ظلام مخنوقة مالها قوة قبضاته قوية وقربه يقتل حاولت تفلت بس مافي فايدة يهمس باذنها بكلماته بذيئةصارت بصراع معاه وتحاول تصارخ قامت من النوم فجأءة ودقات قلبها سريعة وجسمها معرق وتحس بخنقة وعبرة متى تروح منها هذي الكوابيس حاولت تعدي هذي المرحلة وتنسى او تتناسى بس كيف وكل يوم ينعاد لها نفس الشريط حست انها مخنوقة تريد هواء شافت على الكمودينو الي عندها البخاخ اخذت منه كم بخة ورجع لها التنفس طالعت الساعة كانت 6 الصبح انتبهت انها مو بالبيت تذكرت انها بالمزرعة استغربت انها لوحدها الا ويرجع لها شريط الاحداث الي صارت تذكرت شيماء قامت تدورعليها دخلت للغرفة الثانية شافت زياد نايم على الفراش راحت لعنده بسرعة
سارا: زياد زياد قـــوم
زياد قام بسرعة مفزوع وخاصة لما شاف شكل سارا: بسم الله خير ايش صاير فيش شيء
سارا بخنقة : وين شيماء؟
زياد ابتسم يطمنها : شيماء ودوها المستشفى وقاطع كلامه شهقت سارا
شهقت سارا: ليش انا السبب الله يموتني لو صار فيها شيء فيني ولافيها وديني عندها الله يخليك وصارت تبكي
زياد يحاول يهديها: يابنت الحلال مافيها شيء وبعدين لاتدعي على نفسك والبنت مافييها الا العافية بس جرح بسيط والحين راجعين مايحتاج تروحين لها .
سارا: لاتكذب
زياد: افاااا متى كذبت عليش انا
سارا الي هدت شوي وتناظره يعني الحين تكذب
زياد: هههههه اوكي هالمرة ما اكذب يالله روحي ارتاحي شكلك تعبان وانا اريد انام واذا رجعوا شوفي بنفسك وان كنت عتبان عليش بس بعدين بعاتب الحين نعسان
سارا: والله ماعيدها توبة عارفة اني متهورة والمفروض اعقل بس مدري حبيت الوضع وتحمست
زياد بابتسامة : وماتقولين عندش اخوان يسابقوني وهم الي معلميني ولاخفتي نفوز عليش
سارا بضحكة: هههههه والله كان نفسي بس انتم ماطلعتوا وفراس قال انكم متحمسين مع
الشباب ونسيتونا فقلت امكن بتغيرون رايكم لانكم عند الشباب وهم اصلا اكيد بيرفضون الموضوع
سارا: مين معاها
زياد: عبدالعزيز وهيثم وخالد
سارا ابتسمت لان خالد راح معهم : وليش خالد راح وانت مارحت
زياد : خالد من امس وهو يقول انه بيرجع عنده كم شغلة وبيرجع وابوي رفض يروح لوحدة لان
الجوء انتي شايفاته مطر عشان كذا ماصدق وراح معاهم .
أنت تقرأ
أسرار العيون
Adventureهذي اول روايتي نسجتها من الواقع والعادات وتقاليدنا المنسوجة بالخيالان شالله تنال على اعجابكم ترددت اطرحها بس كثير شجعوني اني انزلهافحبيت اطرحها لكم ومتقبلة كل انتقاداتكم الي ممكن تساعدني اتمنى اشوف ردودكم الحلوة الي ممكن تشجعني وان شالله انزل في كل ...
