاعدة على أعصابها من قلقها عليهم بسبب تأخيرهم وطبعا النصيب الأكبر للتهزيق كان من نصيب ندى
وبعد وصلة تهزيق وندى محكتش لهدى اخر موقف بينها وبين احمد علشان مكسوفة منها ومن نفسها ومن المشاعر إلى حست بيها ناحية اخوها من وجهه نظرها
هدى وهى بتضم ندى جامد لصدرها: ندى انتى عمرك حسيتى انى بعاملك وحش
ندى بحب: هدى انتى اجمل ام فى الكون كله ودى حاجة مفيش شك فيها

وكاااات نكمل البارت الجاى ان شاء الله حاسة البارت قصير بس حلو وجامد ورومانسى اهو😂❤️❤️
ممكن ڤوت ورأيكم فى التعليقات بقا❤️❤️
بقلم R.A.H.M.A